Bangladesh : વધુ એક હિન્દુની હત્યા ! 23 વર્ષી ચંચલ ભૌમિકને ગેરેજની અંદર જ જીવતો સળગાવ્યો
- Bangladesh : વધુ એક હિન્દુ યુવકને જીવતો સળગાવ્યો
- ઘટનાની જાણ થતા સ્થાનિકોએ બોલાવી ફાયર ટીમ
- ગેરેજમાંથી સળગેલી હાલતમાં મળ્યો યુવક
Bangladesh : બાંગ્લાદેશમાં લઘુમતી હિન્દુ સમુદાય પર સતત અત્યાચારો વધી રહ્યા છે. ત્યારે તાજેતરમાં વધુ એક હિંસાની ઘટના સામે આવી છે. 23 વર્ષીય હિન્દુ યુવક ચંચલ ભદ્વ ભૌમિકની નરસિંદી પોલીસ લાઈન્સને અડીને આવેલા મસ્જિદ માર્કેટ વિસ્તારમાં ક્રૂરતાપૂર્વક હત્યા કરવામાં આવી હોવાનું આરોપ લગાવવામાં આવ્યો છે.
મૃતક ચંચલ ચંદ્ર ભૌમિક, કોમિલા જિલ્લાના લક્ષ્મીપુર ગામનો રહેવાસી હતો. તે ઘણા વર્ષાથી નરસિંદીમાં એક ગેરેજમાં કામ કરતો હતો અને કામ માટે ત્યાં જ રહેતો હતો. પ્રાપ્તથતી માહિતી અનુસાર મૃતક પરિવારમાં કામ કરનારા માત્ર એક જ વ્યક્તિ હતો.
Bangladesh : ગેરેજના શટર પર પેટ્રોલ છાંટીને લગાવી આગ
પ્રત્યક્ષદર્શીઓ અને સ્થાનિક સૂત્રોના જણાવ્યા અનુસાર શુક્રવારે મોડી રાત્રે જ્યારે ચંચલ ગેરેજની અંદર સૂતો હતો. ત્યારે દુકાનની બહારના શટર પર પેટ્રોલ છાંટીને આગ લગાવી દેવામાં આવી હોવાનું સામે આવ્યું છે. જોકે આગ જોત જોતામાં આખા ગેરેજમાં ફેલાઈ ગઈ હતી. ઘટનાના વીડિયોમાં એક વ્યક્તિ દુકાનની બહાર આગ લગાવતો દેખાય છે, જે પછી આગ ઝડપથી અંદર ફેલાઈ ગયો.
1 કલાકની ભારે જહેમત બાદ બુઝાવવામાં આવી આગ
આ સમગ્ર ઘટનાની જાણ સ્થાનિક રહેવાસીઓને થતા તાત્કાલિક ધોરણે ફાયરની ટીમને જાણ કરવામાં આવી હતી. ફાયર જવાનો ઘટના સ્થળે પહોંચી આગ પર કાબુ મેળવવા માટે કવાયત હાથ ધરી હતી. આગ બુઝાવ્યા બાદ ગેરેજની અંદરથી ચંચલ ચંદ્ર ભૌમિકનો સળગેલો મૃતદેહ મળી આવ્યો હતો.
પરિવારે આ ઘટનાને સંપૂર્ણપણે પૂર્વયોજિત હત્યા ગણાવી છે. તેમણે ગુનેગારોની તાત્કાલિક ધરપકડ અને કડક સજાની માંગ કરી છે. આ ઘટનાથી વિસ્તારમાં તણાવપૂર્ણ વાતાવરણ સર્જાયું છે અને લઘુમતી સમુદાયની સલામતી અંગે નવી ચિંતાઓ ઉભી થઈ છે.
🚨 Big Breaking🚨
💔Another Hindu KILLED in Bangladesh 💔Chanchal Chandra Bhoumik (23) is burned alive inside a garage in Bangladesh’s Narsingdi district.
👉 His family alleges it is a planned murder.
Mohammad Yunus Should protect the Hindu minorities from the goons in the… pic.twitter.com/Dzy6g1BdMu
— SUMAN SINGH (SIMMY)🇮🇳 (@isumansingh) January 25, 2026
સ્થાનિક હિન્દુ નેતાઓમાં રોષ
પોલીસનું કહેવું છે કે ઘટનાસ્થળેથી પુરાવા એકત્રિત કરવામાં આવ્યા છે. સીસીટીવી ફૂટેજની તપાસ કરવામાં આવી રહી છે, અને કેસ નોંધવાની પ્રક્રિયા ચાલી રહી છે. દરમિયાન, સ્થાનિક હિન્દુ સમુદાયના નેતાઓએ આ ક્રૂર હત્યાની સખત નિંદા કરી છે. તેમણે ગુનેગારોની તાત્કાલિક ઓળખ અને ધરપકડ કરવાની માંગ કરી છે.
આ પણ વાંચો: Trump Warning to Canada : "ચીન તમને ગળી જશે", ડોનાલ્ડ ટ્રમ્પ કેનેડા પર કેમ બગડ્યા?