Siddheshwar એક્સપ્રેસ ટ્રેનમાંથી 5 કરોડનું સોનું ગાયબ… એકમાત્ર કારણ નિંદ્રા

• 5 કરોડનું સોનું ગાયબ! Siddheshwar એક્સપ્રેસમાં AC કોચમાંથી લૉક્ડ બેગ ઊઠાવી
• ઊંઘતા મુસાફરની બેગમાંથી 5 કિલો સોનું ચોરી – રેલવે સુરક્ષા પર સવાલ
• સોલાપુર-મુંબઈ ટ્રેનમાં 5 કરોડની ચોરી : ચોરોએ લૉક તોડ્યું કે બેગ જ બદલી?
• એક્સપ્રેસ ટ્રેનમાં મોટી લૂંટ : 5000 ગ્રામ સોનું રાતોરાત ગાયબ
• AC કોચ પણ સુરક્ષિત નથી! 5 કરોડના દાગીના સાથે ટ્રૉલી બેગ ગાયબ

મહારાષ્ટ્રમાં સોલાપુરથી મુંબઈ આવતી સિદ્ધેશ્વર એક્સપ્રેસના (Siddheshwar) AC કોચમાં 5 કરોડ રૂપિયાના સોનાની ચોરીએ રેલવે સુરક્ષા પર મોટા સવાલ ઉભા કરી દીધા છે. મુંબઈના રહેવાસી અભયકુમાર જૈનની લૉક થયેલી ટ્રૉલી બેગ રાતોરાત ગાયબ થઈ ગઈ હતી. આ બેગમાં લગભગ 5 કિલો સોનાના દાગીના હતા. આ ઘટના 6 અને 7 ડિસેમ્બરની મધરાતે સોલાપુર-કલ્યાણ વચ્ચે બની હતી.

અભયકુમાર જૈન પોતાની દીકરી સાથે AC કોચ A-1માં બર્થ નં. 49 અને 51 પર મુસાફરી કરી રહ્યા હતા. તેમની પાસે બે ટ્રૉલી બેગ હતી, જેમાંથી બ્લુ-બ્લૅક કલરની અમેરિકન ટુરિસ્ટર બેગમાં કરોડોના સોનાના દાગીના ભરેલા હતા. બેગને સંપૂર્ણ લૉક કરીને તેમણે બર્થ નીચે મૂકી દીધી હતી. પણ 7 ડિસેમ્બરની સવારે જ્યારે ટ્રેન કલ્યાણની નજીક પહોંચી ત્યારે તેમની ઊંઘ ઊડી ગઈ હતી.

જ્યારે તેઓ ઉઠ્યા ત્યારે તેમણે જોયું તો 5 કિલો સોનું ભરેલી બેગ જ ગાયબ! તેમણે તરત જ TTE વિક્રમ મીનાને જાણ કરી અને રેલ મદદ સેવા પર કૉલ કર્યો. કારણ કે લોકેશન કલ્યાણની નજીક હતી, એટલે તેમને સીધા કલ્યાણ GRP પાસે મોકલવામાં આવ્યા. GRPએ તુરંત ચોરીનો કેસ નોંધીને તપાસ શરૂ કરી દીધી. કોચ, પ્લેટફૉર્મ અને સ્ટેશનના CCTV ચકાસવામાં આવી રહ્યા છે.

પેસેન્જરોની પૂછપરછ અને વચ્ચેના સ્ટેશનો પર રોકીને ચેકિંગ પણ કરવામાં આવી રહી છે. પોલીસને શંકા છે કે આરોપીઓએ પહેલેથી જ પ્લાન બનાવીને મુસાફરી કરી હતી અને મોકો મળતાં જ બેગ છૂમંતર કરી દીધી હતી.

ચોરી થયેલા સોનાના દાગીનાની લિસ્ટ (કુલ લગભગ 5 કિલો)

• સોનાની ચેઇન-પેન્ડન્ટ: 60 ગ્રામ
• મંગળસૂત્ર-પેન્ડન્ટ: 260 ગ્રામ
• ઝુમકા/ટૉપ્સ: 800 ગ્રામ
• સોનાની કટોરીઓ: 300 ગ્રામ
• કાન ચેઇન: 125 ગ્રામ
• આંગળીની વીંટીઓ: 800 ગ્રામ
• ‘યાલી’ ડિઝાઇન જ્વેલરી: 350 ગ્રામ
• નેકલેસ: 900 ગ્રામ
• સોનાની માળા: 140 ગ્રામ
• કાળા મોતીવાળું મંગળસૂત્ર: 300 ગ્રામ
• અન્ય ઝુમકા-બાલી-સ્ટોન સેટ: 226 ગ્રામ
• નોઝપિન (મોરની): 125 ગ્રામ

આ ઉપરાંત ચોરી થયેલી અમેરિકન ટુરિસ્ટર ટ્રૉલી બેગ અને અંદરનો બ્રાઉન ECHOLAC બ્રીફકેસ પણ ગાયબ છે. AC કોચમાં લૉક થયેલી બેગમાંથી આટલી મોટી ચોરી થવાથી રેલવે સુરક્ષા અને પોલીસ બંને પર ગંભીર સવાલ ઊભા થયા છે. પ્રારંભિક તપાસમાં સ્પષ્ટ છે કે આ કોઈ સામાન્ય મુસાફરનું કામ નહીં, પરંતુ એક સંગઠિત, આયોજિત અને પ્રોફેશનલ ગુનો લાગે છે. હાલ GRP તપાસ આગળ વધારી રહી છે અને ટૂંક સમયમાં આરોપીઓની ઓળખ થઈ જવાની આશા છે.

આ પણ વાંચો- Ghor Kalyug : ઉત્તરપ્રદેશની રાજધાની લખનઉમાં સનસનાટી મચાવી દેતી ઘટના ઘટી છે, લખનઉમાં લિવ ઈન પાર્ટનરનું મર્ડર!