ઉનાના ગાંગડા અને ખત્રીવાડા ગામ થયા હતા સંપર્ક વિહોણા
ગીર સોમનાથ જિલ્લાના ગીરગઢડા તાલુકાના દ્રોણેશ્વર ગામે આવેલા દ્રોણેશ્વર ડેમનું દ્રશ્ય અત્યંત મનમોહક અને નયનરમ્ય બન્યું છે. ભારે વરસાદના પગલે આ ડેમ સંપૂર્ણપણે ભરાઈ ગયો છે અને ઓવરફ્લો થઈ રહ્યો છે, જેનો આકાશી નજારો જાણે કોઈ સ્વપ્નસૃષ્ટિ સમાન લાગી રહ્યો છે.
ગીરના જંગલો અને તેની નજીક આવેલા આ ડેમનો વિસ્તાર પ્રકૃતિ પ્રેમીઓ માટે આકર્ષણનું કેન્દ્ર બની ગયો છે. ખેડૂતો માટે પણ આ ડેમનું છલકાવું અત્યંત મહત્વનું છે. આ વર્ષે સારો વરસાદ થતા અને ડેમ ઓવરફ્લો થતા આગામી સમયમાં સિંચાઈ માટે પાણીની સમસ્યા રહેશે નહીં, તેવી આશા ખેડૂતો સેવી રહ્યા છે.
ગીર સોમનાથના તાલાલા-સાસણ રોડ પર વૃક્ષ પડતા બંધ
તાલાલામાં પાંચ પીરની દરગાહ નજીક વૃક્ષ ધરાશાયી થયું હોવાની વાત સામે આવી છે અનેવૃક્ષ સાથે વીજપોલ અને ટાન્સફોર્મર પડતા રોડ બ્લોક થયો છે. વીજલાઇન રોડ પર પડતા તંત્ર દ્વારા પાવર કટ કરવામાં આવ્યો છે અને ઘટનાસ્થળે GEBની ટીમ પહોંચી કામગીરી શરૂ કરી છે.
ઉનાના રાવલ ડેમના 6 દરવાજા 1.22 મીટર ખોલાયા
રાવલ ડેમનું લેવલ જાળવવા દરવાજા ખોલવામાં આવ્યા છે અને ઉનાના પાતાપુર, ઉમેજ, સામતેર, કાણકબરડા ગામને એલર્ટ કરાયા. રામેશ્વર, ગરાળ, મોઠા, સંજવાપુર, માણેકપુર, સહિતના ગામોને એલર્ટ કરાયા છે. ગીરગઢડાના ચીખલકુબા, જશાધાર, ધોકડવા, મોહબતપરા, કાંધી, મોટા સમઢીયાળા, પડાપાદરમાં વરસાદી માહોલ જામ્યો છે.
આ પણ વાંચો : Vadodara : પોલીસની હાજરીમાં ભાજપ અને VHPના હોદ્દેદારોએ કરી મારામારી, મંદિર વિવાદમાં નેતાઓની દાદાગીરી
