Patan: સાંતલપુરના ગામો સંપર્ક વિહોણા બનતા NDRF મેદાને, લોકોને સુરક્ષિત સ્થળે ખસેડવાની કામગારી તેજ

સુરતથી NDRFની ટીમ પાટણ બોલાવાઈ

આ ગંભીર આપત્તિજનક પરિસ્થિતિને ધ્યાનમાં રાખીને જિલ્લા વહીવટી તંત્ર (District Administration) દ્વારા ત્વરિત પગલાં લેવામાં આવ્યા છે. સુરત (Surat) થી NDRF (National Disaster Response Force) ની વિશેષ ટીમ તાત્કાલિક પાટણના સાંતલપુર ખાતે આવી પહોંચી છે. સુરતથી આવેલા NDRF ના ૩૦ જેટલા તાલીમબદ્ધ જવાનોને સાંતલપુર ખાતે સ્ટેન્ડબાય (Standby Rescue Team) રાખવામાં આવ્યા છે જેથી કોઈપણ કટોકટીના સમયે ત્વરિત રાહત અને બચાવ કામગીરી (Rescue Operation) હાથ ધરી શકાય.

Patan: ટીમ પાસે 3 રેસ્ક્યુ બોટ પણ ઉપલબ્ધ

આ સાથે જ બચાવ કામગીરીને વધુ વેગ આપવા માટે NDRF ની ટીમ દ્વારા અત્યાધુનિક સાધનો સજ્જ કરવામાં આવ્યા છે. ટીમ પાસે 3 રેસ્ક્યુ બોટ (Rescue Boats), મજબૂત રસ્સા, લાઇફ જેકેટ (Life Jackets) અને પૂરની સ્થિતિમાં ઉપયોગમાં લેવાતા અન્ય જરૂરી સાધનો ઉપલબ્ધ છે. જો આગામી સમયમાં જિલ્લામાં કે ઉપરવાસમાં વધુ વરસાદ વરસે અને પાણીનું સ્તર વધે, તો આ સ્ટેન્ડબાય રહેલી ટીમ તાત્કાલિક પ્રભાવિત વિસ્તારોમાં પહોંચીને ફસાયેલા નાગરિકોને સુરક્ષિત સ્થળે ખસેડવાની કામગીરી કરશે. તંત્ર દ્વારા નાગરિકોને પણ અફવાઓથી દૂર રહેવા અને સતર્ક રહેવાની ખાસ સૂચના આપવામાં આવી છે.

આ પણ વાંચો: Valsad: મધુબન ડેમમાં તિરાડ પડ્યાની માત્ર અફવા, રેસીડેન્ટ ડેપ્યુટી કલેક્ટર અમિત કુમારે આપી માહિતી