Anand : ABVPના રાજ્ય અધિવેશનમાં નાયબ CM હર્ષભાઈ સંઘવીનો ડ્રગ્સ વિરુદ્ધ હુંકાર

ગુજરાત પોલીસના કર્યા વખાણ

હર્ષભાઈ સંઘવીએ પોતાના સંબોધનમાં ગુજરાત પોલીસની કામગીરીના વખાણ કરતા કહ્યું કે, "ગુજરાત પોલીસે દરેક રાજ્યના ડ્રગ્સ નેટવર્કનો પર્દાફાશ કર્યો છે." તેમણે વધુમાં જણાવ્યું કે, ડ્રગ્સ વેચનારાઓને સીધી ચાલ નહીં ચાલવા દઈએ અને આ વચન આપું છું કે આગામી 40 દિવસમાં ડ્રગ્સ પેડલરોને પકડીને જેલહવાલે કરીશું.

અમે વિદ્યાર્થી સામે નહીં થવા દઈએ કેસ

નાયબ મુખ્યમંત્રીએ વિદ્યાર્થીઓને સીધું સંબોધન કરતા કહ્યું, "તમારો મિત્ર કે કોઈ જાણીતી વ્યક્તિ ડ્રગ્સના રવાડે ચડ્યો હોય તો તરત માહિતી આપો. અમે એક પણ યુવાન વિરુદ્ધ ડ્રગ્સનો કેસ નહીં થવા દઈએ. તેમના થકી માત્રને માત્ર ડ્રગ્સ પેડલરોની માહિતી મેળવીશું." આ નિવેદનથી સ્પષ્ટ છે કે સરકારનો ધ્યેય યુવાનોને સજા કરવાનો નહીં, પરંતુ તેમને બચાવીને મુખ્ય આરોપીઓ સુધી પહોંચવાનો છે.

આણંદમાં ABVPના 57મા અધિવેશનમાં DyCMનો હુંકાર | Gujarat First

ડ્રગ્સ મુદ્દે નાયબ મુખ્યમંત્રી હર્ષભાઈ સંઘવીનું મોટું નિવેદન
"ગુજરાત પોલીસે દરેક રાજ્યના ડ્રગ્સ નેટવર્કનો પર્દાફાશ કર્યો"
જાહેર મંચ પરથી હર્ષભાઈ સંઘવીએ વિદ્યાર્થીઓને આહવાન કર્યુ
તમે સૌ લોકો ડ્રગ્સ મુદ્દે પોલીસની મદદે… pic.twitter.com/uUf2B6KLke

— Gujarat First (@GujaratFirst) January 6, 2026

આ અધિવેશનમાં હર્ષભાઈ સંઘવીએ ગુજરાતને ડ્રગ્સ મુક્ત બનાવવાના સંકલ્પને વધુ મજબૂત કર્યો. તેઓએ ભૂતકાળમાં પણ ડ્રગ્સ વિરુદ્ધ અભિયાનને 'જંગ' ગણાવી છે અને ગુજરાત પોલીસની કામગીરીને કારણે રાજ્યમાં ડ્રગ્સના કેસોમાં નોંધપાત્ર વધારો થયો છે, જે સારી કામગીરીનું પરિણામ છે. આ કાર્યક્રમમાં હજારો વિદ્યાર્થીઓની હાજરીમાં તેમના આ નિવેદનને વિદ્યાર્થીઓએ તાળીઓના ગડગડાટ સાથે વધાવી લીધા હતા.

ડ્રગ્સ સામે સરકાર આકરા પાણીએ

ગુજરાત સરકાર ડ્રગ્સ વિરુદ્ધ સતત આકરા પગલાં લઈ રહી છે. તાજેતરમાં જ વિવિધ ઝુંબેશો દ્વારા કરોડો રૂપિયાના ડ્રગ્સ જપ્ત કરવામાં આવ્યા છે અને અનેક નેટવર્કનો ભંડાફોડ થયો છે. ABVP જેવા વિદ્યાર્થી સંગઠનો દ્વારા આવા મંચો પરથી યુવાનોને જાગૃત કરવામાં આવે તો ડ્રગ્સના દુષણને રોકવામાં વધુ મદદ મળશે.

ગુજરાત પોલીસ ડ્રગ્સ વિરુદ્ધ અભિયાન નથી ચલાવી રહી પણ એક જંગ લડી રહી છે. pic.twitter.com/TNIv64cxA1

— Harsh Sanghavi (@sanghaviharsh) January 6, 2026

ગુજરાતના યુવાઓને હર્ષભાઈ સંઘવીનો મોટો સંદેશ

આ અધિવેશન ગુજરાતના યુવાનો માટે એક મોટો સંદેશ છે કે સરકાર તેમની સુરક્ષા માટે પૂરી પ્રતિબદ્ધ છે. હર્ષભાઈ સંઘવીના આ નિવેદનથી વિદ્યાર્થીઓમાં ડ્રગ્સ વિરુદ્ધ જાગૃતિ વધશે અને પોલીસને વધુ સહયોગ મળશે. આગામી દિવસોમાં આ અભિયાન વધુ તીવ્ર બનશે તેવી આશા છે.

આ પણ વાંચો- મહેશ વસાવા કોંગ્રેસમાં જોડાયા : ગુજરાતના આદિવાસી રાજકારણમાં મોટી ઉથલપાથલ