રાજકોટમાં Indira Circle (ઇન્દિરા સર્કલ) પાસે કનૈયા સોશિયલ ગ્રુપ દ્વારા મટકી ફોડ કાર્યક્રમનું આયોજન કરવામાં આવ્યું હતું. ખાસ વાત એ છે કે છેલ્લા 20 વર્ષથી અહીં જન્માષ્ટમીના પર્વ નિમિત્તે મટકી ફોડ કાર્યક્રમ યોજાય છે. મોટી સંખ્યામાં લોકો આ પરંપરાગત કાર્યક્રમમાં જોડાયા હતા અને કાન્હાના જન્મોત્સવની ઉજવણી કરી હતી.
Advertisement ![Navratri Banner]()
વડોદરામાં ઈસ્કોન મંદિરે ભક્તોની ભારે ભીડ
વડોદરામાં પણ ISKCON Temple (ઈસ્કોન મંદિર) ખાતે જન્માષ્ટમીને લઈને ભક્તોની ભારે ભીડ જોવા મળી. ભક્તોએ ભગવાન શ્રીકૃષ્ણના દર્શન કરી ધન્યતા અનુભવી હતી. મંદિર તંત્ર દ્વારા ભક્તોને કોઈ મુશ્કેલી ન પડે તે માટે વિશેષ વ્યવસ્થા કરવામાં આવી હતી. સુરક્ષા માટે મોટી સંખ્યામાં સુરક્ષાકર્મીઓ તૈનાત કરાયા હતા. ભગવાન શ્રીકૃષ્ણનો અદભૂત શણગાર કરવામાં આવ્યો હતો અને સમગ્ર મંદિર પરિસરને રંગબેરંગી ફૂલોથી સજાવવામાં આવ્યું હતું.
સુરતમાં પણ લોકોમાં ભારે ઉત્સાહ
સુરતમાં પણ Krishna Janmotsav (કૃષ્ણ જન્મોત્સવ)ની ભવ્ય ઉજવણી થઈ. શહેરના વિવિધ કૃષ્ણ મંદિરોમાં ભક્તોની ભીડ ઉમટી હતી. ખાસ કરીને જહાંગીરપુરા સ્થિત ઈસ્કોન મંદિરમાં મધરાતે 12 વાગ્યાના ટકોરે શ્રીકૃષ્ણના જન્મદિવસના વધામણા કરવામાં આવ્યા હતા અને મંદિર ભક્તિભાવથી કૃષ્ણમય બની ગયું હતું.
અમદાવાદના ઈસ્કોન મંદિરમાં જન્માષ્ટમીની ઉજવણી
અમદાવાદના ઈસ્કોન મંદિરમાં જન્માષ્ટમીની ઉજવણીમાં ભક્તિ સાથે ટેક્નોલોજીનો અનોખો સંગમ જોવા મળ્યો. આકાશમાં 300 ડ્રોન દ્વારા શ્રીકૃષ્ણની લીલાની ઝાંખી રજૂ કરવામાં આવી હતી. 7 મિનિટનો લાઇટ એન્ડ સાઉન્ડ શો પણ મુખ્ય આકર્ષણ બન્યો હતો. ઉપરાંત, 600 કિલો ફૂલોથી ગર્ભગૃહનો ભવ્ય શણગાર કરવામાં આવ્યો હતો. સમગ્ર શહેરોમાં જન્માષ્ટમીના પર્વને લઈને ભક્તોમાં ભારે ઉત્સાહ જોવા મળ્યો.
ડભોડાના રણછોડજી મંદિરે CM ભૂપેન્દ્ર પટેલે ઉજવ્યો કૃષ્ણ જન્મોત્સવ
સમગ્ર દેશમાં ભગવાન શ્રીકૃષ્ણના જન્મોત્સવની ભવ્ય ઉજવણી કરવામાં આવી રહી છે. ગુજરાતના મુખ્યમંત્રી ભૂપેન્દ્રભાઈ પટેલે ગાંધીનગરના ડભોડા ખાતે આવેલા પ્રસિદ્ધ રણછોડજી મંદિર પહોંચીને કૃષ્ણ જન્મોત્સવની ઉજવણી કરી હતી. CM ભૂપેન્દ્રભાઈ પટેલે મંદિર ખાતે પૂજા-અર્ચના સાથે આરતીનો લાભ લીધો હતો. રાત્રે 12 વાગ્યે રણછોડજી મંદિર ખાતે આરતી કરવામાં આવી હતી. આ પ્રસંગે ગાંધીનગર દક્ષિણના ધારાસભ્ય અલ્પેશ ઠાકોર પણ ઉપસ્થિત રહ્યા હતા. સમગ્ર દેશમાં જન્માષ્ટમીને લઈને ભક્તોમાં ભારે ઉત્સાહ અને ભક્તિમય માહોલ જોવા મળી રહ્યો છે.
આ પણ વાંચો: Amreli: જન્માષ્ટમી મેળામાં કૌશિકભાઇ વેકરિયા પહોંચ્યા, સામાન્ય માણસની જેમ જાતે ટિકિટ લઇ રાઇડ્સની મજા માણી
