Himachal Pradesh : હિમાચલમાં વાદળ ફાટ્યું, સમેજ પુલ પાસે 13 ના મોત, બચાવ કામગીરી ચાલુ...

1. હિમાચલ પ્રદેશમાં વરસાદી આફત
2. સમેજ પુલ નજીક વાદળ ફાટ્યું
3. 13 લોકોના મોત, 45 જેટલા તણાયા

હિમાચલ પ્રદેશ (Himachal Pradesh)માં શ્રીખંડ નજીક બુધવારે રાત્રે સમેજ અને બાગી પુલ નજીક વાદળ ફાટવાથી 45 લોકો તણાઈ ગયા હતા. આપત્તિ પ્રભાવિત વિસ્તારમાં બચાવ કામગીરી ચાલી રહી છે. NDRF બટાલિયનના કમાન્ડન્ટ બલજિન્દર સિંહે કહ્યું કે, ગુરુવારે સવાર સુધીમાં 13 મૃતદેહો મળી આવ્યા હતા. "અમે અત્યાર સુધીમાં 13 મૃતદેહો બહાર કાઢ્યા છે. અગાઉ ચાર મૃતદેહો મળી આવ્યા હતા.

નેશનલ ડિઝાસ્ટર રિસ્પોન્સ ફોર્સ (NDRF)ની 14 મી બટાલિયન કમાન્ડન્ટ બલજિન્દર સિંહે જણાવ્યું હતું કે બચાવ કામગીરીમાં કોઈ વિલંબ ન થાય તેની ખાતરી કરવા માટે NDRF ની ટીમોને આ વર્ષે હિમાચલ પ્રદેશ (Himachal Pradesh)માં સારી રીતે તૈયાર કરવામાં આવી હતી. ANI સાથે વાત કરતા સિંહે જણાવ્યું હતું કે, "આ વર્ષે, NDRF ની ટીમોને હિમાચલ પ્રદેશ (Himachal Pradesh)માં દૂરસ્થ સ્થળોએ મોકલવામાં આવી હતી જેથી બચાવ કામગીરીમાં કોઈ વિલંબ ન થાય તે સુનિશ્ચિત કરવામાં આવે. સમેજમાં જે વાદળ ફાટ્યું છે તે એક મોટી આફત છે."

આ પણ વાંચો : Rain Forcast : આં રાજ્યોમાં પડી શકે છે ભારેથી અતિભારે વરસાદ, IMD એ આપી ચેતવણી

વિવિધ પ્રદેશો માટે એલર્ટ જાહેર...

અગાઉ, 7 ઓગસ્ટના રોજ, IMD એ સમગ્ર રાજ્યમાં નોંધપાત્ર વરસાદની જાણ કરી હતી, જેમાં મંડી જિલ્લાના જોગીન્દર નગરમાં 24 કલાકમાં સૌથી વધુ 110 MM નો અનુભવ થયો હતો. બુધવારે IMD હિમાચલ પ્રદેશ (Himachal Pradesh)ના વડા કુલદીપ શ્રીવાસ્તવે જણાવ્યું હતું કે વિવિધ પ્રદેશો માટે એલર્ટ જારી કરવામાં આવ્યા છે. ડો. શ્રીવાસ્તવે જણાવ્યું હતું કે "અમે છેલ્લા 24 કલાક દરમિયાન મંડી જિલ્લાના જોગીન્દર નગરમાં સૌથી વધુ 110 મીમી વરસાદ નોંધ્યો છે." "રાજ્યના અન્ય ભાગોમાં, મધ્યમ વરસાદ થયો છે. લગભગ 75 ટકા વિસ્તારોમાં છેલ્લા 24 કલાકમાં 30 મીમીથી 50 મીમી સુધીનો વરસાદ થયો છે," આ શ્રીવાસ્તવે ANI ને જણાવ્યું હતું. IMD એ બિલાસપુર, હમીરપુર, કાંગડા, ચંબા અને મંડીના નીચલા હિમાલયન જિલ્લાઓ માટે ઓરેન્જ એલર્ટ જાહેર કર્યું છે.

આ પણ વાંચો : Haryana ના CM સૈનીએ કરી મોટી જાહેરાત, વિનેશ ફોગાટને મળશે સિલ્વર મેડલ વિજેતાનું સન્માન...