Ahmedabad: અષાઢી બીજે અમી છાંટણા, કાલુપુર ખાતે વાતાવરણમાં પલટો આવતા ઠંડક પ્રસરી

વિવિધ વિસ્તારોમાં મેઘમહેર

શહેરના બોપલ વિસ્તારમાં વરસાદના સારા ઝાપટા પડતા રસ્તાઓ પર પાણી ફરી વળ્યા હતા. આ ઉપરાંત ઘાટલોડિયા, ગોતા અને એસ.જી. હાઈવે (S.G. Highway) જેવા વિસ્તારોમાં પણ વાદળોની ઘેરાબંધી બાદ વરસાદ વરસ્યો હતો. કાલુપુર વિસ્તારમાં જ્યાં રથયાત્રાનું મુખ્ય કેન્દ્ર હતું, ત્યાં પણ વાતાવરણમાં અચાનક પલટો આવ્યો હતો. ઠંડી હવા ફૂંકાતા ભક્તો અને શહેરીજનોને ગરમીથી રાહત મળતા તેમના ચહેરા પર ખુશીની લહેર દોડી ગઈ હતી.

Ahmedabad: રથયાત્રામાં વરસાદી ઉત્સાહ

આજે રથયાત્રાનો મુખ્ય દિવસ હોવાથી મોટી સંખ્યામાં લોકો રસ્તાઓ પર ઉમટી પડ્યા હતા. વરસાદના કારણે ભક્તોની ભક્તિમાં જરા પણ ઓટ આવી ન હતી, ઉલટાનું વરસાદી માહોલે ઉત્સાહમાં વધારો કર્યો હતો. ઘણા ભક્તોએ આ વરસાદને ભગવાન જગન્નાથના આશીર્વાદ સ્વરૂપે ગણાવીને ઠંડી હવાનો આનંદ માણ્યો હતો. વરસાદના કારણે શહેરના મુખ્ય માર્ગો પર ટ્રાફિક અને વાતાવરણમાં એક પ્રકારની તાજગી જોવા મળી હતી. હવામાન વિભાગના જણાવ્યા અનુસાર, આગામી સમયમાં પણ વાતાવરણમાં આવો પલટો યથાવત રહી શકે છે, જેનાથી કાળઝાળ ગરમીમાંથી લોકોને રાહત મળવાની શક્યતા છે.

આ પણ વાંચો: Surat: હરે કૃષ્ણના નાદ સાથે ભગવાનની ભવ્ય નગરચર્યા, લોખંડી બંદોબસ્ત વચ્ચે રથયાત્રા નીકળી