Diwali 2024:દિવાળી પર કેમ બનાવવામાં આવે છે રંગોળી?

• દિવાળીનો તહેવાર ખૂબ જ ધામધૂમથી ઉજવવામાં આવે છે.
• દિવાળી પર લોકો તેમના ઘરમાં  રંગોળી શણગારે છે
• દિવાળી પર રંગોળી બનાવવા પાછળની માન્યતા.

Diwali 2024: ભારતમાં દિવાળીનો તહેવાર ખૂબ જ ધામધૂમથી ઉજવવામાં આવે છે. આ દિવસે લોકો તેમના ઘરને રોશની, ફૂલો, દીવા અને રંગોળી જેવી વસ્તુઓથી શણગારે છે, તો ચાલો તમને તેની પાછળની આખી સ્ટોરી જણાવીએ. દિવાળી પર કેમ બનાવવામાં આવે છે રંગોળી, શું છે દિવાળી પર રંગોળી બનાવવા પાછળની માન્યતા.

રંગોળી બનાવવાની પરંપરા સદીઓ જૂની

દિવાળીના તહેવાર પર રંગોળી બનાવવાની પરંપરા સદીઓ જૂની છે. હિન્દુ શાસ્ત્રો અનુસાર રંગોળી બનાવવાથી ઘરમાં પોઝિટિવ એનર્જી ફેલાય છે અને નેગેટિવ એનર્જીનો નાશ થાય છે. આ સિવાય તેની પાછળ બીજી ઘણી વાતો પણ છે. ચાલો આ વિશે જાણીએ.

દેવી લક્ષ્મીને ખુબજ રંગોળી પ્રિય છે

દેવી-દેવતાઓને ખાસ કરીને દેવી લક્ષ્મીને પ્રસન્ન કરવા માટે રંગોળી બનાવવામાં આવે છે. એવું માનવામાં આવે છે કે રંગોળી બનાવવાથી દેવી લક્ષ્મીની કૃપા જળવાઈ રહે છે અને ઘરમાં સુખ, શાંતિ અને સમૃદ્ધિ આવે છે. રંગોળીનું માત્ર ધાર્મિક મહત્વ નથી પરંતુ તે કલા અને સુંદરતાનું પ્રતિક પણ છે.

લોકોએ તેમના સ્વાગત માટે રંગોળી દીવા પ્રગટાવો છે

એવું માનવામાં આવે છે કે 14 વર્ષના વનવાસ પછી ભગવાન રામ સીતા અને લક્ષ્મણ સાથે અયોધ્યા નગરી પહોંચ્યા હતા. ત્યારબાદ અયોધ્યાના લોકોએ તેમના સ્વાગત માટે રંગોળી બનાવી અને દીવા પ્રગટાવ્યા હતા. આ જ કારણ છે કે દિવાળી દરમિયાન દરેક ઘરમાં રંગોળી બનાવવામાં આવે છે.

સંસ્કૃતિઓમાં અલ્પના પ્રતીકો આવ્યા છે

ભારતીય પુરાતત્વ વિભાગના જણાવ્યા અનુસાર રંગોળીના સૌથી જૂના પુરાવા પણ મોહેંજોદડો અને હડપ્પા સંસ્કૃતિ સાથે સંબંધિત છે. પુરાતત્વ વિભાગના અહેવાલ મુજબ આ સંસ્કૃતિઓમાં અલ્પના પ્રતીકો મળી આવ્યા છે, જે રંગોળી સાથે ખૂબ જ મળતા આવે છે.

ઘરના મુખ્ય દ્વાર પર રંગોળી બનાવવામાં આવે છે

એવી પણ માન્યતા છે કે દિવાળીના દિવસે દેવી લક્ષ્મીનું સ્વાગત કરવા માટે લોકો ઘરના મુખ્ય દ્વાર પર રંગોળી બનાવે છે. તેનાથી ઘરમાં દેવી લક્ષ્મીનું આગમન થાય છે અને તેમની કૃપા હંમેશા બની રહે છે.

ભારતીય સંસ્કૃતિનો એક અભિન્ન અંગ છે

રંગોળી માત્ર ધાર્મિક પરંપરાઓનો જ એક ભાગ નથી, પરંતુ તેનું સાંસ્કૃતિક મહત્વ પણ છે. વિવિધ પ્રદેશોમાં વિવિધ પ્રકારની રંગોળી બનાવવામાં આવે છે. જે તે સ્થળની સાંસ્કૃતિક ઓળખ દર્શાવે છે. રંગોળી એ ભારતીય સંસ્કૃતિનો એક અભિન્ન અંગ છે. જેને પેઢીઓથી સાચવવામાં આવે છે અને તેનું જતન કરવામાં આવે છે.

રંગોળી શબ્દ એક પ્રાચીન સંસ્કૃત શબ્દ છે, જેનો અર્થ રંગો દ્વારા લાગણીઓ વ્યક્ત કરવી. હવે રંગોળી બનાવવાની વાત કરીએ તો ફૂલો, રંગો, ગુલાલ અને લોટનો ઉપયોગ કરીને રંગોળી તૈયાર કરવામાં આવે છે અને દિવાળીની પૂજામાં તેની ડિઝાઇન તેમના ઘરના પ્રવેશદ્વાર પર દેવી લક્ષ્મી, સ્વસ્તિક, કમળના ફૂલ અને મોર જેવી ડિઝાઈન પર આધારિત હોય છે

Disclaimer: અહીં આપેલી માહિતી સામાન્ય માન્યતાઓ અને માહિતી પર આધારિત છે અને ગુજરાત ફર્સ્ટ તેની પુષ્ટિ કરતું નથી.