Ahmedabad: લાલ દરવાજા નજીક જુની જામા મસ્જિદની દીવાલ ધરાસાયી, યુનેસ્કોની વર્લ્ડ હેરિટેજ સાઇટ માં આવે છે મસ્જિદ

Ahmedabad:  જુની જામા મસ્જિદની દીવાલ ધરાસાયી

આજે વરસી રહેલા ધોધમાર વરસાદ અને ભેજવાળા વાતાવરણને કારણે આ પ્રાચીન ઇમારતના માળખા પર અસર પડી હોવાનું પ્રાથમિક અનુમાન લગાવવામાં આવી રહ્યું છે. મહત્વની વાત એ છે કે આ જામા મસ્જિદ કોઈ સામાન્ય પુરાતન ઇમારત નથી, પરંતુ તે યુનેસ્કોની વર્લ્ડ હેરિટેજ સાઈટ (UNESCO World Heritage Site) માં સ્થાન ધરાવે છે. વૈશ્વિક સ્તરે સાંસ્કૃતિક અને ઐતિહાસિક વિરાસત તરીકે ગણાતા આ સ્મારકને નુકસાન પહોંચવાના અહેવાલો વહેતા થતાં જ પુરાતત્વ વિભાગ અને સ્થાનિક તંત્રમાં ચિંતાનું મોજું ફરી વળ્યું છે.

અધિકારીઓ અને સ્થાનિક વહીવટી તંત્ર તાત્કાલિક ધોરણે દોડી આવ્યા

ઘટનાની જાણ થતા જ સંબંધિત વિભાગના અધિકારીઓ અને સ્થાનિક વહીવટી તંત્ર તાત્કાલિક ધોરણે દોડી આવ્યા હતા. સદનસીબે આ દુર્ઘટના ઘટી ત્યારે આસપાસ કોઈ રાહદારી કે પશુ ન હોવાથી મોટી જાનહાનિ ટળી ગઈ છે, જેને લઈને સૌએ રાહતનો શ્વાસ લીધો છે. હાલમાં તંત્ર દ્વારા ધરાસાઈ થયેલા ભાગનો તાગ મેળવવામાં આવી રહ્યો છે અને આ ઐતિહાસિક ધરોહરને સુરક્ષિત રાખવા માટે તાત્કાલિક ધોરણે યોગ્ય પગલાં લેવાની કવાયત હાથ ધરવામાં આવી છે. વરસાદી સિઝનમાં આવા સંવેદનશીલ અને જૂના સ્મારકોની જાળવણી સામે પણ સવાલો ઉભા થયા છે.

આ પણ વાંચો: લખતર પંથકમાં 6 ઈંચ વરસાદથી જળબંબાકારની સ્થિતિ, 1000 વીઘામાં પાક નષ્ટ