BSNL નો ધમાકેદાર પ્લાન, ભારે ડિસ્કાઉન્ટ સાથે હાઇ-સ્પીડ ઇન્ટરનેેટ મળશે

• BSNL નો પ્લાન ખાનગી કંપનીઓની ઉંઘ હરામ કરશે
• ડિસ્કાઉન્ટ અને બોનસ લાભથી ગ્રાહકોને ફાયદો જ ફાયદો
• તમારા નજીકમાં આ પ્લાન લાગુ છે કે નહિં તે જાણવા કોલ સેન્ટરમાં ફોન કરો

BSNL Plan : BSNL પોતાની શાનદાર ઓફરો (BSNL Special Offer) સાથે ખાનગી કંપનીઓને જોરદાર સ્પર્ધા આપી રહ્યું છે. હવે કંપની એવી ઓફર લાવી છે, જે અન્ય કંપનીઓની ઊંઘ હરામ કરી શકે છે. અહેવાલ મુજબ, BSNL કંપની તેના હાઇ-સ્પીડ બ્રોડબેન્ડ પ્લાન (BSNL High Speed Broadband Plan) પર રૂ. 6,000 નું ડિસ્કાઉન્ટ (BSNL Discount) આપી રહ્યું છે. આ ઓફર 1Gbps ઇન્ટરનેટ સ્પીડ ઓફર કરતા પ્લાન સાથે આપવામાં આવી રહી છે. આ પ્લાન વ્યક્તિગત યુઝર માટે કદાચ વધારે ઉપયોગી ના હોય, પરંતુ ઓફિસ કે અન્ય કોમર્શિયલ સ્થળ માટે તે એક શાનદાર પ્લાન સાબિત થઈ શકે છે.

6 મહિના માટે દર મહિને 1,000 રૂપિયાનું ડિસ્કાઉન્ટ

BSNL ના જે પ્લાન સાથે આ ઓફર આપવામાં આવી રહી છે, તેનું નામ Fiber Ruby OTT છે. પ્લાનની કિંમત 4799 રૂપિયા છે. ઓફરમાં, યુઝર્સ 1,000 રૂપિયાના ડિસ્કાઉન્ટ સાથે 6 મહિના માટે આ પ્લાનનો ઉપયોગ કરી શકે છે. આનો અર્થ એ થયો કે 6 મહિના માટે 1Gbps સ્પીડ સાથે આ પ્લાનનો ઉપયોગ કરવાનો માસિક ખર્ચ 4799 રૂપિયાને બદલે 3799 રૂપિયા થશે. આ પ્લાનની ખાસ વાત એ છે કે, આમાં તમને Disney Hotstar Super Plan, Sony Liv Premium, Zee5 Premium, Voot Select અને Lionsgate જેવા પ્રીમિયમ OTT પ્લેટફોર્મનું સબ્સ્ક્રિપ્શન મળશે.

ઑફર 13 સપ્ટેમ્બર સુધી લાઇવ રહેશે

BSNL ની આ ધમાકેદાર ઑફર 13 સપ્ટેમ્બર 2025 સુધી લાઇવ રહેશે. ધ્યાનમાં રાખો કે, કંપનીની આ ઑફર બધા સર્કલમાં આપવામાં આવી રહી નથી. આવી સ્થિતિમાં જો તમે આ ઑફરનો લાભ લેવા માંગતા હો, તો વધુ સારું રહેશે કે તમે BSNL કસ્ટમર કેર સેન્ટરમાં કૉલ કરીને અથવા તમારા વિસ્તારમાં નજીકના BSNL ઑફિસની મુલાકાત લઈને માહિતી મેળવી શકો.

BSNL ની 4G સેવા દિલ્હીમાં શરૂ થઈ ગઈ છે

BSNL ની 4G સેવા દિલ્હીમાં શરૂ થઈ ગઈ છે. કંપનીએ કહ્યું કે, આ સેવા '4G-as-a-Service' મોડેલ હેઠળ શરૂ કરવામાં આવી છે. આમાં કંપની પાર્ટનર નેટવર્ક દ્વારા છેલ્લા માઇલ સુધી રેડિયો કવરેજ પ્રદાન કરશે. 4G સેવા શરૂ થવાથી, વપરાશકર્તાઓને હાઇ-સ્પીડ ડેટા સાથે વધુ સારી વોઇસ કોલિંગ મળશે. વપરાશકર્તાઓ ગ્રાહક સેવા કેન્દ્રો અથવા અધિકૃત રિટેલર્સ પાસેથી SIN અને e-KYC કરાવી શકે છે.

આ પણ વાંચો ----- Google Pixel 10 આ તારીખે થશે લોન્ચ, સ્માર્ટફોનમાં મળશે આ ખાસ ફિચર્સ