તેમના 18 વર્ષના લાંબા કાર્યકાળમાં ચેન્નાઈ સુપર કિંગ્સને નવી ઊંચાઈઓ મળી. ફ્લેમિંગના માર્ગદર્શન હેઠળ ટીમે પાંચ વખત IPL ટ્રોફી અને બે વખત ચેમ્પિયન્સ લીગ T20 ટ્રોફી પોતાના નામે કરી.
CSKની ઐતિહાસિક સિદ્ધિઓ
ફ્લેમિંગના કાર્યકાળની સૌથી મોટી વિશેષતા ટીમની સાતત્યપૂર્ણતા (Consistency) હતી. તેમની કોચિંગ હેઠળ ચેન્નાઈ સુપર કિંગ્સ રેકોર્ડ 12 વખત પ્લેઓફમાં પહોંચી અને 10 વખત IPLની ફાઈનલમાં સ્થાન મેળવ્યું.
ફ્લેમિંગે માત્ર IPL જ નહીં, પરંતુ ગ્લોબલ સુપર કિંગ્સ ફ્રેન્ચાઈઝી (SA20 માં જોબર્ગ સુપર કિંગ્સ અને MLC માં ટેક્સાસ સુપર કિંગ્સ) માં પણ મહત્વની ભૂમિકા ભજવી હતી. જોકે, ૨૦૨૬ની MLC સીઝનમાં ટેક્સાસ સુપર કિંગ્સનું પ્રદર્શન નબળું રહ્યું અને ટીમ પ્લેઓફ સુધી ન પહોંચી શકી, જે કદાચ આ અલગ થવાના નિર્ણયનું એક કારણ હોઈ શકે છે.
ભવિષ્યની અનિશ્ચિતતા
આ નિર્ણય પરસ્પર સંમતિથી લેવામાં આવ્યો હોવાનું જાણવામાં આવ્યું છે. ફ્લેમિંગનું જવું એ ધોની પછી CSK માટે એક મોટો ફેરફાર છે. હવે જ્યારે આગામી IPL સીઝનની તૈયારીઓ શરૂ થઈ રહી છે, ત્યારે ચેન્નાઈ સુપર કિંગ્સ સામે નવા કોચની પસંદગી અને ટીમની સંરચનાનો મોટો પડકાર છે. સ્ટીફન ફ્લેમિંગનો યુગ સમાપ્ત થયો છે, પરંતુ તેમણે જે સંસ્કૃતિ અને વિજેતા માનસિકતા ચેન્નાઈની ટીમમાં સ્થાપિત કરી છે.
તે વર્ષો સુધી યાદ રાખવામાં આવશે. ચાહકો હવે એ જોવાની રાહ જોઈ રહ્યા છે કે 'યલો આર્મી' હવે કયા નવા કોચના માર્ગદર્શન હેઠળ પોતાની સફર આગળ વધારે છે. એક દિગ્ગજ ખેલાડી અને કોચ તરીકે સ્ટીફન ફ્લેમિંગનું યોગદાન IPLના ઇતિહાસમાં હંમેશા સુવર્ણ અક્ષરે લખાશે.
આ પણ વાંચો : Headline 03 PM : વાંચો બપોરના 12 થી બપોરના 3 વાગ્યા સુધીના મહત્વના સમાચાર એક કિલક પર
