ગોવા ક્લબ દુર્ઘટનામાં આરોપી બંધુઓ વિદેશ ભાગ્યા, તપાસમાં CBI ની એન્ટ્રીની શક્યતા

• ચકચારી દુર્ઘટનામાં ક્લબના સંચાલકો વિદેશમાં ફરાર
• દુર્ઘટનામાં 25 લોકોના મોત નીપજ્યા હતા
• બંને વિરૂદ્ધ LOC ઇશ્યુ કરવામાં આવી હોવાનું સામે આવ્યું

Goa Club Accident Accused Fled : ગોવા ક્લબ દુર્ઘટના અંગે એક મોટા સમાચાર સામે આવ્યા છે. ગોવામાં આગ લાગવાના આરોપીઓ થાઈલેન્ડ ભાગી જવામાં સફળ રહ્યા છે. ગોવા પોલીસે હવે સીબીઆઈ દ્વારા ઇન્ટરપોલની મદદ માંગી છે. આરોપીઓ ઘટનાના દિવસે જ મુંબઈથી ફુકેટ (થાઈલેન્ડ) જવા માટે ફ્લાઇટમાં બેઠા હતા અને ભારતથી ભાગી ગયા હતા. ગોવાના ડીજીપી આલોક કુમારના જણાવ્યા અનુસાર, આ સમાચાર સામે આવ્યા છે.

શું છે સમગ્ર મામલો ?

બ્યુરો ઓફ ઇમિગ્રેશનએ અહેવાલ આપ્યો છે કે, આગ લાગ્યા પછી તરત જ, બે માલિકો 7 ડિસેમ્બરના રોજ સવારે 5:30 વાગ્યે ફુકેટ (થાઈલેન્ડ) જવા રવાના થયા હતા. ગોવા પોલીસે રેસ્ટોરન્ટ અને બાર માલિકો ગૌરવ અને સૌરભ લુથરાના દિલ્હીના ઘરો પર એક ટીમ મોકલી હતી, પરંતુ તેઓ મળી આવ્યા ન હતા. ગોવા પોલીસે તેમના ઘરે નોટિસ લગાવી છે. 7 ડિસેમ્બરના રોજ, ગોવા પોલીસની વિનંતી પર, તેમને દેશ છોડીને ભાગી ન જવા માટે તેમના વિરુદ્ધ LOC જારી કરવામાં આવ્યું હતું, પરંતુ બંને પહેલાથી જ ફરાર થઈ ગયા છે. આ સૂચવે છે કે તેઓ તપાસમાં ભાગ લેવા માંગતા નથી.

મૃતદેહ પરિવારને સોંપવામાં આવ્યો

ગોવા પોલીસે સીબીઆઈની મદદથી ઇન્ટરપોલ દ્વારા તેમના લોકેશન શોધવાના પ્રયાસો શરૂ કર્યા છે. આજે ગોવા પોલીસે તેમના એક મેનેજર ભરત કોહલીની દિલ્હીથી ધરપકડ કરી હતી. પોસ્ટમોર્ટમ કર્યા પછી, મૃતકનો મૃતદેહ પરિવારને સોંપવામાં આવ્યો હતો.

કાનુની પ્રક્રિયા લાંબી ચાલશે

એકંદરે, બંને આરોપીઓને વિદેશથી ભારત પાછા લાવવાનું સરળ નથી. આ કેસ સંબંધિત કાનૂની પ્રક્રિયા ખૂબ લાંબી હોઈ શકે છે. બંને ભાઈઓ મુખર્જી નગર પોલીસ સ્ટેશનની બાજુમાં એક બિલ્ડિંગમાં રહે છે. ટીમ આજે ત્યાં પહોંચી અને નોટિસ લગાવી છે. હવે, સીબીઆઈની મદદથી, ઇન્ટરપોલ દ્વારા તેમનું લોકેશન શોધી કાઢવામાં આવશે.

બંને ભાઈઓએ દિલ્હી એરપોર્ટથી ફ્લાઇટ લીધી

સૂત્રો અનુસાર, બંને ભાઈઓ સૌરભ અને ગૌરવે દિલ્હી એરપોર્ટથી ફ્લાઇટ લીધી હતી. અકસ્માત સમયે બંને દિલ્હીમાં હતા. ગોવા ક્લબમાં આગ લાગતાની સાથે જ બંને ભાઈઓએ ફુકેટ ભાગી જવાની યોજના બનાવી હતી. અને તેઓ દિલ્હી એરપોર્ટ પહોંચ્યા અને ભાગી ગયા હતા.

આ પણ વાંચો ------  Navjot Kaur Sidhu: કોંગ્રેસે પાર્ટીમાંથી નવજોત કૌરને કેમ સસ્પેન્ડ કર્યા?, જાણો