રબારી સમાજ માટે ઐતિહાસિક ક્ષણ : ડીસામાં નવા બંધારણ માટે મહાસંમેલન આવતીકાલે
- રબારી સમાજ માટે ઐતિહાસિક ક્ષણ : ડીસામાં નવા બંધારણ માટે મહાસંમેલન આવતીકાલે
- 50,000થી વધારે લોકોની ઉપસ્થિતિની અપેક્ષા : રબારી સમાજનું બંધારણ સંમેલન ડીસામાં
- માવજીભાઈ દેસાઈની આગેવાનીમાં રબારી સમાજનું મહાસંમેલન : તમામ તૈયારીઓ પૂર્ણ
- ઉત્તર ગુજરાતમાં રબારી સમાજનો નવો અધ્યાય : બંધારણ સંમેલન આવતીકાલે
- ડીસાના સમશેરપુરામાં રબારી સમાજનું ઐતિહાસિક સંમેલન : 700 સ્વયંસેવકો તૈયાર
ડીસા : ઉત્તર ગુજરાતના રબારી સમાજ માટે આવતીકાલે એક ઐતિહાસિક ક્ષણ સર્જાવાની છે. ધાનેરાના ધારાસભ્ય અને સમાજના આગેવાન માવજીભાઈ દેસાઈની આગેવાની હેઠળ ડીસાના સમશેરપુરા ખાતે આવેલા એમ.એમ. દેસાઈ શૈક્ષણિક સંકુલમાં રબારી સમાજના નવા બંધારણ માટેનું મહાસંમેલન યોજાવા જઈ રહ્યું છે. આ સંમેલનમાં સમાજના સર્વાંગી વિકાસ, એકતા અને આગામી પેઢીના ઉત્થાનને ધ્યાનમાં રાખીને નવા બંધારણની ઘડતર પર ચર્ચા અને મંથન થશે.
રબારી સમાજ નું ઐતિહાસિક સંમેલન
આયોજકોએ આ મહત્વપૂર્ણ સંમેલન માટે તમામ તૈયારીઓનો આખરી ઓપ આપી દીધો છે. સમાજના 50,000થી વધુ લોકો માટે જમવાની વ્યવસ્થા કરવામાં આવી છે. આગેવાનો અને આગંતુકો માટે વિશાળ બેસવાની વ્યવસ્થા ઉભી કરવામાં આવી છે. લોકોની સુવિધા માટે ચા-પાણીની પૂરતી વ્યવસ્થા રાખવામાં આવી છે. આરોગ્ય સુરક્ષાને ધ્યાનમાં રાખીને 108 એમ્બ્યુલન્સ અને આરોગ્ય ટીમ તૈનાત રહેશે.
![]()
વિશાળ પાર્કિંગ વ્યવસ્થા
વિશાળ પાર્કિંગ વ્યવસ્થાસ્થળ સુધી પહોંચવામાં કોઈ મુશ્કેલી ન પડે તે માટે 10 મીની બસની ખાસ વ્યવસ્થા કરવામાં આવી છે. સાથે સાથે 10થી 15 હજાર વાહનો માટે વિશાળ પાર્કિંગની વ્યવસ્થા પણ પૂર્ણ કરાઈ છે. સંમેલન દરમિયાન વ્યવસ્થા સુચારુ રહે તે માટે આશરે 700 સ્વયંસેવકો ફરજ પર રહેશે.
રબારી સમાજ માં જોવા મળી રહ્યો છે ઉત્સાહ
આ સંમેલનને લઈને રબારી સમાજમાં ભારે ઉત્સાહ જોવા મળી રહ્યો છે. લોકો મોટી સંખ્યામાં હાજરી આપશે એવી અપેક્ષા વ્યક્ત કરવામાં આવી રહી છે. આ નવું બંધારણ સમાજના શિક્ષણ, સામાજિક એકતા, આર્થિક વિકાસ અને સાંસ્કૃતિક વારસાને મજબૂત કરવામાં મહત્વની ભૂમિકા ભજવશે. માવજીભાઈ દેસાઈની આગેવાનીમાં આ સંમેલન રબારી સમાજના ઇતિહાસમાં એક સુવર્ણ અધ્યાય તરીકે નોંધાશે.
ઉલ્લેખનિય છે કે, હાલમાં જ બનાસકાંઠામાં જ ઠાકોર સમાજ દ્વારા પણ પોતાનું નવું બંધારણ બનાવીને સમાજને વિકાસની રાહ ઉપર લઈ જવાનો એક નવો અધ્યાય શરૂ કર્યો છે. તો હવે રબારી સમાજ પણ પોતાના સમાજમાં રહેતા કુરિવારોને જાકારો આપવા માટે તૈયાર છે. 25 જાન્યુઆરી 2026માં રબારી સમાજ માટે એક ઐતિહાસિક દિવસ હશે. જેમાં સમાજના ખોટા રિવાજો અને કરોડો રૂપિયાના ખર્ચાઓને દૂર કરવા સહિત અને પ્રગતિશીલ નિર્ણયો લેવામાં આવશે.
અહેવાલ- કમલેશ નાંભાણી, બનાસકાંઠા