Arvalli : મોડાસામાં તંત્રનું બુલડોઝર ફરી વળ્યું, કોલેજ છાપરા વિસ્તારમાં ગેરકાયદે 24 દબાણ દૂર કરાયા

ઘર ખાલી કરવા પાલિકાએ નોટિસ ના આપી!

સ્થાનિકોનો મુખ્ય આક્ષેપ એવો હતો કે, તેમને આ અંગે અગાઉ કોઈ પણ પ્રકારની નોટિસ આપવામાં આવી નથી અને અચાનક આવીને તંત્રએ તેમના ઘર તોડી પાડ્યા છે. અને અમારી પાસે રહેવા માટે બીજું કોઈ ઠેકાણું નથી અને અમને જાણ પણ ન કરવામાં આવી, તેમ સ્થાનિકોએ રોષ સાથે જણાવ્યું હતું.

તો બીજી તરફ, તંત્ર દ્વારા સ્થાનિકોના આ આક્ષેપોને ફગાવી દેવામાં આવ્યા છે. પ્રાંત અધિકારીએ સ્પષ્ટતા કરતા જણાવ્યું હતું કે, આ દબાણો દૂર કરવા માટે બે વર્ષ અગાઉ જ નોટિસ આપવામાં આવી હતી અને તેની નિર્ધારિત મુદત પણ પૂર્ણ થઈ ગઈ છે.

આ ઘટના બાદ વિસ્તારમાં સન્નાટો છવાઈ ગયો છે

કોઈ અનિચ્છનીય બનાવ ન બને અને કામગીરી શાંતિપૂર્ણ રીતે પાર પડે તે માટે પોલીસ તંત્ર દ્વારા પણ ભારે બંદોબસ્ત ગોઠવવામાં આવ્યો હતો. પોલીસની 10 જેટલી ગાડીઓ સાથેનો કાફલો ઘટનાસ્થળે હાજર રહ્યો હતો, જેથી વિરોધ કરી રહેલા લોકોને નિયંત્રણમાં રાખી શકાય. ભારે પોલીસ બંદોબસ્ત વચ્ચે તંત્રએ પોતાની કામગીરી ચાલુ રાખી હતી અને વિસ્તારમાંથી તમામ દબાણો દૂર કર્યા હતા.

આ પણ વાંચો : Tapi મા મેઘમહેર, ડોસવાડા ડેમ છલકાયો, આકાશી દ્રશ્યોમાં કેદ થયું અદભૂત સૌંદર્ય