Brahmos ના ભૂતપૂર્વ એન્જિનિયરને આજીવન કેદની સજા, પાકિસ્તાન માટે જાસૂસીના આરોપમાં દોષિત

નાગપુર ડિસ્ટ્રિક્ટ કોર્ટે સોમવારે બ્રહ્મોસ (Brahmos) એરોસ્પેસ પ્રાઈવેટ લિમિટેડના ભૂતપૂર્વ એન્જિનિયર નિશાંત અગ્રવાલને પાકિસ્તાની ગુપ્તચર એજન્સી ISI માટે જાસૂસી કરવા બદલ સત્તાવાર રહસ્ય અધિનિયમ હેઠળ આજીવન કેદની સજા ફટકારી છે. નાગપુરમાં કંપનીના મિસાઈલ સેન્ટરના ટેક્નિકલ રિસર્ચ સેક્શનમાં કામ કરતા અગ્રવાલની 2018 માં ઉત્તર પ્રદેશ અને મહારાષ્ટ્રની મિલિટરી ઈન્ટેલિજન્સ અને એન્ટી ટેરરિઝમ સ્ક્વોડ (ATS) દ્વારા સંયુક્ત ઓપરેશનમાં ધરપકડ કરવામાં આવી હતી.

સિક્યોરિટી એક્ટ હેઠળ કેસ નોંધવામાં આવ્યો હતો...

સ્પેશિયલ પબ્લિક પ્રોસિક્યુટર જ્યોતિ વજાનીએ જણાવ્યું હતું કે અગ્રવાલને ઓફિશિયલ સિક્રેટ એક્ટ હેઠળ 14 વર્ષની સખત કેદની સજા પણ થશે અને તેના પર 3,000 રૂપિયાનો દંડ પણ ફટકારવામાં આવ્યો છે. એડિશનલ સેશન્સ કોર્ટના જજ એમવી દેશપાંડેએ આદેશમાં જણાવ્યું હતું કે અગ્રવાલને IT એક્ટની કલમ 66(f) અને ઓફિશિયલ સિક્રેટ એક્ટ (OSA) ની વિવિધ કલમો હેઠળ સજાપાત્ર અપરાધ માટે ક્રિમિનલ પ્રોસિજરની કલમ 235 હેઠળ દોષિત ઠેરવવામાં આવ્યો હતો. નોંધનીય છે કે ભૂતપૂર્વ બ્રહ્મોસ (Brahmos) એરોસ્પેસ એન્જિનિયર સામે ભારતીય દંડ સંહિતાની વિવિધ કલમો અને કડક સત્તાવાર સુરક્ષા અધિનિયમ (OSA) હેઠળ કેસ દાખલ કરવામાં આવ્યો હતો.

સુપરસોનિક ક્રુઝ મિસાઇલ સિસ્ટમ...

બ્રહ્મોસ (Brahmos) એરોસ્પેસ એ ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) અને રશિયાના મિલિટરી ઈન્ડસ્ટ્રીયલ કન્સોર્ટિયમ (NPO Mashinostroyeniya) વચ્ચેનું સંયુક્ત સાહસ છે. બ્રહ્મોસ (Brahmos) એક સાર્વત્રિક લાંબા અંતરની સુપરસોનિક ક્રુઝ મિસાઇલ સિસ્ટમ છે જે જમીન, સમુદ્ર અને હવામાંથી લોન્ચ કરી શકાય છે. બ્રહ્મોસ DRDO, ભારત અને NPOM, રશિયા દ્વારા સંયુક્ત રીતે વિકસાવવામાં આવ્યું છે. આ સિસ્ટમ એન્ટી-શિપ અને લેન્ડ-એટેક રોલ માટે બે વેરિઅન્ટ્સ સાથે તૈયાર કરવામાં આવી છે. બ્રહ્મોસ (Brahmos) શસ્ત્ર પ્રણાલીને સામેલ કરવામાં આવી છે અને તે ભારતીય નૌકાદળ (IN) તેમજ ભારતીય સેના (IA) સાથે કાર્યરત છે.

DRDO ના યંગ સાયન્ટિસ્ટ એવોર્ડથી સન્માનિત કરવામાં આવ્યા હતા...

મળતી માહિતી મુજબ, નિશાંત અગ્રવાલ ખૂબ જ બ્રિલિયન્ટ એન્જિનિયર હતો. તેમને DRDO ના યંગ સાયન્ટિસ્ટ એવોર્ડથી પણ સન્માનિત કરવામાં આવ્યા હતા. તેઓ NIT કુરુક્ષેત્રના ભૂતપૂર્વ વિદ્યાર્થી રહી ચૂક્યા છે. ચાર્જશીટ મુજબ નિશાંતના લેપટોપમાંથી અત્યંત ગોપનીય ફાઈલો મળી આવી હતી. આ સિવાય એક સોફ્ટવેર પણ મળી આવ્યું હતું, જેના દ્વારા લેપટોપમાં હાજર સંવેદનશીલ ટેકનિકલ માહિતી વિદેશ અને અસામાજિક તત્વોને મોકલવામાં આવતી હતી.

આ પણ વાંચો : Mumbai : LLB નો અભ્યાસ કરતી IAS દંપતીની દીકરીએ 10 મા માળેથી લગાવી છલાંગ, સુસાઇડ નોટ મળી…

આ પણ વાંચો : Delhi-Mumbai એક્સપ્રેસ વે પર ગંભીર અકસ્માત, ડિવાઈડર સાથે અથડાઈ ફંગોળાઈ કાર, બેના મોત…

આ પણ વાંચો : જયરામ રમેશ સામે ECI નું આકરું વલણ, અમિત શાહ સામે કર્યા હતા ગંભીર આક્ષેપ…