Dwarka : 27 વર્ષથી ફરાર લૂંટારૂ આખરે ઝડપાયો, પોલીસ દ્વારા આરોપી પર 5 હજાર રૂપિયાનું ઈનામ જાહેર કરાયું હતુ

ત્યારપછીના લાંબા સમયગાળામાં પોલીસ દ્વારા તેને પકડવા માટેના અનેક પ્રયાસો કરવામાં આવ્યા હતા, પરંતુ તે હાથ લાગ્યો નહોતો. પોલીસ દ્વારા આરોપી પર 5 હજાર રૂપિયાનું ઈનામ પણ જાહેર કરવામાં આવ્યું હતું.

આરોપી 25 કરતા વધુ સમયથી ફરાર હતો

દેવભૂમિ દ્વારકા SOG પોલીસને ચોક્કસ બાતમી મળી હતી કે, આ ફરાર આરોપી મધ્યપ્રદેશથી ખંભાળિયા વિસ્તારમાં ખેતમજૂરી કરવા માટે આવ્યો છે. માહિતીના આધારે, SOGની ટીમે ખંભાળિયા એસ.ટી. ડેપો પાસે વોચ ગોઠવી હતી. દરમિયાન, બાતમી મુજબનો ઈસમ ત્યાં દેખાતા પોલીસની ટીમે તેને કોર્ડન કરીને ઝડપી પાડ્યો હતો.

પોલીસ પૂછપરછમાં આરોપીએ કબૂલાત કરી હતી કે તે 27 વર્ષ પહેલાં જામનગરમાં થયેલી લૂંટની ઘટનામાં સામેલ હતો અને ત્યારથી તે અલગ-અલગ જગ્યાએ પોતાનું નામ બદલીને ફરતો હતો.

લૂંટના અન્ય સાગરીતો વિશે પૂછપરછ હાથ ધરશે

આરોપી પકડાઈ ન જાય તે માટે તે લાંબા સમયથી મધ્યપ્રદેશમાં આશરો લઈ રહ્યો હતો. આરોપીની ધરપકડ બાદ SOG પોલીસે તેને વધુ તપાસ માટે જામનગર પાંચકોશી 'બી' ડિવિઝન પોલીસને સોંપ્યો છે.

આ ધરપકડથી વર્ષો જૂના કેસમાં તપાસનો દોર ફરી શરૂ થયો છે. 27 વર્ષથી કાયદાની આંખમાં ધૂળ નાખીને ફરી રહેલા આરોપીને પકડવા બદલ દ્વારકા SOGની કામગીરીની પોલીસ બેડામાં પ્રશંસા કરવામાં આવી રહી છે. હવે જામનગર પોલીસ આરોપીના રિમાન્ડ મેળવી લૂંટના અન્ય સાગરીતો વિશે પૂછપરછ હાથ ધરશે.

આ પણ વાંચો : Ahmedabad Airpot નજીક 75 લાખના સોનાની થઈ લૂંટ, શખ્સોએ ફરિયાદીનું અપહરણ કરી માર માર્યો