Ahmedabad: રથયાત્રાને લઈ પોલીસ વિભાગ સજ્જ, દર્શન માટે કોઇ સમસ્યા ઉભી ન થાય તેવી વ્યવસ્થા

સુરક્ષાનું અભેદ કવચ અને ટેકનોલોજીનો ઉપયોગ

સુરક્ષા માટે કુલ 30,000 પોલીસકર્મીઓ ઉપરાંત 3,000 હોમગાર્ડ અને SRPના જવાનો, તથા 1,000 પેરામિલિટરી ફોર્સના જવાનો તૈનાત કરવામાં આવ્યા છે. રથયાત્રાનું લાઇવ મોનિટરિંગ કરવા માટે ૨૫૦ ડીપ પોઇન્ટ નક્કી કરાયા છે અને સમગ્ર રૂટ પર 3,700 જેટલા CCTV કેમેરા લગાવવામાં આવ્યા છે, જેમાં AI સોફ્ટવેરની મદદથી ગુનાહિત ઇતિહાસ ધરાવતા વ્યક્તિઓને ફેસ રેકગ્નિશન દ્વારા ઓળખવામાં આવશે. આ સાથે 100 ડ્રોન કેમેરાથી આકાશમાંથી નજર રાખવામાં આવશે અને અનધિકૃત ડ્રોનને તોડી પાડવા માટે 'એન્ટી-ડ્રોન સિસ્ટમ' સજ્જ રાખવામાં આવી છે.

Ahmedabad Rath Yatra Security: ગજરાજ અને અન્ય વ્યવસ્થાઓ

રથયાત્રામાં સામેલ 18 ગજરાજોની સુરક્ષા માટે ખાસ 'ગજરક્ષક સિસ્ટમ' તૈયાર કરવામાં આવી છે અને ગજરાજ પાસે વધુ અવાજ કે ફટાકડા ન ફોડવા પોલીસ દ્વારા કડક સૂચના આપવામાં આવી છે. ક્રાઇમ બ્રાન્ચના 2,000 જવાનો રથ સાથે સતત રહેશે. તમામ ટ્રક પર GPS ટ્રેકર લગાવવામાં આવ્યા છે અને 12 કંટ્રોલ રૂમ દ્વારા સતત નિરીક્ષણ કરવામાં આવશે.

નાગરિકો માટે પોલીસે ખાસ અપીલ કરી

નાગરિકો માટે પોલીસે ખાસ અપીલ કરી છે કે નાના બાળકોના ખિસ્સામાં નામ અને સરનામાની ચિઠ્ઠી અવશ્ય મુકવી. સોશિયલ મીડિયા પર સાયબર ક્રાઇમની ટીમ દ્વારા પણ બાજ નજર રાખવામાં આવશે.

આ પણ વાંચો: Junagadh: સિંહના હુમલામાં બાળકના મોતનો મામલો, સરકારે પરિવારને આપી 10 લાખની સહાય