• Rahul Gandhi ના વિદેશ પ્રવાસ પર CRPFની ફરિયાદ: 6 વખત પ્રોટોકોલ તોડ્યો, ખરગેને પત્ર
• CRPFનું ખરગેને પત્ર : રાહુલ ગાંધીએ સુરક્ષા માર્ગદર્શિકા તોડી, 15 દિવસ પહેલાં જાણ કરવાની માંગ
• રાહુલના 6 વિદેશ પ્રવાસમાં સુરક્ષા ઉલ્લંઘન : CRPFએ ખરગેને ચેતવણી આપી
• Z સુરક્ષા છતાં પ્રોટોકોલ તોડ્યો : CRPFનું રાહુલ-ખરગેને પત્ર, વિદેશ યાત્રા પહેલાં જાણ કરો
• CRPFનો પ્રહાર : રાહુલ ગાંધીના 'અણધાર્યા' પ્રવાસો પર ગંભીર ચિંતા

નવી દિલ્હી : રાહુલ ગાંધીની ( Rahul Gandhi ) સુરક્ષા અંગે મોટી ખબર સામે આવી છે. સૂત્રોના હવાલેથી મળેલી માહિતી અનુસાર, CRPFના DG સિક્યોરિટીએ કોંગ્રેસ અધ્યક્ષ મલ્લિકાર્જુન ખરગે અને રાહુલ ગાંધીને પત્ર લખીને ગંભીર ફરિયાદ નોંધાવી છે. આ પત્રમાં રાહુલ ગાંધી પર સિક્યોરિટી પ્રોટોકોલ તોડવા અને સુરક્ષામાં બેદરકારી દાખવવાના આરોપો લગાવાયા છે.

10 સપ્ટેમ્બરે લખાયેલા આ પત્રમાં CRPF VVIP સિક્યોરિટી તરફથી સ્પષ્ટ કરવામાં આવ્યું છે કે રાહુલ ગાંધી પોતાની Z with ASL (Advanced Security Liaison) કેટેગરી સુરક્ષાનું પાલન કરી રહ્યા નથી. આરોપ છે કે રાહુલ ગાંધીએ અનેક વખત CRPFની Yellow Book સુરક્ષા માર્ગદર્શિકાનું ઉલ્લંઘન કર્યું છે.

આ પણ વાંચો- Sonia Gandhi પર FIR નહીં થાય, દિલ્હી હાઈકોર્ટે અરજી ફગાવી; નાગરિકતા પહેલાં મતદાર બનવાનો મામલો

Rahul Gandhi પર CRPFની ફરિયાદ

પત્રમાં તે વાતનો પણ ઉલ્લેખ કરવામાં આવ્યો છે કે રાહુલ ગાંધી વિદેશ પ્રવાસ પર જવા પહેલાં જરૂરી માહિતી CRPFને આપતા નથી. પ્રોટોકોલ અનુસાર, Z શ્રેણીના સુરક્ષિત વ્યક્તિઓએ વિદેશ યાત્રા માટે ઓછામાં ઓછું 15 દિવસ પહેલાં સુરક્ષા એજન્સીઓને ઔપચારિક રીતે જાણ કરવી પડે છે, જેથી તેમની સુરક્ષા વ્યવસ્થા સ્થાનિક એજન્સીઓ સાથે સંકલિત કરી શકાય.

CRPF તરફથી લખાયેલા આ પત્ર અનુસાર, છેલ્લા 9 મહિનામાં રાહુલ ગાંધીએ 6 વખત સુરક્ષા પ્રોટોકોલની અવગણના કરીને વિદેશ પ્રવાસ કર્યા છે. આ પ્રવાસોની માહિતી તેમણે એજન્સીઓને પહેલાંથી નથી આપી, જેના કારણે સુરક્ષા એજન્સીઓને મોટી મુશ્કેલીઓનો સામનો કરવો પડ્યો હતો.

આ પ્રવાસોની સુરક્ષા એજન્સીને માહિતી નહોતી મળી

30 ડિસેમ્બર 2024થી 9 જાન્યુઆરી 2025 સુધી: ઇટાલી પ્રવાસ
12 માર્ચથી 17 માર્ચ 2025 સુધી: વિયેતનામ પ્રવાસ
17 એપ્રિલથી 23 એપ્રિલ 2025 સુધી: દુબઈ પ્રવાસ
11 જૂનથી 18 જૂન 2025 સુધી: દોહા (કતાર) પ્રવાસ
25 જૂનથી 6 જુલાઈ 2025 સુધી: લંડન પ્રવાસ
4 સપ્ટેમ્બરથી 8 સપ્ટેમ્બર 2025 સુધી: મલેશિયા પ્રવાસ

આ તમામ પ્રવાસોમાં રાહુલ ગાંધીએ CRPFને પહેલાંથી માહિતી નથી આપી, જે સુરક્ષાના દૃષ્ટિકોણથી અત્યંત ગંભીર ગણાઈ રહ્યું છે. સૂત્રો અનુસાર, પત્રમાં આ વાત પણ કહેવામાં આવી છે કે રાહુલ ગાંધી દેશના પસંદગીના અતિસંવેદનશીલ VVIPમાંથી એક છે, તેથી તેમની સુરક્ષામાં કોઈપણ ખામી રાષ્ટ્રીય મહત્ત્વનો વિષય છે.

Rahul Gandhi ની સુરક્ષા વ્યવસ્થા પર વધારાનું દબાણ

CRPFએ તેમની ગંભીરતાના અભાવ પર સવાલો ઉઠાવતાં જણાવ્યું કે, વારંવાર પ્રોટોકોલનું ઉલ્લંઘન થવાથી માત્ર તેમની સુરક્ષા જોખમમાં આવે છે, પરંતુ સુરક્ષા વ્યવસ્થા પર વધારાનું દબાણ પણ વધે છે. આ જ આધારે પત્રમાં કોંગ્રેસ અધ્યક્ષ મલ્લિકાર્જુન ખરગે અને રાહુલ ગાંધીને આગળથી સુરક્ષા પ્રોટોકોલ અને જરૂરી માર્ગદર્શિકાઓનું પાલન કરવાની અપીલ કરવામાં આવી છે.

આ ઘટનાએ કોંગ્રેસ અને CRPF વચ્ચે તણાવ વધાર્યો છે. કોંગ્રેસ નેતા પવન ખેરાએ કહ્યું કે, “CRPFના પત્રનો સમય અને તેનું તરત જ જાહેર થવું ચિંતાજનક સવાલો ઉભા કરે છે. શું આ વિપક્ષી નેતાને ડરાવવાનો પ્રયાસ છે, જેણે પહેલેથી જ બીજી મોટી ખુલાસાની જાહેરાત કરી છે?” આ પહેલાં 2022માં પણ CRPFએ રાહુલ ગાંધીના 113 કેસમાં સુરક્ષા માર્ગદર્શિકાનું ઉલ્લંઘન કર્યાનો આરોપ લગાવ્યો હતો.

આ પણ વાંચો- UP માં AI એ મતદાર યાદીમાં મોટી ગડબડ પકડી, લાખો નકલી મતદાતાઓની થઇ ઓળખ