Geniben Thakor : એક રૂપિયો ન આપ્યો હોય તે હિસાબ માગવા આવે છે : સાંસદ ગેનીબેન ઠાકોર
સિંધવાઈમાતા મંદિર પરિસરમાં પાટણ જિલ્લાનાં ઠાકોર સમાજનું સંમેલન યોજાયું, જેમાં ઠાકોર સમાજનાં સંત સદારામ બાપાનાં નામે સદારામ સેવા સમિતિ દ્વારા ઉ. ગુજરાતની ઠાકોર સમાજની દીકરીઓ માટે સદારામ કન્યા હોસ્ટેલનું ખાતમુહૂર્ત કરવામાં આવ્યું હતું. આ સંમેલનમાં સાંસદ ગેનીબેન ઠાકોરે સમાજમાં દાન ન આપનાર લોકોને લુખ્ખા ગણાવ્યા હતા. સાથે જ સમાજના નામે ટિકિટ માગનારાને સાંસદ ગેનીબેને ટોણો પણ માર્યો હતો.
Advertisement
- પાટણમાં ઠાકોર સમાજનાં સંમેલનમાં Geniben Thakor નાં આકરા પ્રહાર!
- સમાજમાં દાન ન આપનાર લોકોને સાંસદ ગેનીબેને ગણાવ્યા 'લુખ્ખા'!
- એક રૂપિયો ન આપ્યો હોય તે હિસાબ માગવા આવે છે : ગેનીબેન ઠાકોર
- 'આવા લુખ્ખાને આમંત્રણ નહીં આપો તો ખોટું નહી લાગે'
- સમાજનાં નામે ટિકિટ માગનારાને સાંસદ ગેનીબેન ઠાકોરે માર્યો ટોણો
Patan : આજે સિંધવાઈમાતા મંદિર પરિસરમાં સમગ્ર પાટણ જિલ્લાનાં ઠાકોર સમાજનું (Thakor Samaj) સંમેલન યોજવામાં આવ્યું હતું, જેમાં પાટણ ખાતે ઠાકોર સમાજનાં સંત સદારામ બાપાનાં નામે સદારામ સેવા સમિતિ ગુજરાત (Sadaram Seva Samiti Gujarat) દ્વારા ઉત્તર ગુજરાતની ઠાકોર સમાજની દીકરીઓ માટે સદારામ કન્યા હોસ્ટેલનું (Sadaram Kanya Hostel) ખાતમુહૂર્ત કરવામાં આવ્યું હતું. આ સંમેલનમાં સામાજિક અગ્રણીઓ, ભાજપ, કોંગ્રેસ સહિતની રાજકીય પાર્ટીઓનાં નેતાઓ અને ઉદ્યોગપતિઓ સહિત મોટી સંખ્યામાં સમાજનાં લોકોએ હાજરી આપી હતી, જેમાં બનાસકાંઠા જિલ્લાનાં સાંસદ ગેનીબેન ઠાકોર (Geniben Thakor) પણ ઉપસ્થિત રહ્યા હતા.