Gujarat Farmer: ખેડૂતો પ્રત્યે રાજ્ય સરકારની સંવેદનશીલતા, જાહેરાતના માત્ર 24 કલાકમાં જ પરિપત્ર જાહેર

સરકારની ત્વરિત કાર્યશૈલીનું ઉદાહરણ

પ્રવક્તા મંત્રી જીતુભાઈ વાઘાણીએ આ અંગે માહિતી આપતા જણાવ્યું હતું કે, વડાપ્રધાન શ્રી નરેન્દ્રભાઈ મોદીની ગુજરાત મુલાકાતને લઈને વહીવટી તંત્ર વ્યસ્ત હોવા છતાં, ખેડૂતોના હિતમાં કોઈ પણ પ્રકારનો વિલંબ કરવામાં આવ્યો નથી. મુખ્યમંત્રી, મંત્રીમંડળ અને સચિવોના અભૂતપૂર્વ સંકલનથી આ પ્રક્રિયા ખૂબ જ ઝડપથી પૂર્ણ કરવામાં આવી છે. આ ઘટના સરકારની ખેડૂતો પ્રત્યેની પ્રતિબદ્ધતા અને સંવેદનશીલતાનું ઉત્કૃષ્ટ ઉદાહરણ છે.

ખેડૂતોને થશે મોટો આર્થિક લાભ

અગાઉ વળતર જંત્રીના આધારે ચૂકવવામાં આવતું હતું, પરંતુ હવે ખેડૂતોની લાંબા સમયની માંગણીને માન આપીને સરકાર દ્વારા 'પ્રવર્તમાન બજાર ભાવના બમણા દરે' વળતર ચૂકવવાનો નિર્ણય લેવાયો છે. આ નિર્ણયથી રાજ્યના હજારો ખેડૂતોને મોટો આર્થિક લાભ થશે અને તેમને તેમના પાક તથા જમીનના નુકસાન સામે પોષણક્ષમ વળતર મળી રહેશે.

આ પણ વાંચો: Rath Yatra Security: રથયાત્રાને લઈને સુરક્ષા વ્યવસ્થા સઘન, પોલીસ જવાનોની 10 થી 17 જુલાઈ સુધીની રજાઓ રદ