Bombay High Court : સગીર પત્ની સાથે સંમતિથી સેક્સ પણ રેપ...

• બોમ્બે હાઈકોર્ટનો મહત્વનો ચુકાદો
• જો સગીર પત્ની સાથે સંમતિથી સેક્સ કરવામાં આવે તો પણ તેને દુષ્કર્મ ગણવામાં આવશે
• હાઇકોર્ટે પતિને 10 વર્ષની સજાને યોગ્ય ઠેરવી
• સંમતિના આધારે તેને યોગ્ય ઠેરવવાની દલીલ કાયદેસર રીતે સ્વીકારી શકાય નહીં-હાઇકોર્ટ

Bombay High Court : બોમ્બે હાઈકોર્ટે (Bombay High Court) પોતાના એક મહત્વના નિર્ણયમાં કહ્યું છે કે જો સગીર પત્ની સાથે સંમતિથી સેક્સ કરવામાં આવે તો પણ તેને દુષ્કર્મ ગણવામાં આવશે. સંમતિના આધારે તેને યોગ્ય ઠેરવવાની દલીલ કાયદેસર રીતે સ્વીકારી શકાય નહીં. હાઈકોર્ટની નાગપુર બેંચે પોતાના પતિ વિરુદ્ધ બળાત્કારની ફરિયાદ કરનાર મહિલાની ફરિયાદ પર સુનાવણી કરતી વખતે પતિને 10 વર્ષની સજાને યોગ્ય ઠેરવતા આ ટિપ્પણી કરી હતી.

તેથી તે દુષ્કર્મ ગણાશે - કોર્ટ

જસ્ટિસ GA સનપની સિંગલ બેન્ચે કહ્યું કે સહમતિથી સેક્સ માટે કાયદાકીય ઉંમર 18 વર્ષ છે. ન્યાયાધીશે કહ્યું, 'અહીં કહેવાની જરૂર છે કે 18 વર્ષથી ઓછી ઉંમરની છોકરી સાથે શારીરિક સંબંધ બાંધવો એ બળાત્કાર દુષ્કર્મ છે. તે પરિણીત છે કે નહીં તેનાથી કોઈ ફરક પડતો નથી. કોર્ટે કહ્યું, '18 વર્ષથી ઓછી ઉંમરની પત્ની સાથે શારીરિક સંબંધ દુષ્કર્મ છે. સુપ્રિમ કોર્ટના નિર્ણયને ધ્યાનમાં રાખીને હાલના કેસમાં પત્ની સાથે સહમતિથી શારીરિક સંબંધોનો બચાવ સ્વીકારી શકાય નહીં.

નીચલી અદાલતનો નિર્ણય યથાવત રાખ્યો

પત્નીએ દુષ્કર્મની ફરિયાદ કરતા નીચલી અદાલતે પતિને 10 વર્ષની સખત કેદની સજા ફટકારી હતી, હવે નીચલી અદાલતના આ નિર્ણયને હાઈકોર્ટની બેન્ચે યથાવત રાખ્યો છે. અહેવાલો અનુસાર, આરોપી વ્યક્તિએ ફરિયાદી મહિલા સાથે બળજબરીથી શારીરિક સંબંધો બાંધ્યા હતા. જ્યારે મહિલા ગર્ભવતી થઈ, તો તેણે પાછળથી લગ્ન કરી લીધા. લગ્ન પછી પણ તેમના સંબંધો સામાન્ય ન રહ્યા. આ સંબંધ દિવસે દિવસે બગડતો ગયા. જેનાથી કંટાળીને મહિલાએ તેના પતિ વિરુદ્ધ ફરિયાદ કરી હતી.

આ પણ વાંચો----Madras High Court : ભારત માતાનું અપમાન ક્યારેય બર્દાશ્ત નહી કરાય

પીડિતા વર્ધામાં રહેતી હતી

કોર્ટે કહ્યું હતું કે 'જો તેમની વચ્ચે કહેવાતા લગ્ન થયા હોય, તો પણ પીડિતા દ્વારા કરવામાં આવેલા આરોપોને ધ્યાનમાં રાખીને કે તે તેની સંમતિ વિરુદ્ધ જાતીય સંબંધ હતો, તો તે દુષ્કર્મ સમાન ગણાશે.' પીડિતા મહારાષ્ટ્રના વર્ધામાં તેના પિતા, બહેનો અને દાદી સાથે રહેતી હતી. અહીં આરોપી વ્યક્તિ પીડિતાનો પાડોશી હતો. કહેવાય છે કે 2019 પહેલા બંને વચ્ચેનો પ્રેમપ્રકરણ લગભગ ત્રણ-ચાર વર્ષ સુધી ચાલ્યું હતું. આ દરમિયાન આરોપી પીડિતા પર શારીરિક સંબંધ બાંધવા માટે દબાણ કરતો રહ્યો, જેને તે નકારતી રહી.

બાળકનું નામ આપવાનો ઇનકાર કર્યો હતો

પીડિતાની ફરિયાદ મુજબ, આર્થિક સંકડામણના કારણે તેણે નજીકના શહેરમાં કામ કરવાનું શરૂ કર્યું. ત્યારબાદ આરોપીએ તેનો પીછો શરૂ કર્યો હતો. ત્યારપછી તે તેણીને ઘરે મુકવા અને બાઇક પર કામ કરવા લઇ જતો. આ દરમિયાન તેણે પીડિતા સાથે શારીરિક સંબંધો બાંધ્યા હતા. જ્યારે પીડિતા ગર્ભવતી થઈ, ત્યારે આરોપીએ 'લગ્નનું નાટક' કર્યું. તેણે ભાડાના રૂમમાં કેટલાક પાડોશીઓની હાજરીમાં લગ્ન કર્યા. આ કથિત લગ્ન પછી તેમના સંબંધો વધુ બગડવા લાગ્યા. આરોપીએ પીડિતાને માર મારવાનું શરૂ કર્યું. તેણે પીડિતા પર ગર્ભપાત માટે દબાણ પણ કર્યું હતું. બાદમાં તેણે બાળકને તેનું નામ આપવાની ના પાડી દીધી હતી. જ્યારે પીડિતા આરોપીનો ત્રાસ સહન ન કરી શકી ત્યારે તેણે મે 2019માં પોલીસમાં ફરિયાદ નોંધાવી.

આ પણ વાંચો---Ahmedabad : 'તલવારો લઈને ફરે, ફાયરિંગ કરે છે તેને તો અટકાવી શકતા નથી' : High Court