Gujarat: રાજ્યમાં 3 દિવસ હિટવેવની હવામાન વિભાગની આગાહી, જાણો કયા કેટલું રહ્યું તાપમાન

• આજથી રાજ્યમાં ત્રણ દિવસ હિટવેવની હવામાન વિભાગની આગાહી
• સુરેન્દ્રનગર, રાજકોટ, અમરેલી અને કચ્છમાં હિટવેવની સંભાવના
• રાજકોટનું તાપમાન માર્ચ માસમાં જ પહોંચ્યુ 40 ડિગ્રીને પાર

આજથી રાજ્યમાં ત્રણ દિવસ હિટવેવની હવામાન વિભાગની આગાહી છે. ઉલ્લેખનીય સુરેન્દ્રનગર, રાજકોટ, અમરેલી અને કચ્છમાં હિટવેવની સંભાવના છે. જેમાં રાજકોટનું તાપમાન માર્ચ માસમાં જ 40 ડિગ્રીની પાર પહોંચ્યુ છે. જેમાં 41.1 ડિગ્રી સાથે રાજકોટ સમગ્ર રાજ્યનું સૌથી ગરમ શહેર રહ્યું છે. તેમજ ભુજમાં 40.4 ડિગ્રી, નલિયા અને ગાંધીનગરમાં 39.4 ડિગ્રી તેમજ અમદાવાદમાં તાપમાનનો પારો 38.7 ડિગ્રી પર પહોંચ્યો છે.

ગોવા, સૌરાષ્ટ્ર અને કચ્છમાં હવામાન પહેલા જેવું જ ગરમ રહ્યું છે

આજે તાપમાન 40 ડિગ્રીને પાર જવાની શક્યતા છે. છેલ્લા 24 કલાક દરમિયાન, ઉત્તર પૂર્વ ભારત અને પૂર્વ રાજસ્થાન, તમિલનાડુ, પુડુચેરીના પશ્ચિમ કિનારા અને કરાઈકલમાં ઘણા સ્થળોએ મહત્તમ તાપમાનમાં 1-3 ડિગ્રી સેલ્સિયસનો ઘટાડો થયો છે. હવે એક નવો પશ્ચિમી વિક્ષેપ સક્રિય થવા જઈ રહ્યો છે જેની અસર આગામી દિવસોમાં જોવા મળશે. હવામાન વિભાગે કેટલાક રાજ્યો માટે વરસાદની ચેતવણી જારી કરી છે. જો છેલ્લા 24 કલાકની વાત કરીએ તો, અરુણાચલ પ્રદેશ, સિક્કિમ, આંદામાન અને નિકોબાર ટાપુઓ, આસામ, કેરળ અને તમિલનાડુના કેટલાક ભાગોમાં વરસાદને કારણે જનજીવન ખોરવાઈ ગયું હતું. જોકે, દરિયાકાંઠાના કર્ણાટક, કોંકણ અને ગોવા, સૌરાષ્ટ્ર અને કચ્છમાં હવામાન પહેલા જેવું જ ગરમ રહ્યું છે.

એક તરફ ગુજરાતમાં ગરમીના મોજા માટે યલો એલર્ટ જારી કરવામાં આવ્યું

એક તરફ ગુજરાતમાં ગરમીના મોજા માટે યલો એલર્ટ જારી કરવામાં આવ્યું છે, તો બીજી તરફ આગામી દિવસોમાં દિલ્હીમાં ભારે પવન ફૂંકાતા લોકોને મુશ્કેલી પડી શકે છે. હવામાન વિભાગના જણાવ્યા પ્રમાણે, 10 માર્ચે દિલ્હીના આકાશમાં હળવા વાદળો રહેશે. દિલ્હીમાં 14 માર્ચ સુધી ભારે પવન ફૂંકાય તેવી શક્યતા છે. 10 માર્ચે જમ્મુ-કાશ્મીરમાં હિમવર્ષા અને વરસાદની શક્યતા છે. આ સાથે, હિમાચલ પ્રદેશમાં પણ ગાજવીજ સાથે ભારે વરસાદ પડશે. તમિલનાડુમાં પણ વરસાદની શક્યતા છે. જ્યારે 11 માર્ચે તમિલનાડુ, કેરળ, કર્ણાટક, સિક્કિમ, અરુણાચલ પ્રદેશ અને આસામ માટે વરસાદની ચેતવણી જારી કરવામાં આવી છે.

આ પણ વાંચો: Next Prime Minister Of Canada : ભૂતપૂર્વ ગવર્નર માર્ક કાર્ની કેનેડાના નવા વડાપ્રધાન બનશે, જસ્ટિન ટ્રુડોનું લેશે સ્થાન