Donald Trump નું આક્રમક વલણ, "ઈરાન બિનશરતી શરણાગતિ સ્વીકારે તો જ યુદ્ધનો અંત આવશે"
- Donald Trump નો ઈરાનને આખરી ઓપ: "સરેન્ડર કરો અથવા તબાહી વેઠો!"
- ડોનાલ્ડ ટ્રમ્પે ઈરાન પાસે માંગી 'બિનશરતી શરણાગતિ'ની માંગ
- ઈરાન આત્મસમર્પણ કરશે તો જ યુદ્ધ અટકશે અને આર્થિક મદદ મળશે
- ઈઝરાયેલના 50 ફાઈટર જેટ્સે તેહરાન સ્થિત ખામેનેઈના બંકર પર કર્યો હુમલો
- ટ્રમ્પના નિવેદન બાદ આંતરરાષ્ટ્રીય બજારમાં ક્રૂડ ઓઈલ 90 ડોલરને પાર
- ઈરાનમાં નવું નેતૃત્વ લાવવા અને 'MIGA' અભિયાન ચલાવવા ટ્રમ્પની તૈયારી
મિડલ ઈસ્ટમાં વધતા જતા સૈન્ય તણાવ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે (Donald Trump) ઈરાન સામે અત્યંત કડક વલણ અપનાવ્યું છે. ટ્રમ્પે સ્પષ્ટ શબ્દોમાં જણાવ્યું છે કે અમેરિકા-ઈરાન યુદ્ધ (US-Iran War) ત્યારે જ સમાપ્ત થશે જ્યારે ઈરાન કોઈ પણ શરત વગર આત્મસમર્પણ (Unconditional Surrender) કરશે. ટ્રમ્પના આ નિવેદને વૈશ્વિક રાજકારણમાં ખળભળાટ મચાવી દીધો છે.
ટ્રમ્પે જણાવ્યું હતું કે આ પછી, યુનાઇટેડ સ્ટેટ્સ અને તેના સાથીઓ ઈરાનને આપત્તિના આરેથી પાછું લાવવા માટે સાથે મળીને કામ કરશે. ટ્રમ્પના મતે, ઈરાન ભવિષ્યમાં આર્થિક રીતે મજબૂત, મોટું અને સારું બની શકે છે. તેમના સંદેશમાં, ટ્રમ્પે જણાવ્યું હતું કે ઈરાનનું ભવિષ્ય ઉજ્જવળ હોઈ શકે છે. તેમણે "મેક ઈરાન ગ્રેટ અગેઇન" (MIGA) સૂત્ર પણ બનાવ્યું, જે તેમના અગાઉના સૂત્ર "મેક અમેરિકા ગ્રેટ અગેઇન" (MAGA) ને પડઘો પાડે છે.
Donald Trump દ્વારા નવા નેતૃત્વ અને આર્થિક મદદની ઓફર
સોશિયલ મીડિયા પ્લેટફોર્મ 'ટ્રુથ સોશિયલ' પર એક પોસ્ટમાં ટ્રમ્પે જણાવ્યું હતું કે, જો ઈરાન શરણાગતિ સ્વીકારે તો ત્યાં એક નવું અને સ્વીકાર્ય નેતૃત્વ ચૂંટવામાં આવશે. ત્યારબાદ અમેરિકા અને તેના સાથી દેશો ઈરાનને આર્થિક રીતે મજબૂત બનાવવામાં મદદ કરશે. ટ્રમ્પે આ માટે 'મેક ઈરાન ગ્રેટ અગેન' (MIGA) નો નારો પણ આપ્યો છે. તેમણે વધુમાં ઉમેર્યું કે તેઓ ઈરાનના આગામી સર્વોચ્ચ નેતાની પસંદગીમાં પણ ભૂમિકા ભજવવા માંગે છે, કારણ કે વર્તમાન નેતૃત્વ શાંતિ માટે યોગ્ય નથી.
Keir Starmer called on Trump yesterday to negotiate a deal to end the Iran war.
Trump just now: “No deal. Only UNCONDITIONAL SURRENDER.” pic.twitter.com/DLrP1EuZKJ
— Ben Leo (@benleo444) March 6, 2026
ક્રૂડ ઓઈલ અને યુદ્ધની ગ્રાઉન્ડ રિયાલિટી
ટ્રમ્પના આ નિવેદનની સીધી અસર વૈશ્વિક બજાર પર જોવા મળી છે. બ્રેન્ટ ક્રૂડની કિંમત (Brent Crude Price) વધીને 90 ડોલર પ્રતિ બેરલને પાર કરી ગઈ છે. બીજી તરફ, યુદ્ધના મેદાનમાં ઈઝરાયેલની વાયુસેનાએ (Israeli Air Force) તેહરાન પર ભીષણ હુમલો કર્યો છે. લગભગ 50 ફાઈટર જેટ્સે સર્વોચ્ચ નેતા અલી ખામેનેઈના અંડરગ્રાઉન્ડ બંકર પર 100થી વધુ બોમ્બ ફેંક્યા છે. ઈઝરાયેલનો દાવો છે કે આ હુમલાથી ઈરાનની કમાન્ડ અને કંટ્રોલ સિસ્ટમને મોટું નુકસાન પહોંચ્યું છે.
આ પણ વાંચો : 50 ફાઈટર જેટ્સથી ખામેનેઈના મિલિટ્રી બંકરને ઉડાવ્યું: Israel એ Video જાહેર કર્યો