Surat: સચિન GIDCમાં ભારે વરસાદી આફત, ખાડામાં ડૂબી જતાં બે માસૂમ બાળકોના મોત

શું છે સમગ્ર ઘટના?

મળતી માહિતી મુજબ, મહાવીર નગર સોસાયટીના કોમન પ્લોટમાં આ બે બાળકો રમી રહ્યા હતા. વરસાદના કારણે સોસાયટીમાં પાણી ભરાઈ ગયા હતા, જેના કારણે ત્યાં રહેલા પાંચથી છ ફૂટ ઊંડા ખાડાનો અંદાજ બાળકોને આવ્યો નહીં. રમતા-રમતા બંને બાળકો આ ખાડામાં ખાબક્યા હતા. આ ખાડો છઠ પૂજાના આયોજન માટે અગાઉ ખોદવામાં આવ્યો હતો, જે વરસાદમાં પાણી ભરાતા મોતનો કૂવો બની ગયો હતો

Surat:  તંત્રની બેદરકારી કે કુદરતી હોનારત?

બાળકો લાંબા સમય સુધી પરત ન ફરતા પરિવારે શોધખોળ શરૂ કરી હતી. સ્થાનિકો અને તંત્રની ભારે મહેનત બાદ આ બંને બાળકોના મૃતદેહ ખાડામાંથી મળી આવ્યા હતા. મૃતક બાળકોની ઓળખ શ્રેયા ઝા અને કૃષ્ણા તરીકે થઈ છે. તેમને તુરંત સિવિલ હોસ્પિટલ ખસેડવામાં આવ્યા હતા, જ્યાં તબીબોએ તેમને મૃત જાહેર કર્યા હતા.

પરિવારનો તંત્ર સામે ભારે આક્રોશ

આ ઘટના બાદ પરિવારજનો અને સ્થાનિકોમાં તંત્ર અને સોસાયટી પ્રશાસન સામે ભારે આક્રોશ જોવા મળી રહ્યો છે. છઠ પૂજા માટે ખોદાયેલા ખાડાને યોગ્ય રીતે પૂરી દેવામાં ન આવતા આ બે નિર્દોષ બાળકોએ જીવ ગુમાવવો પડ્યો છે. સચિન GIDC પોલીસે આ મામલે ગુનો નોંધી વધુ તપાસ હાથ ધરી છે.

આ પણ વાંચો:મહેસાણામાં મોટી કાર્યવાહી: સરકારી મિટિંગમાં ટી-શર્ટ પહેરીને આવતા ડે.કમિશનરને નોટિસ