6 માસમાં Sniffer dogs ટીમે 8 ગુનાઓ ઉકેલવામાં મહત્વપૂર્ણ ભૂમિકા ભજવી

• સ્મેલ લઇ પોલીસને આરોપીના ઘર સુધી પહોંચાડી દીધી
• 6 કેસમાં ટ્રેકર ડોગ્સએ ગુનેગારો સુધી પહોંચવામાં મદદ કરી
• Sniffer dogs ની મદદથી 8 ગુનાઓ સફળતાપૂર્વક ઉકેલાયા

Gujarat Police Sniffer dogs : Gujarat Police ના Sniffer dogs ફરી એકવાર તેમની કુશળતા સાબિત કરી છે. છેલ્લા 6 મહિનાના સમયગાળામાં, Sniffer dogs ની ટીમે 8 ગુનાઓ સફળતાપૂર્વક ઉકેલવામાં મહત્વપૂર્ણ ભૂમિકા ભજવી છે. Sniffer dogs ટીમે એન.ડી.પી.એસના બે કેસ ઉપરાંત એક હત્યા, બળાત્કાર, ઘરફોડ અને બે ચોરીના ગુનાઓ ઉકેલવામાં સફળતા મેળવી છે. Sniffer dogs અને તેને તાલિમબદ્ધ કરનાર ટીમ ઉપરાંત તમામ ડોગ હેન્ડલર્સની આ કામગીરીની રાજ્યના પોલીસ વડા વિકાસ સહાયે પ્રસંશા કરી સમગ્ર ટીમને અભિનંદન પાઠવ્યા છે.

સ્મેલ લઇ પોલીસને આરોપીના ઘર સુધી પહોંચાડી દીધી

છેલ્લા 6 મહિનામાં Gujarat Police ના Narcotics Dogs દ્વારા ગાંજાના જથ્થાને શોધી એન.ડી.પી.એસના બે કેસ કરવામાં આવ્યા છે. જે અંતર્ગત તા.21 મી ઓક્ટોબર-2024 ના રોજ ગાંધીધામ એક્સપ્રેસ ટ્રેનમાંથી તાલીમબદ્ધ Narcotics Dogs જેનું નામ ગુલાબએ સ્ટીલના ડબ્બામાં અથાણા અને રસગુલ્લા મિઠાઇની વચ્ચે આખી સેલોટેપ વિંટળીને સંતાડેલો ગાંજાનો જથ્થો શોધી કાઢ્યો હતો. જ્યારે તા.14 મી ઓક્ટોબર-2024 ના રોજ કેપ્ટો ડોગે રાજકોટ જિલ્લાના ધોરાજી વિસ્તારમાં એક આરોપીના ઘરના સર્ચ દરમિયાન બાથરૂમમાં સંતાડેલો 12 કિલો ગાંજો શોધી આપ્યો હતો.

આ પણ વાંચો: 31 ડિસેમ્બરની ઉજવણીમાં કર્યું આ કામ તો સમજો ગયા! Surat પોલીસે કરી ખાસ તૈયારી

6 કેસમાં ટ્રેકર ડોગ્સએ ગુનેગારો સુધી પહોંચવામાં મદદ કરી

બીજી તરફ જ્યારે ચોરી, ઘરફોડ, બળાત્કાર અને હત્યા જેવા ગંભીર 6 ગુનાઓમાં ટ્રેકર ડોગ્સએ ગુનેગારો સુધી પહોંચવામાં મદદ કરી છે. તા.14 મી ઓક્ટોબર-2024 ના રોજ બીના ડોગને ભાવનગર ખાતે હત્યાના બનાવ સ્થળેથી મૃતકની આજુબાજુની જગ્યા તથા લોહીના ડાઘની સ્મેલ આપી ટ્રેક કરાવતા નેશનલ હાઇવે સુધી દોડીને ત્રણ આરોપીઓને ફાઇન્ડ આઉટ કરી આપ્યા હતા. જ્યારે તા.14 મી ઓક્ટોબર-2024 ના રોજ પેની ડોગે અમદાવાદ ગ્રામ્ય વિસ્તારમાં થયેલી રૂ. 1.07 કરોડની ચોરીનો ગુનો એક સ્કુલ બેગ અને પાણી બોટલ સુંઘીને ડિટેક્ટ કરાવ્યો હતો. સુરત ગ્રામ્ય વિસ્તારના એક બળાત્કારના ગુનામાં તા. 9 મી ઓક્ટોબરે-2024 ના રોજ પાવર ડોગે ચંપલની સ્મેલથી ગુનામાં વપરાયેલા બાઇક સુધી પહોંચાડવામાં પોલીસને મદદ કરી હતી.

Sniffer dogs ની મદદથી 8 ગુનાઓ સફળતાપૂર્વક ઉકેલાયા

તા.10 મી સપ્ટેમ્બર-2024 ના રોજ પોરબંદરમાં ગેસ કટરથી પવનચક્કીને રૂ. 1.10 લાખનું નુક્શાન કરનાર આરોપીને રેમ્બો ડોગની મદદથી પકડી પાડવામાં પોલીસને સફળતા મળી હતી. તેવી જ રીતે તા. 6 ઓગસ્ટ-2024 ના રોજ પાટણમાં થયેલી ઘરફોડ ચોરીને વેલ્ટર ડોગે આર્ટીકલની સ્મેલથી બે આરોપીઓ સુધી પહોંચી ગુનાને ડીટેક્ટ કરવામાં મદદ કરી હતી. તા. 17 મી મે-2024 ના રોજ વડોદરા ગ્રામ્ય વિસ્તારમાં થયેલી ચોરીને ગીગલી ડોગે સાણસી અને પેટીના નકુચાની સ્મેલ લઇ પોલીસને આરોપીના ઘર સુધી પહોંચાડી દીધી અને ગુનો ડિટેક્ટ કરવામાં મદદ કરી હતી. આમ 6 મહિનામાં Gujarat Police ના તાલીમબદ્ધ Sniffer dogs ની મદદથી 8 ગુનાઓ સફળતાપૂર્વક ઉકેલાયા છે.

આ પણ વાંચો: Ankleshwar ઔદ્યોગિક વસાહતની કંપનીમાં લાગી ભચંકર આગ, 4 લોકોનાં મોત