માત્ર રૂ. 251 માં 100 GB ઇન્ટરનેટ, મફત કોલ-SMS નો પ્લાન લેવા માટે છેલ્લી તક

• સરકારી ટેલિકોમ કંપની ગ્રાહકો માટે લઇને આવ્યું આકર્ષક ઓફર
• સસ્તામાં સારી સેવા-સુવિધા સાથેનો પ્લાન સમાપ્તિની નજીક પહોંચ્યો
• ઓછા પૈસે વધારે લાભ ઇચ્છતા હોવ તો તુરંત પ્લાનમાં જોડાઇ જાઓ

BSNL Learners Plan : BSNL એ બાળ દિવસ નિમિત્તે વિદ્યાર્થીઓ માટે એક ખાસ પ્લાન લોન્ચ કર્યો હતો, જેની કિંમત રૂ. 251 હતી. આ એક મર્યાદિત સમયગાળાનો પ્રીપેડ પ્લાન હતો, એટલે કેસ કંપનીએ તેને મર્યાદિત સમયગાળા માટે લોન્ચ કર્યો હતો. આજે આપણે આ પ્લાન વિશે ચર્ચા કરી રહ્યા છીએ, કારણ કે, આ ખાસ પ્લાન થોડા દિવસોમાં સમાપ્ત થવાનો છે. સૌથી સસ્તામાં ફ્રી ઇન્ટરનેટ, કોલ, મેસેજ સહિતની સુવિધાઓ આપતો આ પ્લાન ગમે તે વ્યક્તિને આકર્ષિત કરી શકે છે. પ્લાન સમાપ્તિમાં ગણતરીના દિવસો બાકી હોવાથી લાભ લેવા માટે રસ ધરાવતા વ્યક્તિઓ જલ્દી નિર્ણય લેવો પડશે.

BSNL ના રૂ. 251ના પ્લાનમાં આ સુવિધાઓ મળશે

BSNL એ ખાસ કરીને વિદ્યાર્થીઓ માટે રૂ. 251નો ખાસ પ્રીપેડ પ્લાન લોન્ચ કર્યો છે. આ પ્લાન 28 દિવસની માન્યતા સાથે આવે છે. ગ્રાહકોને દરરોજ કુલ 100GB ડેટા અને 100 SMS સંદેશાઓ મળે છે, સાથે જ બધા નેટવર્ક પર અમર્યાદિત કોલ્સ પણ મળે છે. કિંમત અને માન્યતાને ધ્યાનમાં રાખીને, આ પ્લાનની દૈનિક કિંમત રૂ. 8.96 છે. જે તેને વધારે આકર્ષક અને લોકપ્રિય બનાવે છે.

અંતિમ તારીખ 13, ડિસેમ્બર

જો તમને ભારે ડેટાવાળા આ સસ્તા પ્લાનમાં રસ હોય, તો ઉતાવળ કરો, કારણ કે અંતિમ તારીખ નજીક છે. કંપનીએ જણાવ્યું હતું કે આ પ્લાન ફક્ત 13 ડિસેમ્બર સુધી જ ઉપલબ્ધ છે. તમે કંપનીની સત્તાવાર વેબસાઇટ, મોબાઇલ એપ્લિકેશન અથવા નજીકની ઓફિસની મુલાકાત લઈને આ પ્લાનની વિગતો મેળવી શકો છો. અત્રે નોંધનીય છે કે, છેલ્લા કેટલાય સમયથી સરકારની કંપની બીએસએનએલ ખાનગી કંપનીઓને જોરદાર ટક્કર આપી રહી છે. એટલું જ નહીં, સસ્તા અને સારી સુવિધાઓ વાળા પ્લાન લોન્ચ કરી રહી છે. જેના કારણે કંપનીમાં મોટી સંખ્યામાં નવા ગ્રાહકો જોડાયા હોવાનું સપાટી પર આવ્યું છે.

આ પણ વાંચો -------  બ્રિટિશ કાળની કાદિયન-બિયાસ રેલ લાઇન ફરી શરૂ કરાશે, જાણો કેવું છે આયોજન