Ahmedabad રથયાત્રાની ભવ્ય સફળતા, નાયબ મુખ્યમંત્રી હર્ષભાઈ સંઘવીએ આપ્યો સફળતાનો શ્રેય

ગજરાજ માટે વિશેષ વ્યવસ્થા અને ગરમીથી રાહત

ગત વર્ષે રથયાત્રા દરમિયાન ગજરાજને થયેલી તકલીફનો ઉલ્લેખ કરતા હર્ષભાઈ સંઘવીએ જણાવ્યું હતું કે, "આ વર્ષે ખાસ ધ્યાન રાખવામાં આવ્યું હતું કે ગજરાજને કોઈપણ પ્રકારની તકલીફ ન પડે. રથયાત્રાના રૂટ પર ઠેર-ઠેર રોડ પર પાણી છાંટવામાં આવ્યું હતું જેથી ગરમીનો અહેસાસ ન થાય અને વાતાવરણ ઠંડુ રહે." તેમણે ઉમેર્યું હતું કે, ભક્તોને પણ સુગમ દર્શન થાય તે પ્રકારનું સુઆયોજિત આયોજન કરવામાં આવ્યું હતું.

Ahmedabad: પોલીસ તંત્રની કામગીરીનો આભાર માન્યો

સુરક્ષા અંગે વાત કરતા તેમણે કહ્યું કે, રથયાત્રાની સુરક્ષા વ્યવસ્થામાં 30 હજાર જેટલા પોલીસકર્મીઓ તૈનાત હતા, જેમણે ખડેપગે રહીને સુરક્ષા વ્યવસ્થા જાળવી રાખી હતી. આ સફળ આયોજન બદલ તમામ સમાજના લોકો, શાંતિ સમિતિના સભ્યો અને પોલીસ તંત્રનો તેમણે વિશેષ આભાર માન્યો હતો. તેમણે તમામ નાગરિકોને અભિનંદન પાઠવતા જણાવ્યું કે, સૌના સહયોગથી આ યાત્રા શાંતિપૂર્ણ અને અત્યંત સફળ રહી છે.

આ પણ વાંચો:Bodeli Jagannath Rath Yatra: બોડેલીમાં ભગવાન જગન્નાથની ભવ્ય રથયાત્રા, જય રણછોડથી ગુંજી ઉઠ્યું નગર