અમદાવાદમાં 2030ની કોમનવેલ્થ ગેમ્સ હોસ્ટ કરવા ગુજરાતની મોટી પહેલ : રમતગમત મંત્રી Harsh Sanghvi ની આગેવાનીમાં લંડનમાં પ્રપોઝલ સબમિટ

• અમદાવાદ 2030 કોમનવેલ્થ ગેમ્સની રેસમાં: Harsh Sanghvi એ લંડનમાં સબમિટ કરી બિડ
• ગુજરાતનું મોટું પગલું: 2030 કોમનવેલ્થ ગેમ્સ માટે અમદાવાદની પ્રપોઝલ લંડનમાં સબમિટ
• નેશનલ સ્પોર્ટ્સ ડે પર ઐતિહાસિક બિડ : અમદાવાદ 2030 કોમનવેલ્થ ગેમ્સનું હોસ્ટ બનશે?
• હર્ષ સંઘવી અને પી. ટી. ઉષાની આગેવાનીમાં ભારતની 2030 કોમનવેલ્થ ગેમ્સ બિડ
• અમદાવાદનું સપનું : 2030 કોમનવેલ્થ ગેમ્સની સેન્ટેનરી એડિશન માટે બિડ સબમિટ

અમદાવાદ : ગુજરાતના રમતગમત મંત્રી હર્ષ સંઘવીની ( Harsh Sanghvi )  આગેવાનીમાં ભારતે 2030ની કોમનવેલ્થ ગેમ્સ અમદાવાદમાં યોજવા માટે લંડન ખાતે કોમનવેલ્થ સ્પોર્ટ (કોમનવેલ્થ ગેમ્સ ફેડરેશન) સમક્ષ ઔપચારિક પ્રપોઝલ સબમિટ કરી છે. આ બિડ ભારતના નેશનલ સ્પોર્ટ્સ ડે (29 ઓગસ્ટ)ના દિવસે સબમિટ કરવામાં આવી છે. જે હોકી લિજેન્ડ મેજર ધ્યાનચંદના સન્માનમાં ઉજવવામાં આવે છે. આ પ્રપોઝલમાં અમદાવાદને કોમનવેલ્થ ગેમ્સની સેન્ટેનરી એડિશન (100 વર્ષની ઉજવણી) માટે હોસ્ટ સિટી તરીકે પ્રસ્તાવિત કરવામાં આવ્યું છે. આ ડેલિગેશનમાં ઈન્ડિયન ઓલિમ્પિક એસોસિએશન (IOA)ના અધ્યક્ષ પી. ટી. ઉષા, ગુજરાતના યુવા અને સાંસ્કૃતિક વિભાગના અગ્ર સચિવ અશ્વિનિકુમાર અને અન્ય વરિષ્ઠ અધિકારીઓ સામેલ હતા.

Harsh Sanghvi એ પ્રપોઝલમાં કઈ બાબતોનો કર્યો ઉલ્લેખ

ગુજરાત સરકાર અને કોમનવેલ્થ ગેમ્સ એસોસિએશન ઓફ ઈન્ડિયાના પ્રતિનિધિઓએ લંડનમાં બે દિવસની બેઠક દરમિયાન વ્યાપક ચર્ચાઓ કરી અને અમદાવાદની તૈયારીઓ રજૂ કરવામાં આવી હતી. આ બિડમાં અમદાવાદને એક કોમ્પેક્ટ અને આધુનિક ગેમ્સ ફૂટપ્રિન્ટ તરીકે રજૂ કરવામાં આવ્યું છે, જે ખેલાડીઓ, અધિકારીઓ અને દર્શકો માટે કાર્યક્ષમ, સુલભ અને ઉચ્ચ ગુણવત્તાયુક્ત અનુભવ પ્રદાન કરશે. અમદાવાદમાં આંતરરાષ્ટ્રીય ધોરણનાં સ્ટેડિયમો, નરેન્દ્ર મોદી સ્ટેડિયમ, નારણપુરા સ્પોર્ટ્સ કોમ્પ્લેક્સ અને આગામી સરદાર વલ્લભભાઈ પટેલ સ્પોર્ટ્સ એન્ક્લેવ જેવી સુવિધાઓનો ઉપયોગ કરવામાં આવશે. આ ઉપરાંત, શહેરની ઉચ્ચ ગુણવત્તાયુક્ત પરિવહન વ્યવસ્થા અને રહેવાની સુવિધાઓ પણ આ બિડની મજબૂતી દર્શાવે છે.

આ પણ વાંચો- અસારવા વાયા હિંમતનગરથી કાનપુરની weekly special train શરૂ થશે,23 સપ્ટેમ્બરથી ટ્રેન સેવા શરૂ કરાશે!

