Chandrayaan-3 : ચંદ્ર પર ISRO ને મળી મોટી સફળતા, પ્રજ્ઞાન રોવરે ચંદ્ર પર શોધ્યો 'ખજાનો'...!

Chandrayaan-3 ના વિક્રમ લેન્ડર અને પ્રજ્ઞાન રોવરનું કામ ચંદ્રની સપાટી પર ઉતર્યા પછી જ શરૂ થયું. એક મોટું અપડેટ સામે આવ્યું છે. Chandrayaan-3 ના પ્રજ્ઞાન રોવરમાં ફીટ કરાયેલા પેલોડે ચંદ્રના દક્ષિણ ધ્રુવ પર ઓક્સિજનની હાજરીની પુષ્ટિ કરી છે. ખુદ ISRO એ ટ્વીટ કરીને આની જાણકારી આપી છે. એટલું જ નહીં, આ સિવાય સલ્ફરની હાજરીની પણ પુષ્ટિ થઈ છે. જોકે એવું કહેવામાં આવી રહ્યું છે કે હાઈડ્રોજનની શોધ હજુ ચાલુ છે.

વાસ્તવમાં, ISRO એ ટ્વિટર પર લખ્યું છે કે જગ્યાએ વૈજ્ઞાનિક પ્રયોગો થઈ રહ્યા છે. રોવર પર સવાર લેસર ગાઇડેડ બ્રેકડાઉન સ્પેક્ટ્રોસ્કોપ (LIBS) ઇન્સ્ટ્રુમેન્ટ પ્રથમ વખત ઇન-સીટુ માપન દ્વારા, દક્ષિણ ધ્રુવની નજીક ચંદ્રની સપાટીમાં સલ્ફર (S) ની હાજરીની સ્પષ્ટપણે પુષ્ટિ કરે છે. ISRO એ પણ માહિતી આપી હતી કે અપેક્ષા મુજબ, Al, Ca, Fe, Cr, Ti, Mn, Si અને O પણ મળી આવ્યા હતા. જો કે, હાઇડ્રોજન (H) ની શોધ ચાલુ છે.

આ પહેલા ISRO એ રવિવારે ચંદ્રની સપાટીના તાપમાન સાથે સંબંધિત ગ્રાફ જાહેર કર્યો હતો. ISRO અનુસાર, ચંદ્ર સપાટીના થર્મો ભૌતિક પ્રયોગે ચંદ્રની સપાટીના થર્મલ વર્તનને સમજવા માટે દક્ષિણ ધ્રુવની આસપાસ ચંદ્રની ઉપરની જમીનના તાપમાનને પ્રોફાઈલ કર્યું હતું. આ દ્વારા, દક્ષિણ ધ્રુવની આસપાસની ચંદ્રની ઉપરની જમીનનું તાપમાન પ્રોફાઇલ માપવામાં આવ્યું હતું. નિષ્ણાતોએ કહ્યું કે અમે માનતા હતા કે સપાટી પરનું તાપમાન 20 ડિગ્રી સેન્ટિગ્રેડથી 30 ડિગ્રી સેન્ટિગ્રેડની આસપાસ હોઈ શકે છે, પરંતુ તે 70 ડિગ્રી સેન્ટિગ્રેડ છે. આ આશ્ચર્યજનક રીતે અપેક્ષા કરતાં વધુ છે.

આ પણ વાંચો : હેલ્લો પૃથ્વીવાસીઓ..,ચંદ્ર પરથી પ્રજ્ઞાન રોવરે ISRO ને મોકલ્યો આ સંદેશ