Gujarati family fire death USA: અમેરિકામાં નડીયાદનો પરિવાર થયો ભડથુ, પતિ-પત્ની અને દીકરીનું મોત

અમેરિકામાં ગુજરાતી પરિવારો બન્યો ભોગ

પ્રાપ્ત વિગતો અનુસાર, હિતેષ સુથાર, તેમના પત્ની હિનાબેન અને તેમની 20 વર્ષીય દીકરી ઇશાની અમેરિકામાં રહેતા હતા. છેલ્લા બે વર્ષથી આ પરિવાર અમેરિકામાં સ્થાયી થયો હતો અને ત્યાં પોતાની નવી દુનિયા વસાવી રહ્યો હતો. જે દિવસે આ દુર્ઘટના બની, તે સમયે લોજમાં અચાનક આગ ફાટી નીકળી હતી. આગ એટલી વિકરાળ હતી કે પરિવારને બહાર નીકળવાની તક મળી ન હતી. જીવ બચાવવા માટે પરિવાર બાથરૂમમાં છુપાયો હતો, પરંતુ ત્યાં લાગેલી આગના ધુમાડાના કારણે ગૂંગળામણ થતા ત્રણેયના ઘટનાસ્થળે જ મોત નીપજ્યા હતા.

Gujarati family: તાત્કાલિક બચાવ કામગીરી શરૂ કરી દેવામાં આવી

સ્થાનિક ફાયર વિભાગના જણાવ્યા અનુસાર, તેમને આગ અંગેની જાણ થતા જ તાત્કાલિક બચાવ કામગીરી શરૂ કરી દેવામાં આવી હતી, પરંતુ જ્યારે તેઓ પરિવાર સુધી પહોંચ્યા ત્યારે ઘણું મોડું થઈ ગયું હતું. આ ઘટના બાદ નડિયાદમાં રહેતા તેમના સ્વજનો પર આભ તૂટી પડ્યું છે. અમેરિકામાં સ્થાયી થવાનું સપનું આ રીતે રાખમાં ફેરવાઈ જશે તેની કલ્પના પણ કોઈએ કરી ન હતી. હાલમાં આ મામલે સ્થાનિક વહીવટીતંત્ર દ્વારા તપાસ હાથ ધરવામાં આવી છે કે આગ લાગવાનું ચોક્કસ કારણ શું હતું અને સુરક્ષાના કયા પાસાઓમાં ક્ષતિ રહી ગઈ હતી. આ સમગ્ર મામલામાં પરિવારના અન્ય સભ્યો અને ભારતીય કોન્સ્યુલેટ પણ સંપર્કમાં છે.

આ પણ વાંચો: Ahmedabad: ચા બનાવવાના બહાને સગીરાને બોલાવી નરાધમે આચર્યું દુષ્કર્મ, ઘટના જાણી હચમચી જશો!