Gun Licence Scam નો સુરેન્દ્રનગર એસઓજીએ કર્યો પર્દાફાશ, 25 હથિયારો અને 21 ગન લાયસન્સ જપ્ત
Gun Licence Scam : માત્ર સુરેન્દ્રનગર જિલ્લો (Surendrangar District) જ નહીં પરંતુ રાજ્યભરમાં હથિયાર પરવાના કૌભાંડ (Gun Licence Scam) ફેલાયેલું છે. અમદાવાદ ક્રાઈમ બ્રાંચે ભરત થુંગા ઉર્ફે ભરત ભરવાડ ઉર્ફે ટકો નામના માથાભારે શખ્સની હથિયાર સાથે ધરપકડ કરી ત્યારથી જ Gujarat ATS અને સુરેન્દ્રનગર એસઓજી કામે લાગી ગઈ છે. Ahmedabad Crime Branch ભરત ઉર્ફે ટકાના કેસમાં જાણવા જોગ નોંધીને આગળ વધી રહી છે. દરમિયાનમાં સુરેન્દ્રનગર એસઓજીની ટીમે (Surendrangar SOG Team) ત્રણ દિવસમાં સપાટો બોલાવી 21 શખ્સોને શોધી કાઢી 25 હથિયારો અને ઉત્તર પૂર્વોત્તર રાજ્યમાંથી અપાયેલા ગન લાયસન્સ કબજે લીધા છે. લાખો રૂપિયા ખર્ચીને હથિયારો અને લાયસન્સ મેળવનારા 21 શખ્સો પૈકી 14 શખ્સો ગુનાહિત ઈતિહાસ ધરાવે છે. લાખો રૂપિયા લઈને હથિયાર લાયસન્સ કઢાવી આપવાના કૌભાંડના સૂત્રધાર મુકેશ બાંભા ઉર્ફે મુકેશ ભરવાડ (Mukesh Bambha aka Mukesh Bharwad), વિજય ભરવાડ અને હરિયાણાનો શૌકત હોવાનું તપાસમાં સામે આવ્યું છે.
રહેવાનું સુરેન્દ્રનગરમાં અને લાયસન્સ મેળવ્યા મણીપુર-નાગાલેન્ડથી
ત્રણ દિવસ અગાઉ સુરેન્દ્રનગર એસઓજી પીઆઈ બી. એચ. શીંગરખીયા (PI B H Shingrakhiya) ને માહિતી મળે છે કે, જિલ્લામાં રહેતા અને ગુનાહિત ઈતિહાસ ધરાવતા અનેક શખ્સો ઉત્તર પૂર્વોત્તર રાજ્યના ઓલ ઈન્ડિયા આર્મ્સ લાયસન્સ (All India Arms License) તેમજ ગન ધરાવે છે. જે હકિકતના આધારે એક પછી એક એમ 21 શખ્સોને ત્રણ દિવસમાં Surendrangar SOG Team શોધી કાઢે છે. જિલ્લાના મૂળી, થાનગઢ, સાયલા, લીંબડી અને સુરેન્દ્રનગર તાલુકાના 21 શખ્સો પાસેથી રિવોલ્વર, પિસ્તોલ, ટવેલ બોર ગન (કુલ 25 હથિયાર) તેમજ 21 હથિયાર પરવાના જપ્ત કરવામાં આવે છે.
આ પણ વાંચો -BAPS : સ્વામીનારાયણ સંપ્રદાયના સંતો અને ભક્તોની લાગણી દુભાય તેવી અનેક પોસ્ટ કરનારની ધરપકડ, રિમાન્ડ લેવાયા
અલગોતર પરિવારના ચાર ભાઈઓએ ગન લાયસન્સ મેળવ્યા
સુરેન્દ્રનગર એસઓજીની ટીમ જિલ્લાભરમાંથી એક પછી એક એમ 21 શખ્સોને કચેરી ખાતે લાવે છે. Gun Licence Scam નો ભોગ બનેલા અથવા તો જાણકારી ધરાવતા 21 શખ્સો પૈકી 17 શખ્સોએ જુદાજુદા હથિયારો ખરીદેલા છે. 7 શખ્સો પાસે રિવોલ્વર/પિસ્તોલ અને ટવેલ બોર ગન એમ જોટા છે. પોલીસે કુલ 12 રિવોલ્વર, 5 પિસ્તોલ અને 8 ટવેલ બોર ગન કુલ કિંમત રૂપિયા 24 લાખની કબજે લીધી છે. અત્રે નોંધનીય છે કે, થાનગઢ તાલુકાના જામવાડી ખાતે રહેતા અલગોતર પરિવારના ચાર ભાઈઓ ગણપત, લાલા, હિરા અને જયેશે તાજેતરમાં જ હથિયાર પરવાના મેળવ્યા છે. આ ચારેય ભાઈઓ હથિયારો ખરીદે તે પહેલાં જ મામલો પોલીસ સુધી પહોંચી ગયો છે.
બોગસ ગન લાયસન્સના કૌભાંડનો સુરેન્દ્રનગર એસઓજીએ કર્યો પર્દાફાશ
મણીપુર અને નાગાલેન્ડમાંથી ગુજરાતના શખ્સો મેળવે છે ઓલ ઈન્ડિયા ગન લાયસન્સ
બોગસ દસ્તાવેજો થકી ગન લાયસન્સ મેળવી અનેક શખ્સોએ લાખોના હથિયાર ખરીદ્યા
સુરેન્દ્રનગર એસઓજીએ 21 શખ્સો પાસેથી 25 હથિયારો અને લાયસન્સ કર્યા જપ્ત
SOG… pic.twitter.com/VAyd9SYtdo— Gujarat First (@GujaratFirst) March 30, 2025
આ પણ વાંચો -Gun Licence Racket : ગુજરાતમાં ગુનાહિત શખ્સો પાસે ગન અને લાયસન્સ બંને, કોણ છે સમગ્ર કૌભાંડની પાછળ ?
ગન લાયસન્સ ધરાવતા 14 શખ્સો ગુનાહિત ઈતિહાસવાળા
સુરેન્દ્રનગર જિલ્લા પોલીસે હથિયાર પરવાના કૌભાંડ (Gun Licence Scam) મામલે જાણવા જોગ નોંધી તપાસ આગળ વધારી છે. પીએસઆઈ એન. એ. રાયમા તેમની ટીમ સાથે જપ્ત કરાયેલા ગન લાયસન્સ (All India Gun License) ની ખરાઈ માટે નાગાલેન્ડ તથા મણીપુર જવા માટે રવાના થઈ ગયા છે. પોલીસની પ્રાથમિક તપાસમાં ગન લાયસન્સ ધરાવતા 14 શખ્સો કોઈને કોઈ ગુનામાં પોલીસ ચોપડે ચઢેલા છે. સુરેન્દ્રનગર 80 ફૂટ રોડ પર રહેતા કલોતરા બંધુઓએ ગન લાયસન્સના આધારે એક-એક પિસ્તોલ ખરીદેલી છે. માથાભારે આરોપી તરીકે કેવલ કલોતરા પોલીસ ચોપડે પંકાયેલો છે.