Gujarat Rain: નવરાત્રીને લઈ હવામાન શાસ્ત્રી અંબાલાલ પટેલની મોટી આગાહી

• Gujarat Rain: નવરાત્રીના દિવસોમાં રાજ્યમાં વરસાદી ઝાપટા પડી શકે છે
• 23 સપ્ટેમ્બર બાદ ગરમીનું પ્રમાણ વધશે
• ઓક્ટોબર માસમાં દરિયા કિનારે ભારે પવન ફૂંકાશે

Gujarat Rain: નવરાત્રીને લઈ હવામાન શાસ્ત્રી અંબાલાલ પટેલની મોટી આગાહી સામે આવી છે. જેમાં નવરાત્રીના દિવસોમાં રાજ્યમાં વરસાદી ઝાપટા પડી શકે છે. 23 સપ્ટેમ્બર બાદ ગરમીનું પ્રમાણ વધશે. તેમજ ચોમાસાની વિડ્રો 15 સપ્ટેમ્બર બાદ રાજસ્થાનથી થઈ શકે છે. 30 સપ્ટેમ્બર પછી ગુજરાતમાંથી ચોમાસુ વિડ્રો થશે. તથા બંગાળમાં હવાના હળવા દબાણને લઈ નવરાત્રી દરમિયાન રાજ્યમાં વરસાદી ઝાપટાં પડશે.

ઓક્ટોબર માસમાં દરિયા કિનારે ભારે પવન ફૂંકાશે

ઓક્ટોબર માસમાં દરિયા કિનારે ભારે પવન ફૂંકાશે. તથા ઓક્ટોબરમાં વરસાદી ઝાપટા પડી શકે છે. તેમજ હવામાન નિષ્ણાત અંબાલાલ પટેલની આગાહી મુજબ હવામાનમાં આજથી પલટો આવશે. તેમાં 28 થી 31 ઓગસ્ટથી રાજ્યમાં વરસાદ પડશે. કેટલાક ભાગોમાં વરસાદી ઝાપટા પડી શકે છે. તથા ઉત્તર ગુજરાતમાં 2 થી 4 ઈંચ વરસાદ થઈ શકે છે. દાહોદ, વડોદરાના ભાગો વરસાદ આવશે. તેમજ મહિસાગરમાં આગામી સમયમાં ભારે વરસાદ થઈ શકે છે. 5 થી 10 સપ્ટેમ્બર દરમિયાન હળવાછી ભારે વરસાદી ઝાપટા આવી શકે છે. ઉત્તર ગુજરાત, પૂર્વ ગુજરાત અને સૌરાષ્ટ્રના ભાગોમાં વરસાદ થશે. કેટલાક ભાગોમાં ભારે વરસાદ આવી શકે છે.

Gujarat Rain: નવરાત્રિના દિવસોમાં પણ વરસાદ થવાની શક્યતા રહેશે

18 સપ્ટેમ્બરથી 30 સપ્ટેમ્બર સુધી બંગાળના ઉપસાગરમાં હવાનું હળવું દબાણ ઉભુ થશે. 30 ઓગસ્ટ સુધી અને સપ્ટેમ્બરના શરૂઆતમાં રાજ્યના કેટલાક ભાગોમાં મૂશળધાર વરસાદની‌ આગાહી કરી છે. ખાસ કરીને ઉત્તર ગુજરાત, મધ્ય ગુજરાત, પૂર્વ ગુજરાત તથા સૌરાષ્ટ્રના ભાગોમાં અને દક્ષિણ ગુજરાતના ભાગોમાં વરસાદની શક્યતા રહેશે. તેમજ કેટલાક ભાગોમાં ચારથી છ ઇંચ જેટલો વરસાદ પડશે. તથા અરવલ્લી, સાબરકાંઠા અને પંચમહાલના ભાગોમાં પણ વરસાદની શક્યતા રહેશે. બંગાળના ઉપસાગરમાં હવાનું હળવું દબાણ ઊભું થવાને કારણે નવરાત્રિના દિવસોમાં પણ વરસાદ થવાની શક્યતા રહેશે.

આ પણ વાંચો: Surat: શહેરમાં SOGએ બોગસ આધારકાર્ડ રાખનાર વિધર્મીની કરી ધરપકડ