Mumbai હુમલાના દોષી તહવ્વુર રાણાના પ્રત્યાર્પણને મંજૂરી, ટ્રમ્પે PM Modiની હાજરીમાં જાહેરાત કરી

• યુએસ સુપ્રીમ કોર્ટે તહવ્વુર રાણાના ભારત પ્રત્યાર્પણને મંજૂરી આપી
• કોર્ટે આ કેસમાં તેની સજા સામેની તેની સમીક્ષા અરજી ફગાવી દીધી હતી
• તહવ્વુર રાણા ડેવિડ હેડલીનો બાળપણનો મિત્ર છે

અમેરિકા (US)ના રાષ્ટ્રપતિ ડોનાલ્ડ ટ્રમ્પે 26/11 મુંબઈ આતંકવાદી હુમલાના દોષી તહવ્વુર રાણા (Tahawwur Rana)ના ભારત પ્રત્યાર્પણને મંજૂરી આપી દીધી છે. તેમણે કહ્યું કે તેને ન્યાયનો સામનો કરવો પડશે. ગયા મહિને, યુએસ સુપ્રીમ કોર્ટે તહવ્વુર રાણાના ભારત પ્રત્યાર્પણને મંજૂરી આપી હતી. કોર્ટે આ કેસમાં તેની સજા સામેની તેની સમીક્ષા અરજી ફગાવી દીધી હતી. પાકિસ્તાની મૂળના કેનેડિયન ઉદ્યોગપતિ તહવ્વુર રાણા પર ભારતમાં 2008ના મુંબઈ આતંકવાદી હુમલામાં મુખ્ય ભૂમિકા ભજવવાનો આરોપ હતો અને તેને દોષિત ઠેરવવામાં આવ્યો છે.

કોર્ટે પુરાવા સ્વીકાર્યા

ભારતે યુએસ એજન્સી સાથે વિગતો શેર કરી હતી, જે નીચલી અદાલતો અને સુપ્રીમ કોર્ટ સમક્ષ મૂકવામાં આવી હતી. કોર્ટે ભારતના આ પુરાવાનો સ્વીકાર કર્યો. ભારત દ્વારા આપવામાં આવેલા દસ્તાવેજમાં 26/11ના હુમલામાં તહવ્વુરની ભૂમિકાનો ઉલ્લેખ કરવામાં આવ્યો હતો. ભારત તહવ્વુર રાણાના પ્રત્યાર્પણની માંગ કરી રહ્યું હતું કારણ કે તે 2008ના મુંબઈ આતંકવાદી હુમલા કેસમાં વોન્ટેડ હતો. અગાઉ, તેઓ સાન ફ્રાન્સિસ્કોમાં યુએસ કોર્ટ ઓફ અપીલ્સ ફોર ધ નોર્ધન સર્કિટ સહિત અનેક ફેડરલ કોર્ટમાં કાનૂની લડાઈ હારી ગયો હતો.

કોણ છે તહવ્વુર રાણા?

મુંબઈ પોલીસે 26/11ના આતંકવાદી હુમલાના સંદર્ભમાં તહવ્વુર રાણાનું નામ તેની ચાર્જશીટમાં સામેલ કર્યું હતું. તેના પર પાકિસ્તાનની ગુપ્તચર એજન્સી ઇન્ટર-સર્વિસિસ ઇન્ટેલિજન્સ (ISI) અને આતંકવાદી સંગઠન લશ્કર-એ-તૈયબાના સક્રિય સભ્ય તરીકે કામ કરવાનો આરોપ છે. ચાર્જશીટમાં, રાણા પર 26/11 આતંકવાદી હુમલાના માસ્ટરમાઇન્ડ ડેવિડ કોલમેન હેડલીને મદદ કરવાનો આરોપ મૂકવામાં આવ્યો હતો. મુંબઈમાં જ્યાં હુમલા થવાના હતા તે સ્થળોની રેકી તહવ્વુર રાણાએ કરી હતી અને એક બ્લુપ્રિન્ટ તૈયાર કરીને તેને પાકિસ્તાની આતંકવાદીઓને સોંપી દીધી હતી.

તહવ્વુર રાણા ડેવિડ હેડલીનો બાળપણનો મિત્ર છે

તહવ્વુર રાણા ડેવિડ કોલમેન હેડલી ઉર્ફે દાઉદ સઈદ ગિલાનીનો બાળપણનો મિત્ર છે. હેડલી અમેરિકન નાગરિક છે. તેની માતા અમેરિકન હતી અને પિતા પાકિસ્તાની હતો. ઓક્ટોબર 2009 માં, અમેરિકન અધિકારીઓએ તેની શિકાગોથી ધરપકડ કરી. 24 જાન્યુઆરી, 2013 ના રોજ, હેડલીને મુંબઈ હુમલામાં સંડોવણી બદલ દોષિત ઠેરવવામાં આવ્યો અને યુએસ કોર્ટે તેને 35 વર્ષની જેલની સજા ફટકારી. તહવ્વુર રાણાએ પાકિસ્તાનની હસન અબ્દાલ કેડેટ સ્કૂલમાં અભ્યાસ કર્યો હતો, જ્યાં હેડલીએ પણ અમેરિકા જતા પહેલા પાંચ વર્ષ અભ્યાસ કર્યો હતો. પાકિસ્તાની સેનામાં ડૉક્ટર તરીકે કામ કર્યા પછી, તહવ્વુર રાણા કેનેડા શિફ્ટ થયો અને થોડા વર્ષો પછી તેને કેનેડિયન નાગરિકતા પણ મળી. તેણે શિકાગોમાં 'ફર્સ્ટ વર્લ્ડ ઇમિગ્રેશન સર્વિસીસ' નામની કન્સલ્ટન્સી ફર્મ શરૂ કરી. રાણાની કંપનીની મુંબઈમાં પણ એક શાખા હતી, જેણે હેડલી કોલમેન હેડલીને મુંબઈના તે સ્થળોની રેકી કરવામાં મદદ કરી હતી જેને 26 નવેમ્બર, 2008 ના રોજ પાકિસ્તાની આતંકવાદી સંગઠન લશ્કર-એ-તૈયબા (LeT) ના આતંકવાદીઓ દ્વારા નિશાનો બનાવાઇ હતી.

આ પણ વાંચો: Donald Trump એ ઘણી મોટી જાહેરાતો કરતા કહ્યું- PM Modi મારાથી ઉત્તમ નેગોશિએટર