Harsh Sanghvi એ કહ્યું- અમે ‘અતિથિ દેવો ભવ’ ના આધારે ગેમ્સનું આયોજન કરીશું

રમતગમત મંત્રી હર્ષ સંઘવીએ જણાવ્યું કે, “અમે એવી ગેમ્સનું આયોજન કરવા માગીએ છીએ જે લાંબા ગાળાની અસર ઊભી કરે, નહીં કે ટૂંકા ગાળાનો તમાશો. અમે હાલની સુવિધાઓનો ઉપયોગ કરીશું અને સ્થાનિક સમુદાયો માટે અર્થપૂર્ણ વારસો છોડીશું.” તેમણે ભારતીય સંસ્કૃતિના સિદ્ધાંતો ‘વસુધૈવ કુટુંબકમ’ (વિશ્વ એક પરિવાર છે) અને ‘અતિથિ દેવો ભવ’ (અતિથિ એ દેવ છે)ના આધારે ગેમ્સનું આયોજન કરવાની પ્રતિબદ્ધતા વ્યક્ત કરી.

નેશનલ સ્પોર્ટ્સ ડેનું મહત્વ

આ બિડની સબમિશનની તારીખ, 29 ઓગસ્ટ, ભારતના નેશનલ સ્પોર્ટ્સ ડે સાથે જોડાયેલી છે, જે મેજર ધ્યાનચંદના સન્માનમાં ઉજવવામાં આવે છે. આ તારીખની પસંદગી ભારતની રમતગમત પ્રત્યેની પ્રતિબદ્ધતા, યુવાનોના ઉત્સાહ અને ભાવિ પેઢી માટેના વિઝનને રજૂ કરે છે. આ બિડ ભારતને વૈશ્વિક રમતગમતના કેન્દ્ર તરીકે સ્થાપિત કરવાના દેશના લાંબા ગાળાના લક્ષ્ય સાથે જોડાયેલી છે.

અમદાવાદની તૈયારીઓ અને વિઝન

અમદાવાદની પસંદગીને ટેકો આપવા માટે ગુજરાત સરકારે વિશ્વ-સ્તરીય રમતગમત સુવિધાઓ વિકસાવવાની યોજના ઘડી છે. સરદાર વલ્લભભાઈ પટેલ સ્પોર્ટ્સ એન્ક્લેવ જે એશિયાના સૌથી મોટા સ્પોર્ટ્સ કોમ્પ્લેક્સમાંનું એક બનવાની તૈયારીમાં છે, તેમજ નરેન્દ્ર મોદી સ્ટેડિયમ, નારણપુરા સ્પોર્ટ્સ કોમ્પ્લેક્સ અને કરાઈ ખાતેની એથ્લેટિક્સ અને શૂટિંગ સુવિધાઓ આ બિડનો મુખ્ય આધાર છે. આ સુવિધાઓ 2028 સુધીમાં પૂર્ણ થવાની અપેક્ષા છે, જે 2030ની ગેમ્સ અને 2036ની ઓલિમ્પિક્સની સંભવિત બિડ માટે ગુજરાતને મજબૂત સ્થાન આપે છે.

ઈન્ડિયન ઓલિમ્પિક એસોસિએશનના અધ્યક્ષ પી. ટી. ઉષાએ જણાવ્યું, “આ બિડ આખા દેશની આકાંક્ષાઓને રજૂ કરે છે. ભારત રમતગમતની સાથે સાથે સાંસ્કૃતિક મૂલ્યો અને એકતાને પ્રોત્સાહન આપવા માટે તૈયાર છે.” તેમણે ઉમેર્યું કે, “કોમનવેલ્થ ગેમ્સનું આયોજન ભારતના યુવાનોને પ્રેરણા આપશે, રોજગારીની તકો ઊભી કરશે અને પર્યટનને વેગ આપશે.”

વડાપ્રધાન નરેન્દ્ર મોદીનું વિઝન

આ બિડને ભારત સરકારના કેન્દ્રીય કેબિનેટની મંજૂરી મળી ચૂકી છે, જે દર્શાવે છે કે ભારત આંતરરાષ્ટ્રીય રમતગમતના આયોજનમાં મોટું પગલું ભરવા માટે પ્રતિબદ્ધ છે. 2030ની કોમનવેલ્થ ગેમ્સ ભારતની 2036ની ઓલિમ્પિક્સની બિડ માટે એક મહત્વનું પગલું ગણાય છે, જેનું વિઝન વડાપ્રધાન નરેન્દ્ર મોદીએ વારંવાર વ્યક્ત કર્યું છે. આ ગેમ્સનું આયોજન ભારતની રમતગમતમાં વૈશ્વિક હબ તરીકેની સ્થિતિને મજબૂત કરશે અને સ્થાનિક સ્તરે રમતગમતની સંસ્કૃતિને પ્રોત્સાહન આપશે.

આ પણ વાંચો- Seventh Day School : આચાર્ય બદલાયા છતાં રોષ યથાવત, પૂર્વ વિદ્યાર્થી અને વાલીઓએ કહી આ વાત!