Botad: કષ્ટભંજન દેવના દ્વારે ઉદ્યોગપતિ મુકેશભાઈ અંબાણી અને અનંત અંબાણી!
Botad દેશના અગ્રણી ઉદ્યોગપતિ મુકેશભાઈ અંબાણી અને અનંતભાઈ અંબાણીએ સાળંગપુર કષ્ટભંજન હનુમાનજીના દર્શન કર્યા હતા. તેમણે ગૌપૂજન અને ધ્વજા પૂજન કરી આશીર્વાદ મેળવ્યા હતા. કોઠારી સ્વામીની વિનંતી પર મુકેશભાઈ અંબાણીએ જિયો પ્લેટફોર્મ પર દાદાની આરતી લાઈવ કરવા પુત્રને સૂચના આપી છે. મોટી સંખ્યામાં ઉમટેલા ભક્તોએ 'જય શ્રી રામ'ના નારા સાથે તેમને વિદાય આપી હતી.
Advertisement
- Botad મુકેશભાઈ અને અનંતભાઈ અંબાણીએ સાળંગપુર દાદાના દર્શન કર્યા
- પિતા-પુત્રએ મંદિરમાં ગૌપૂજન અને ધ્વજા પૂજન કર્યું
- જિયો પર સાળંગપુરની આરતી લાઈવ કરવા મુકેશભાઈ અંબાણીનું સૂચન
Botad: ગુજરાતના સુપ્રસિદ્ધ યાત્રાધામ સાળંગપુર (Salangpur) ખાતે આજે વહેલી સવારથી જ ભક્તિમય માહોલ જોવા મળ્યો હતો. દેશના જાણીતા ઉદ્યોગપતિ અને રિલાયન્સ ઇન્ડસ્ટ્રીઝના ચેરમેન મુકેશભાઈ અંબાણી (Mukeshbhai Ambani) તેમના પુત્ર અનંતભાઈ અંબાણી (Anantbhai Ambani) સાથે કષ્ટભંજન હનુમાનજી દાદા (Kashtbhanjan Hanumanji)ના દર્શનાર્થે પહોંચ્યા હતા. પિતા-પુત્રની આ જોડીએ હનુમાનજી દાદાના ચરણોમાં શીશ ઝુકાવી આશીર્વાદ મેળવ્યા હતા.
