ઇકબાલગઢ નજીક સર્જાયેલા ભયાનક અકસ્માતમાં 7માં વ્યક્તિનું મોત
- ઇકબાલગઢ નજીક ભયાનક અકસ્માત : રોંગ સાઇડ ટ્રકે ઇનોવા કારને ચડી જતાં 7 મોત, 2 ગંભીર ઘાયલ
- પાલનપુર-આબુ હાઇવે પર કમકમાટીભર્યો અકસ્માત : આઇસર ટ્રકે 6નાં કરુણ મોત નીપજાવ્યાં
- અમીરગઢમાં ટ્રક-ઇનોવા અથડામણ : 7 મૃત, 2ની હાલત નાજુક; 5 કિમી ટ્રાફિક જામ
- રોંગ સાઇડ ડ્રાઇવિંગથી ભયાનક અકસ્માત : ઇકબાલગઢ પાસે 6નાં મોત, પોલીસે ગુનો નોંધ્યો
- બનાસકાંઠા હાઇવે પર દુ:ખદ અકસ્માત : ટ્રકે ઇનોવા કારનો કચ્ચરઘાણ કરી દીધો, 7 મોત
બનાસકાંઠા જિલ્લાના અમીરગઢ તાલુકાના ઇકબાલગઢ નજીક પાલનપુર-આબુ રોડ હાઇવે પર આજે એક ભયાનક માર્ગ અકસ્માત સર્જાયો હતો. રોંગ સાઇડથી પૂરપાટ ઝડપે આવી રહેલા એક આઇસર ટ્રકએ સામેથી આવતી એક ઇનોવા કારને ટક્કર મારી હતી. આ અકસ્માત સમયે ઘટના સ્થળે 6 વ્યક્તિઓના મોત થયા હતા. તો સારવાર દરમિયાન વધુ એક વ્યક્તિનું મૃત્યું નિપજ્યું હોવાના સમાચાર સામે આવી રહ્યાં છે. આમ અત્યાર સુધીમાં અકસ્માતમાં 7 લોકોએ પોતાના જીવ ગુમાવી ચૂક્યા છે. તો હજું પણ બે વ્યક્તિઓ ગંભીર હોવાનું કહેવામાં આવી રહ્યું છે.
આઇસરે ઈનોવાને મારી ટક્કર
પ્રાપ્ત માહિતી અનુસાર, આઇસર ટ્રક ધડાકાભેર ઇનોવા કાર પર ચડી ગયો હતો. અકસ્માત એટલો ભયાનક હતો કે ઇનોવા કારનો પૂરેપૂરો કચ્ચરઘાણ નીકળી ગયો હતો. કારમાં સવાર 6 મુસાફરોનાં ઘટનાસ્થળે જ મોત થયાં હતાં. અકસ્માત બાદ ઘટનાસ્થળે લોકોના ટોળેટોળા એકઠા થઈ ગયા હતા અને 5 કિમી લાંબો ટ્રાફિક જામ સર્જાયો છે.
અમીરગઢ પોલીસે શરૂ કરી કાર્યવાહી
ઘટનાની જાણ થતાં જ અમીરગઢ પોલીસનો કાફલો તાત્કાલિક સ્થળ પર પહોંચી ગયો હતો. પોલીસ અને સ્થાનિક લોકોની મદદથી ગાડીમાં ફસાયેલા લોકોને બહાર કાઢવામાં આવ્યા હતા. 6 મૃતદેહોને પંચનામું કરીને પોસ્ટમોર્ટમ માટે નજીકની સરકારી હોસ્પિટલમાં ખસેડવામાં આવ્યા છે. ગંભીર રીતે ઘાયલ 3 લોકોને તાત્કાલિક સારવાર અર્થે હોસ્પિટલમાં દાખલ કરવામાં આવ્યા છે, જ્યાં તેમની હાલત નાજુક હોવાનું જાણવા મળ્યું છે.
ટ્રક ચાલક વિરૂદ્ધ નોંધ્યો ગુનો
અમીરગઢ પોલીસે આ મામલે ગુનો નોંધીને ટ્રક ચાલક વિરુદ્ધ કાયદેસરની કાર્યવાહી હાથ ધરી છે. પ્રાથમિક તપાસમાં ટ્રક ચાલકની ગંભીર બેદરકારી અને રોંગ સાઇડ ડ્રાઇવિંગને અકસ્માતનું મુખ્ય કારણ માનવામાં આવી રહ્યું છે. પોલીસે ટ્રકને કબજે કરી લીધું છે અને વધુ તપાસ ચાલુ રાખી છે.
આ દુર્ઘટનાએ એક વખત ફરી હાઇવે પર ઝડપ અને ટ્રાફિક નિયમોના પાલન વિશે ગંભીર પ્રશ્નો ઉભા કર્યા છે.
આ પણ વાંચો- રબારી સમાજ માટે ઐતિહાસિક ક્ષણ : ડીસામાં નવા બંધારણ માટે મહાસંમેલન આવતીકાલે