CPI એ વિશ્વના સૌથી ભ્રષ્ટ દેશોની યાદી જાહેર કરી, જાણો ભારતનું રેન્કિંગ

• ભ્રષ્ટાચાર ધારણા સૂચકાંક 2024 ની રેન્કિંગ જાહેર
• 2023 માં ભારતનો ક્રમ 93મો હતો
• પડોશી દેશો પાકિસ્તાન અને શ્રીલંકાની સ્થિતિ જાણો

ટ્રાન્સપરન્સી ઇન્ટરનેશનલે ભ્રષ્ટાચાર ધારણા સૂચકાંક 2024 ની રેન્કિંગ જાહેર કરી છે. રેન્કિંગ બનાવવા માટે, CPI જાહેર ક્ષેત્રમાં ભ્રષ્ટાચારના કથિત સ્તરના આધારે 180 દેશો અને પ્રદેશોને ક્રમ આપે છે, જે દેશોને 0 અને 100 ની વચ્ચેનો સ્કોર આપે છે. રેન્કિંગમાં સૌથી વધુ ગુણ મેળવનારા દેશો સ્વચ્છ છે, જ્યારે શૂન્ય ગુણ મેળવનારા દેશો સૌથી વધુ ભ્રષ્ટ છે.

2023 માં ભારતનો ક્રમ 93મો હતો

મંગળવારે જાહેર કરાયેલા CPI રિપોર્ટ મુજબ, 2024 માટે ભ્રષ્ટાચાર ધારણા સૂચકાંક (CPI) માં ભારત 180 દેશોમાંથી 96મા ક્રમે છે. જોકે, 2023 ની સરખામણીમાં આ સૂચકાંકમાં ભારતનો ક્રમ એક ઘટ્યો છે. જેના કારણે ભારતનો ક્રમાંક 3નો સુધારો થયો છે. ભારતને 100 માંથી 38 ગુણ મળ્યા છે. જ્યારે 2023માં તે 39 અને 2022માં 40 હતા. 2023 માં ભારતનો ક્રમ 93મો હતો.

પડોશી દેશો પાકિસ્તાન અને શ્રીલંકાની સ્થિતિ જાણો

ભારતના પડોશી દેશોમાં, પાકિસ્તાન (135) અને શ્રીલંકા (121) પોતપોતાના નીચા રેન્કિંગ સાથે સંઘર્ષ કરી રહ્યા છે, જ્યારે બાંગ્લાદેશ 149 મા ક્રમે છે. જ્યારે ચીન આ રેન્કિંગમાં 76મા સ્થાને છે. CPI રેન્કિંગમાં ડેનમાર્ક ટોચ પર છે. તે પછી ફિનલેન્ડ અને સિંગાપોર આવે છે.

મોટાભાગના દેશોમાં 50 થી ઓછા ગુણ છે

રિપોર્ટ પ્રમાણે, વિશ્વભરમાં ભ્રષ્ટાચારના ગંભીર કિસ્સાઓ સામે આવ્યા છે. 43 ની વૈશ્વિક સરેરાશ વર્ષોથી યથાવત છે, બે તૃતીયાંશથી વધુ દેશો 100 માંથી 50થી ઓછો સ્કોર કરે છે અને અબજો લોકો આ દેશોમાં રહે છે જ્યાં ભ્રષ્ટાચાર લોકોના જીવનને અસર કરે છે અને માનવ અધિકારોનું સતત ક્ષતિગ્રસ્ત થવું ચાલુ રહે છે. 2024 ના CPI એ દર્શાવ્યું હતું કે ભ્રષ્ટાચાર વિશ્વના દરેક ભાગમાં એક ખતરનાક સમસ્યા છે, પરંતુ ઘણા દેશો બદલાઈ રહ્યા છે. જ્યારે 2012 થી, 32 દેશોએ તેમના ભ્રષ્ટાચારના સ્તરમાં નોંધપાત્ર ઘટાડો કર્યો છે. પરંતુ હજુ ઘણું કામ કરવાનું બાકી છે, કારણ કે તે જ સમયગાળા દરમિયાન 148 દેશો કાં તો સ્થિર રહ્યા અથવા વધુ ખરાબ થયા. રિપોર્ટમાં કહેવામાં આવ્યું છે કે વિશ્વભરમાં મોટી સંખ્યામાં લોકો ગ્લોબલ હીટિંગના ભયંકર પરિણામો ભોગવી રહ્યા છે કારણ કે ગ્રીનહાઉસ ગેસ ઉત્સર્જન ઘટાડવા અને સંવેદનશીલ વસ્તીને સુરક્ષિત રાખવા માટે દેશોને આપવામાં આવેલા ભંડોળની ચોરી થાય છે અથવા તેનો દુરુપયોગ થાય છે.

આ પણ વાંચો: Weather Today Forecast : માઘ પૂર્ણિમાના દિવસે જાણો હવામાન અપડેટ્સ