Happy Birthday Jay Shah: આંતરરાષ્ટ્રીય ક્રિકેટ કાઉન્સિલ (ICC)ના ચેરમેન જય શાહના જન્મદિવસે જાણો કેટલીક ખાસ વાત

• Happy Birthday Jay Shah: જય શાહ, જે ક્રિકેટ વિશ્વમાં એક મહત્વપૂર્ણ સુકાની તરીકે ઓળખાય છે
• BCCIના સેક્રેટરી તરીકે અને ACCના પ્રેસિડન્ટ તરીકે ક્રિકેટને નવી ઊંચાઈઓ પર પહોંચાડ્યું
• આંતરરાષ્ટ્રીય ક્રિકેટ કાઉન્સિલ (ICC)ના ઈતિહાસના સૌથી યુવા અધ્યક્ષ છે

Happy Birthday Jay Shah: આજે 22 સપ્ટેમ્બરે, આંતરરાષ્ટ્રીય ક્રિકેટ કાઉન્સિલ (ICC)ના ચેરમેન જય શાહનો જન્મદિવસ છે. જય શાહ, જે ક્રિકેટ વિશ્વમાં એક મહત્વપૂર્ણ સુકાની તરીકે ઓળખાય છે, તેમણે BCCIના સેક્રેટરી તરીકે અને ACCના પ્રેસિડન્ટ તરીકે ક્રિકેટને નવી ઊંચાઈઓ પર પહોંચાડ્યું છે. તેમના નેતૃત્વમાં IPL જેવી લીગ વિશ્વની સૌથી મૂલ્યવાન સ્પોર્ટ્સ લીગ બની અને ક્રિકેટ 2028ના ઓલિમ્પિક્સમાં સામેલ થવાનું નક્કી થયું છે.

જય અમિતભાઈ શાહ વિશેની જાણી અજાણી વાતો

જય અમિતભાઈ શાહનો જન્મ 22 સપ્ટેમ્બર 1988 રોજ અમદાવાદમાં થયો છે. જે એક ભારતીય ઉદ્યોગપતિ અને ક્રિકેટ એડમિનિસ્ટ્રેટર છે. તેઓ 2019માં ભારતીય ક્રિકેટ કંટ્રોલ બોર્ડ (BCCI)ના સચિવ બન્યા. એશિયન ક્રિકેટ કાઉન્સિલના પ્રમુખ પણ રહી ચૂક્યા છે. તેઓ ભારતના ગૃહમંત્રી અમિત શાહના પુત્ર છે. જય શાહ સપ્ટેમ્બર 2013માં ગુજરાત ક્રિકેટ એસોસિએશન (GCA)ના સંયુક્ત સચિવ બન્યા હતા. સંયુક્ત સચિવ તરીકેના તેમના કાર્યકાળ દરમિયાન તેમણે તેમના પિતા અમિત શાહ સાથે અમદાવાદમાં નરેન્દ્ર મોદી સ્ટેડિયમના GCAના બાંધકામની દેખરેખ રાખી હતી, તે સમયે GCA પ્રમુખ હતા.

Happy Birthday Jay Shah: 2015માં ભારતીય ક્રિકેટ કંટ્રોલ બોર્ડ (BCCI)ની ફાઇનાન્સ અને માર્કેટિંગ કમિટીના સભ્ય બન્યા

જય શાહ 2015માં ભારતીય ક્રિકેટ કંટ્રોલ બોર્ડ (BCCI)ની ફાઇનાન્સ અને માર્કેટિંગ કમિટીના સભ્ય બન્યા હતા. તેમણે સપ્ટેમ્બર 2019માં GCA જોઈન્ટ સેક્રેટરીના પદ પરથી રાજીનામું આપ્યું. તે પછી તેઓ બીસીસીઆઈના સચિવ તરીકે ચૂંટાયા હતા, ત્યારબાદ 2022માં બીજી વખત સેક્રેટરી બન્યા હતા. 2022માં જય શાહે બીસીસીઆઈના રેકોર્ડ બ્રેકિંગ ઈન્ડિયન પ્રીમિયર લીગ (આઈપીએલ) મીડિયા રાઈટ્સનું નેતૃત્વ કર્યું, જ્યાં લીગ માટેના 5 વર્ષના અધિકારો કુલ રૂ. 48,390 કરોડમાં વેચાયા હતા. જાન્યુઆરી 2021માં એશિયન ક્રિકેટ કાઉન્સિલે શાહને પ્રમુખ તરીકે નિયુક્ત કર્યા પછી, જાન્યુઆરી 2024માં જય શાહ એશિયન ક્રિકેટ કાઉન્સિલ (ACC) ના પ્રમુખ તરીકે ફરીથી ચૂંટાયા હતા.

35 વર્ષની ઉંમરે તેઓ ICCના ઈતિહાસના સૌથી યુવા અધ્યક્ષ બન્યા

ડિસેમ્બર 2019માં BCCIએ આંતરરાષ્ટ્રીય ક્રિકેટ કાઉન્સિલની CEC બેઠકો માટે તેના પ્રતિનિધિ તરીકે શાહની પસંદગી કરી હતી. ભારતીય ક્રિકેટ કંટ્રોલ બોર્ડ (BCCI)ના સચિવ જય શાહ આંતરરાષ્ટ્રીય ક્રિકેટ પરિષદના બિનહરીફ અધ્યક્ષ બન્યા. આ સાથે જય શાહે પણ એક રેકોર્ડ પોતાના નામે કર્યો. અને 35 વર્ષની ઉંમરે તેઓ ICCના ઈતિહાસના સૌથી યુવા અધ્યક્ષ બન્યા છે. જય શાહને જન્મદિવસની હાર્દિક શુભેચ્છાઓ! તમારા માર્ગદર્શનથી ક્રિકેટ વધુ વૈશ્વિક અને સમાવેશી બને.

આ પણ વાંચો: Gujarati Top News : આજે 22 સપ્ટેમ્બર 2025 ના દિવસે શું થશે ગુજરાતમાં?