Semiconductor Gujarat: મુખ્યમંત્રી ભુપેન્દ્રભાઈ પટેલની ઉપસ્થિતિમાં સાણંદમાં સેમીકન્ડક્ટર પ્લાન્ટનું લોકાર્પણ

પાંચ મહિનામાં ત્રીજો સેમીકન્ડક્ટર પ્રોજેક્ટ

મુખ્યમંત્રીએ ગૌરવ સાથે જણાવ્યું હતું કે, ગુજરાતમાં માત્ર પાંચ મહિનાના ટૂંકા ગાળામાં આ ત્રીજો સેમીકન્ડક્ટર પ્લાન્ટ શરૂ થવા જઈ રહ્યો છે. આ સિદ્ધિ ગુજરાતની ઔદ્યોગિક નીતિ અને વહીવટી કાર્યક્ષમતાનો પુરાવો આપે છે. કોરોના મહામારી દરમિયાન જ્યારે સમગ્ર વિશ્વની ગ્લોબલ સપ્લાય ચેઇન ખોરવાઈ ગઈ હતી, ત્યારે સેમીકન્ડક્ટરની અછતે દુનિયાને આ ક્ષેત્રમાં આત્મનિર્ભર બનવાની જરૂરિયાત સમજાવી હતી.

Semiconductor Gujarat: સેમીકન્ડક્ટર ક્ષેત્રે ભારતનું નેતૃત્વ

આજે ભારત સેમીકન્ડક્ટર ક્ષેત્રે વિશ્વમાં અગ્રણી બની રહ્યું છે. વડાપ્રધાનના વિઝનને અનુસરીને, ગુજરાત સરકારે વર્ષ 2022માં જ દેશની પ્રથમ 'સેમીકન્ડક્ટર પોલિસી' જાહેર કરી હતી. આ પહેલને કારણે આજે ગુજરાત સેમીકન્ડક્ટર ઉત્પાદનનું કેન્દ્ર બનીને ઊભરી રહ્યું છે. રાજ્યના આ પ્રયાસોથી માત્ર ઉદ્યોગો જ નહીં, પરંતુ લાખો યુવાનોને રોજગારીની નવી તકો પણ પ્રાપ્ત થશે. મુખ્યમંત્રીએ ઉમેર્યું કે, ટેકનોલોજીના આ નવા યુગમાં ભારત વૈશ્વિક સ્તરે ટેકનોલોજીકલ પાવરહાઉસ તરીકે પોતાની ઓળખ મજબૂત કરી રહ્યું છે.

આ પણ વાંચો: Mahisagar Accident: લુણાવાડાના મુખ્ય માર્ગ પર અકસ્માત, બજારથી ઘરે જતી મહિલાઓ ગંભીર રીતે ઈજાગ્રસ્ત