China: ચીનમાં ભ્રષ્ટાચાર વિરુદ્ધ કડક કાર્યવાહીનો એક કિસ્સો સામે આવ્યો છે. જેણે માત્ર દેશને જ નહીં પરંતુ સમગ્ર વિશ્વને ચોંકાવી દીધું છે. હાઈહોઉ (Haihou) શહેરના ભૂતપૂર્વ મેયર ઝાંગ ક્વિને ભ્રષ્ટાચારના મોટા કેસમાં દોષિત ઠેરવ્યા બાદ મૃત્યુદંડની સજા ફટકારવામાં આવી છે. તપાસ દરમિયાન તેમના ઘરેથી મળેલા સોનાના ઢગલાએ બધાને ચોંકાવી દીધા.
![China 01_GUJARAT_FIRST]()
China: ઘરેથી સોના અને રોકડનો પહાડ મળ્યો
મળતી માહિતી મુજબ, જ્યારે તપાસ એજન્સીઓએ ભૂતપૂર્વ મેયર (Former Mayor) ના એપાર્ટમેન્ટ પર દરોડા પાડ્યા, ત્યારે ઝાંગ ક્વિ (Zhang Qi) ના ઘરેથી 13 હજાર 500 કિલો વજન ધરાવતું સોનું અને આશરે 3 હજાર 400 કરોડ રૂપિયા રોકડા મળી આવ્યા હતા. ભૂતપૂર્વ મેયરના ઘરેથી આટલી મોટી રકમની રોકડ અને સોનું મળવું ચીનના ઇતિહાસમાં દુર્લભ છે. ઉપરાંત ભૂતપૂર્વ મેયરની ચીન અને વિદેશમાં વૈભવી રિયલ એસ્ટેટ અને તેમની મોંઘી કારનો સંગ્રહ પણ જપ્ત કરવામાં આવ્યો હતો.
China: ઝાંગ ક્વિએ 10 વર્ષમાં અબજ ડોલરનું સામ્રાજ્ય બનાવ્યું
તપાસમાં જાણવા મળ્યું કે, વર્ષ 2009 થી 2019 દરમિયાન, ભૂતપૂર્વ મેયરે પોતાના પદનો દુરુપયોગ કર્યો હતો. સરકારી કોન્ટ્રાક્ટ (Government contracts) આપવા અને જમીનના સોદા મંજૂર કરવાના બદલામાં અનેક લાંચ લીધી હતી. આ સમયગાળા દરમિયાન તેમણે સેંકડો અબજો રૂપિયાની ગેરકાયદે સંપત્તિ એકઠી કરી હતી.
આ પણ વાંચો-------Mexico Earthquake: મેક્સિકોમાં 6.5 તીવ્રતાનો ભૂકંપ! રાષ્ટ્રપતિની પ્રેસ કોન્ફરન્સ અધવચ્ચે રોકાઈ
China: કોર્ટે કેમ ફટકારી મૃત્યુદંડની સજા?
કોર્ટે ઝાંગ ક્વિને જાહેર ભંડોળના ઉચાપત, પદનો દુરુપયોગ અને ગંભીર ભ્રષ્ટાચાર (Corruption) માટે દોષિત ઠેરવ્યો હતો. ચુકાદામાં જણાવાયું હતું કે પૂર્વ મેયરે જાહેર જનતાના વિશ્વાસ સાથે દગો કર્યો છે. અને રાજ્યને નોંધપાત્ર નુકસાન પહોંચાડ્યું હતું. પરિણામે, તેમને મૃત્યુદંડની સજા ફટકારવામાં આવી હતી.
ચીનનો સૌથી મોટો ભ્રષ્ટાચાર કેસ
આ કેસ ચીનના ઇતિહાસમાં સૌથી વિવાદાસ્પદ ભ્રષ્ટાચાર વિરોધી કેસોમાંથી એક માનવામાં આવી રહ્યો છે. આ ચુકાદો માત્ર સત્તામાં રહેલા અધિકારીઓને મજબૂત સંદેશ જ નથી આપતો, પરંતુ વિશ્વભરમાં ભ્રષ્ટાચાર અને સત્તા કેટલી હદ સુધી જઈ શકે છે, તે અંગે પ્રશ્નો પણ ઉભા કરે છે.
આ પણ વાંચો-------IPL 2026 : વિવાદના વંટોળમાં ઘેરાયેલી KKR ને BCCI નો આદેશ, આ ખેલાડીને ટીમમાંથી હટાવો
આ પણ વાંચો-------America: અમેરિકામાં આતંકવાદી હુમલાનું ષડયંત્ર નિષ્ફળ, ISIS શંકાસ્પદ યુવકની ધરપકડ, નવા વર્ષમાં મોટા બ્લાસ્ટનો હતો પ્લાન!
