Gir Somnath: જુગારધામ પર SMC રેડનો મામલો, 2 ASI અને 2 હેડ કોન્સ્ટેબલને ફરજમુક્ત

શું હતી સમગ્ર ઘટના?

થોડા સમય પહેલા વેરાવળ વિસ્તારમાં SMCની ટીમે એક મોટા જુગારધામ પર દરોડો પાડ્યો હતો. આ રેડ દરમિયાન અસામાજિક તત્વોના ટોળાએ SMCની ટીમ પર જીવલેણ હુમલો (Attack on Police) કર્યો હતો. પરિસ્થિતિ એટલી તંગ બની હતી કે SMCના અધિકારીઓએ સ્વબચાવમાં હવામાં ફાયરિંગ (Aerial Firing) કરવું પડ્યું હતું. આ ઘટનાએ રાજ્યભરમાં ચર્ચા જગાવી હતી અને પોલીસની કામગીરી પર અનેક સવાલો ઉભા થયા હતા.

Gir Somnath: 2 ASI અને 2 હેડ કોન્સ્ટેબલ ફરજમુક્ત

ઘટના બાદ તપાસમાં સ્થાનિક પોલીસની શંકાસ્પદ ભૂમિકા અને બેદરકારી સામે આવતા SP જયદીપસિંહ જાડેજાએ તાત્કાલિક અસરથી પગલાં લીધા છે. ફરજમુક્ત કરાયેલા પોલીસકર્મીઓમાં ASI નવઘણસિંહ ગોહિલ, ASI અજીત પરમાર, હેડ કોન્સ્ટેબલ નટુભા બસિયા અને પ્રદીપસિંહ ખેરનો સમાવેશ થાય છે. આ કાર્યવાહીથી વેરાવળ પોલીસ બેડામાં સન્નાટો છવાઈ ગયો છે. આ કડક પગલાં દ્વારા પોલીસવડાએ સ્પષ્ટ સંદેશ આપ્યો છે કે ફરજમાં બેદરકારી કે ભ્રષ્ટાચાર જરા પણ ચલાવી લેવામાં આવશે નહીં.