Dahod સબજેલમાં અનોખી પહેલ, કેદીઓના માનસિક તણાવને દૂર કરવા યોજાઈ 'લાફીંગ શિબિર'

ગુનેગારોને પણ સકારાત્મક માર્ગે વાળવાનો પ્રયાસ થઈ રહ્યો છે

જેલ જેવી બંધિયાર જગ્યાએ કેદીઓના જીવનમાં પણ સકારાત્મક પરિવર્તન આવે અને તેઓ માનસિક રીતે સ્વસ્થ રહે તે આજના સમયની મોટી જરૂરિયાત છે. આ શિબિરમાં માત્ર હાસ્યના કલાકો જ નહીં, પરંતુ વિવિધ લાફીંગ એક્સરસાઇઝ અને હળવા યોગાસનો પણ કરાવવામાં આવ્યા હતા. હસવું એ સૌથી ઉત્તમ દવા છે, જેને ધ્યાનમાં રાખીને બંદીવાનોને હકારાત્મક વિચારો અપનાવવાની અને જીવનમાં બદલાવ લાવવાની પ્રેરણા આપવામાં આવી હતી.

ગુનાના અંધકારથી સકારાત્મકતાના પ્રકાશ તરફ

આ કાર્યક્રમનો મુખ્ય ઉદ્દેશ્ય બંદીવાનો વચ્ચે સુમેળભર્યું વાતાવરણ સર્જવાનો અને તેમના મનમાંથી ગુનાખોરી કે હતાશાના વિચારો દૂર કરી તેમને નવી દિશા આપવાનો હતો. લાફીંગ થેરાપી દ્વારા જેલ પરિસરમાં આનંદનું વાતાવરણ છવાઈ ગયું હતું. કર્મચારીઓ અને કેદીઓએ એકબીજા સાથે હસી-મજાક કરીને તણાવમુક્ત વાતાવરણનો અનુભવ કર્યો હતો. 'સકારાત્મક વિચારો દ્વારા પરિવર્તન'ના સૂત્ર સાથે આયોજિત આ કાર્યક્રમ ખરેખર બંદીવાનોના જીવનમાં એક નવી આશાનું કિરણ લાવનાર સાબિત થયો છે.

આ પણ વાંચો : Kutch માં ગેરકાયદે બાંધકામ સામે ઝીરો ટોલરન્સ, બુટલેગર રમજુ ગંઢની બે દુકાનો તંત્રએ જમીનદોસ્ત કરી