Gandhinagar : કેન્દ્રીય ગૃહ મંત્રી અમિત શાહનું નિવેદન, Operation Sindoor નું નામકરણ પ્રધાનમંત્રી દ્વારા કરવામાં આવ્યું

કેન્દ્રીય ગૃહમંત્રી તેમજ ગાંધીનગરના સાંસદ અમિતભાઈ શાહ બે દિવસની ગુજરાત મુલાકાતે છે. અમિતભાઈ શાહ આજે ગાંધીનગર લોકસભાની મુલાકાત લીધી હતી. તેમજ ગાંધીનગર લોકસભા મત વિસ્તારમાં 707 કરોડના વિકાસના કામોનું લોકાર્પણ અને ખાતમુર્હૂત કર્યું હતું. તેમજ ત્યારે બાદ કોલવડા ખાતે જાહેરસભાનું આયોજન કરવામાં આવ્યું હતું. અમિતભાઈ શાહે જાહેરસભાને સંબોધતા જણાવ્યું હતું કે, મોદીજી જ્યારથી વડાપ્રધાન બન્યા છે. ત્યારથી ત્રણ વખત આતંકી હુમલાઓની ઘટના બની છે. અને મોદીજીએ ત્રણેય આતંકી હુમલાનો જડબાતોડ જવાબ આપ્યો છે. ઉરી હુમલાનો સર્જિકલ સ્ટ્રાઈકથી, પુલવામા હુમલાનો એર સ્ટ્રાઈકથી અને 'ઓપરેશન સિંદૂર' થી પાકિસ્તાનમાં આતંકીઓનાં અડ્ડાઓનો સફાયો કર્યો છે.