Valsad : BJP સાંસદ ધવલ પટેલે કેજરીવાલને રાવણ કરતાં પણ વધારે અહંકારી ગણાવ્યા

સાંસદ ધવલ પટેલે વધુમાં કહ્યું કે, “આમ આદમી પાર્ટીને દિલ્હીમાં ખૂબ અભિમાન હતું, પરંતુ હવે ત્યાં તેમની સ્થિતિ શું છે એ બધાને ખબર છે. તાજેતરમાં બિહાર વિધાનસભા ચૂંટણીમાં પણ AAP અને કોંગ્રેસની ડિપોઝિટ જપ્ત થઈ ગઈ છે. ગુજરાતની જનતા પણ આવી પાર્ટીઓને સ્વીકારશે નહીં.”

Advertisement

તેમણે AAP અને કોંગ્રેસ પર ગંભીર આરોપ લગાવતાં કહ્યું કે, “આ બંને પાર્ટીઓ આપણા સમાજ અને રાજ્યને તોડવાનું કામ કરે છે. દેશની બહારના લોકોને દેશ વિરુદ્ધ કાવતરું ઘડવા માટે સમર્થન આપે છે.” તેમણે વલસાડની જનતાને અપીલ કરી કે, “આપણે બધા એક રહેવું, એકતામાં રહેવું અને સજાગ રહેવું જોઈએ.”

સાંસદના આ નિવેદનથી ગુજરાતના રાજકીય વાતાવરણમાં ખળભળાટ મચી ગયો છે. વલસાડ જિલ્લા AAPના આગેવાનોએ આ નિવેદનનો તીવ્ર વિરોધ કર્યો છે અને તેને “રાજકીય હતાશાનું પરિણામ” ગણાવ્યું છે. કોંગ્રેસના પ્રતિનિધિઓએ પણ આ નિવેદનને “અસત્ય અને ભાજપની નિરાશા” તરીકે ઓળખાવ્યું છે.

બીજી તરફ ભાજપના કાર્યકર્તાઓએ સાંસદના નિવેદનને “સમયસૂચક અને સાચું” ગણાવીને તેનું સમર્થન કર્યું છે. આ ઘટનાએ ગુજરાતમાં ખાસ કરીને દક્ષિણ ગુજરાતમાં આગામી લોકસભા અને વિધાનસભા ચૂંટણીઓ પહેલાં રાજકીય તાપમાન વધારી દીધું છે.

આ પણ વાંચો- Vadodara | કોટન સીડ ઓઈલનો 478 કિલો જથ્થો સીઝ