'ઘરે મમ્મી કે પપ્પા વધુ લડે?' સીએમના પ્રશ્ન પર આંગણવાડી બાળકોએ આપ્યો જોરદાર જવાબ

રમશે બાળક, ખીલશે બાળક

આ અભિયાનનો મુખ્ય હેતુ આંગણવાડીના બાળકોને શિક્ષણ સાથે મનોરંજનનો લાભ આપવાનો છે. મુખ્યમંત્રી ભૂપેન્દ્રભાઈ પટેલે આ પ્રવાસ દરમિયાન બાળકો સાથે હળવાશભર્યા પળો માણ્યા અને તેમની સાથે વાતચીત કરી. આ દરમિયાન તેમણે નાના ભૂલકાઓને કેટલાક મજેદાર પ્રશ્નો પૂછ્યા, જેના જવાબોએ સીએમને પણ હસાવી દીધા હતા.

બાળકોની કાલીઘેલી ભાષા.. તેમની આંખોમાં જોવા મળતું વિસ્મય.. દેશ દુનિયા અંગે જાણવાની તેમની જીજ્ઞાસા.. આ અનુભવ મારા માટે અવિસ્મરણીય બની રહેશે.

ભારતીય જનતા પાર્ટીના કર્મઠ કાર્યકરો આ પહેલ હેઠળ જુદા જુદા વિસ્તારોમાં જઈ બાળકોના જુના રમકડા એકત્રિત કરીને આંગણવાડીઓના બાળકોને આપવાની સેવા… pic.twitter.com/r3TByiQHgQ

— Bhupendra Patel (@Bhupendrapbjp) December 27, 2025

મોબાઈલ ગેમ અને અભ્યાસ પર માસૂમ જવાબો

પહેલા તો સીએમે પૂછ્યું, "આમાંથી કેટલા બાળકો મોબાઈલમાં ગેમ રમે છે?" તો અનેક બાળકોએ તરત જ આંગળી ઊંચી કરીને હા પાડી દીધી. આ જોઈને સીએમ હસી પડ્યા. પછી વધુ મજા આવી જ્યારે તેમણે પૂછ્યું, "ઘરે મમ્મી વધારે લડે છે કે પપ્પા?" તો બાળકોએ નિર્દોષ ભાવે તાબડતોડ જવાબ આપ્યો – "મમ્મી!" આ જવાબ પર સીએમ પણ જોરથી હસી પડ્યા અને બાળકોની માસૂમિયતની વાહવાહ કરી

CM Bhupendrabhai Patel : દાદાની નાના ભૂલકાઓ સાથેની મસ્તીભરી વાતો! । Gujarat First

આંગણવાડીના બાળકો સાથે દાદાની અનોખી મસ્તી!
કેન્દ્રીય ગૃહમંત્રી અમિતભાઇ શાહની પ્રેરણા હેઠળ કાર્યક્રમ
‘રમશે બાળક, ખીલશે બાળક’ અભિયાન હેઠળ આયોજન
મુખ્યમંત્રી ભૂપેન્દ્રભાઇ પટેલનો બાળકો સાથે મનોરંજન… pic.twitter.com/KWXwYU9U1B

— Gujarat First (@GujaratFirst) December 27, 2025

વધુમાં સીએમે પૂછ્યું, "ઘરે જઈને અભ્યાસ કરવાનો કે નહીં?" તો બાળકોએ સ્પષ્ટ 'ના' પાડી દીધી અને કહ્યું કે ઘરે જઈને રમવાનું છે! આ નિર્દોષ જવાબોએ આખા કાર્યક્રમને વધુ આનંદદાયક બનાવી દીધો. આ ક્ષણોમાં રાજ્યના મુખ્યમંત્રી ભૂપેન્દ્રભાઈ પટેલ પણ થોડી વાર માટે બાળકો જેવા બની ગયા હતા.

ગુજરાત સરકારની આગવી પહેલ

બાળકોની સાથે બાળક બની જવાનો અનુભવ ખરેખર અદભુત હોય છે..

ગાંધીનગર લોકસભાના લોકપ્રિય સાંસદ અને કેન્દ્રીય ગૃહ અને સહકારિતા મંત્રી શ્રી અમિતભાઈ શાહે પોતાના વિસ્તારની આંગણવાડીઓના બાળકો માટે ખુબ સુંદર અને સંવેદનાપૂર્ણ પહેલ શરૂ કરી છે- રમશે બાળક, ખીલશે બાળક.

આ પહેલ અંતર્ગત,… pic.twitter.com/1rc4FMnHAr

— Bhupendra Patel (@Bhupendrapbjp) December 27, 2025

આ અભિયાન બાળકોના સર્વાંગી વિકાસ માટે મહત્વપૂર્ણ છે. આંગણવાડીઓમાં શિક્ષણ, પોષણ અને મનોરંજનનું સંતુલન જાળવીને બાળકોને મજબૂત ભવિષ્ય આપવાનો પ્રયાસ કરવામાં આવે છે. સીએમની આ મુલાકાતથી બાળકોમાં ઉત્સાહ વધ્યો છે અને તેમના માતા-પિતાને પણ પ્રોત્સાહન મળ્યું છે. આવા કાર્યક્રમો દ્વારા ગુજરાત સરકાર બાળકોના વિકાસને પ્રાધાન્ય આપી રહી છે, જે વિકસિત ગુજરાતના સ્વપ્નને સાકાર કરવામાં મદદરૂપ થશે.

આ પણ વાંચો- ધ્રૂજશે ગુજરાત ! ઠંડા પવનના સૂસવાટા સાથે 10 ડિગ્રી સુધી ગગડશે તાપમાન : Ambalal Patelની આગાહી