• મોહમ્મદ કૈફે વીડિયો મારફતે સોશિયલ મીડિયામાં પ્રતિક્રિયા આપી
• કૈફે રોહિત શર્માને મોકો આપવાની સાથે જ ગિલ પર દબાણની વાત મુકી
• આ નિર્ણયોને કૈફે ઉતાવળીયા અને જોખમી ગણાવ્યા

Mohammad Kaif On Rohit Sharma : મોહમ્મદ કૈફે (Mohammad Kaif On Rohit Sharma) ભારતીય ODI ટીમના કેપ્ટનશિપમાં અચાનક ફેરફાર પર પોતાનો અભિપ્રાય વ્યક્ત કર્યો છે. કૈફે રોહિત શર્માને કેપ્ટનશિપ પરથી દૂર કરવાના નિર્ણયની ટીકા કરી છે અને કહ્યું કે, ભારતીય મુખ્ય પસંદગીકારે શુભમન ગિલને અપેક્ષા કરતા ઘણી વહેલી જવાબદારી સોંપી છે. જેને કારણે ક્રિકેટ જગતમાં ચર્ચા જાગી છે.

અનુભવ, ફિટનેસ અને કુશળતા છે

પૂર્વ ભારતીય બેટ્સમેન કૈફે દુઃખ વ્યક્ત કરતા કહ્યું કે, રોહિતને (Mohammad Kaif On Rohit Sharma) આ ફોર્મેટમાં તેના ઉત્તમ બેટિંગનું પ્રદર્શન કર્યું છતાં લાંબા સમય સુધી ODI કેપ્ટન તરીકે રહેવા દેવામાં આવ્યો નહીં. રોહિત પાસે ICC વર્લ્ડ કપ 2027 સુધી ટીમનું અસરકારક રીતે નેતૃત્વ કરવા માટે અનુભવ, ફિટનેસ અને કુશળતા છે.

રોહિત શર્માએ શું ખોટું કર્યું ?

વિડિઓમાં મોહમ્મદ કૈફે રોહિત શર્માએ (Mohammad Kaif On Rohit Sharma) શું ખોટું કર્યું તેના પર પોતાના વિચારો વ્યક્ત કરતા કહ્યું કે, તે ખૂબ જ દુર્ભાગ્યપૂર્ણ છે કે, રોહિતને લાંબા સમય સુધી કેપ્ટનશિપ કરવાની તક મળી નહીં. તે ચાર વર્ષ સુધી ટીમનું નેતૃત્વ પણ કરી શક્યો નહીં. તે એક મહાન બેટ્સમેન છે, એક મહાન કેપ્ટન છે, અને કેપ્ટન તરીકેનો તેનો રેકોર્ડ સૌથી વધુ સારો હોઈ શકે છે. જ્યારે તમે કેપ્ટનશિપ છીનવી લો છો, ત્યારે મને એવું લાગે છે કે, કોઈ ખેલાડી પોતાનો જમણો હાથ ગુમાવે છે.

ગિલ અંગે ચિંતા કરી

કૈફે કહ્યું કે, પસંદગીકારોએ કેપ્ટનશીપ બદલવા માટે 2027ના ICC વર્લ્ડ કપ સુધી રાહ જોવી જોઈતી હતી. ODI ટીમના કેપ્ટનશીપમાં ફેરફાર 2027ના વર્લ્ડ કપ પછી થશે. તેનામાં (રોહિત શર્મા) ક્ષમતા છે અને તેણે પોતાની ફિટનેસ પર કામ કર્યું છે. રોહિત (Mohammad Kaif On Rohit Sharma) પાસે 2027ના વર્લ્ડ કપમાં રમવાની દરેક તક હતી. કૈફે ગિલ (Shubman Gill) પર વધુ પડતું કામ હોવા અંગે પણ ચિંતા વ્યક્ત કરી.

ગિલના પ્રદર્શન પર અસર પડી શકે છે

કૈફે સમજાવ્યું કે, પંજાબનો ખેલાડી પહેલાથી જ ટેસ્ટ મેચોમાં ભારતનું નેતૃત્વ કરે છે, T20 ટીમનો ઉપ-કપ્તાન છે, અને હવે ODI ટીમનું નેતૃત્વ કરવાના વધારાના દબાણનો સામનો કરશે. કૈફે ચેતવણી આપી હતી કે, ગિલ (Shubman Gill) પર આટલી જલ્દી વધુ પડતી જવાબદારી મૂકવાથી તેના પ્રદર્શન પર અસર પડી શકે છે. કૈફને એમ પણ લાગ્યું કે, બધું ઉતાવળમાં કરવામાં આવી રહ્યું છે કારણ કેસ ગિલે ક્યારેય કેપ્ટનશીપ માંગી નથી, ખાસ કરીને ODIમાં.

તે આ ઇચ્છતો ન હતો

કૈફે એમ કહીને સમાપન કર્યું કે, હવે બધો બોજ શુભમન ગિલ (Shubman Gill) પર આવી ગયો છે. તેને બધી જવાબદારી ખૂબ જ ઝડપથી સોંપવામાં આવી રહી છે. આ ઉલટું પરિણામ આપી શકે છે, કારણ કે, જ્યારે તમને આટલા ઓછા સમયમાં આટલી બધી જવાબદારી આપવામાં આવે છે, ત્યારે તે તમારા પ્રદર્શન પર અસર કરી શકે છે. બધા જાણે છે કે તે આ ઇચ્છતો ન હતો, અને તમે તે માંગ્યું ના હોત, પરંતુ એવું લાગે છે કે, બધા તેને પસંદ કરે છે અને તેને ભવિષ્યનો કેપ્ટન માને છે.

આ પણ વાંચો -----  MS Dhoni vs Rohit Sharma : જાણો કોણ છે ભારતનો સૌથી સફળ કેપ્ટન, આંકડા ચોંકાવી દેશે