WPL 2026 : ગુજરાતે ભારે રોમાંચક મેચમાં દિલ્હીને છેલ્લી ઓવરમાં 3 રને હરાવ્યું, સોફી ડિવાઈને મેચની બાજી પલટી
- ગુજરાત જાયન્ટ્સે દિલ્હી કેપિટલ્સને 3 રનથી હરાવ્યું ( WPL 2026)
- સોફી ડિવાઈને છેલ્લી ઓવરમાં મેચ પલટી
- ગુજરાત જાયન્ટ્સની પ્લેઓફની આશા જીવંત રાખી
સંસ્કારી નગરી વડોદરાના બીસીએ સ્ટેડિયમ (BCA Stadium) પર રમાયેલી ડબ્લ્યુપીએલ 2026 (WPL 2026) ની 17મી મેચ ક્રિકેટ ઈતિહાસના સૌથી રોમાંચક મુકાબલાઓમાંથી એક બની રહી. ગુજરાત જાયન્ટ્સે (Gujarat Giants) હારેલી બાજી જીતીને દિલ્હી કેપિટલ્સને (Delhi Capitals) 3 રને કારમી મ્હાત આપી છે. છેલ્લી ઓવર સુધી મેચ દિલ્હીના ખિસ્સામાં હોવાનું જણાતું હતું, પરંતુ સોફી ડિવાઈને પોતાની અનુભવી બોલિંગથી આખો ખેલ બદલી નાખ્યો હતો.
A #TATAWPL classic in Vadodara😎
Jubilation in the @Giant_Cricket camp as they register a 3⃣-run victory in a nail-biting finish 🥳
Scorecard ▶️ https://t.co/73Ec3xR5A6 #KhelEmotionKa | #GGvDC pic.twitter.com/daG96tmBpr
— Women's Premier League (WPL) (@wplt20) January 27, 2026
WPL 2026 : ભારે રોમાંચક મેચમાં ગુજરાતની થઇ જીત
પ્રથમ બેટિંગ કરતા ગુજરાત જાયન્ટ્સે નિર્ધારિત 20 ઓવરમાં 9 વિકેટે 174 રન બનાવ્યા હતા. કેપ્ટન બેથ મૂનીએ (Beth Mooney) શાનદાર 58 રનની ઇનિંગ રમી હતી. જોકે, દિલ્હીની બોલર શ્રી ચરણીએ [Shree Charani] 4 વિકેટ ઝડપીને ગુજરાતને મધ્યમ સ્કોર પર અટકાવ્યું હતું.
નિકી પ્રસાદની લડાયક ઇનિંગ અને ડિવાઈનનો જાદુ
175 રનના લક્ષ્યાંકનો પીછો કરતા દિલ્હીને છેલ્લી ઓવરમાં જીતવા માટે માત્ર 9 રનની જરૂર હતી. મેદાન પર નિકી પ્રસાદ [Niki Prasad] (47 રન, 24 બોલ) તોફાની બેટિંગ કરી રહી હતી. પરંતુ સોફી ડિવાઈને [Sophie Devine] અંતિમ ઓવરમાં અશક્યને શક્ય કરી બતાવ્યું. તેણે સેટ બેટ્સમેન સ્નેહ રાણા [Sneh Rana] (29) અને નિકી પ્રસાદને આઉટ કરીને દિલ્હીને 171/8 પર રોકી દીધું હતું. અંતિમ બોલ પર છગ્ગાની જરૂર હતી ત્યારે નિકી પ્રસાદનો કેચ એશ્લે ગાર્ડનરે [Ashleigh Gardner] પકડીને ગુજરાતને વિજય અપાવ્યો હતો.
આ પણ વાંચો : ભારતે એકતરફી મેચમાં ઝિમ્બાબ્વેને 204 રને હરાવ્યું , વિહાન મલ્હોત્રાની શાનદાર સદી, આયુષ-ઉદ્ધવની ઘાતક બોલિંગ