UP Crime : હાય રે અંધશ્રદ્ધા, મામા-મામીએ ભાણીની બલિ ચઢાવી

• ઉત્તર પ્રદેશના દેવરિયા જિલ્લામાંથી એક ચોંકાવનારો કિસ્સો
• મામા-મામીએ અંધશ્રદ્ધાના કારણે પોતાની જ ભાણેજની છરીના ઘા મારીને હત્યા કરી
• મામા-મામી યુટ્યુબ દ્વારા તંત્ર-મંત્રની કળા શીખ્યા
• પોતાના માનસિક બીમાર પુત્રને સાજો કરવા ભાણેજની બલિ ચઢાવી

UP Crime : ઉત્તર પ્રદેશ (UP Crime)ના દેવરિયા જિલ્લામાંથી એક ચોંકાવનારો કિસ્સો સામે આવ્યો છે. જ્યાં એક મામા-મામીએ અંધશ્રદ્ધાના કારણે પોતાની જ ભાણેજને છરીના ઘા મારીને હત્યા કરી હતી. કહેવાય છે કે આરોપી મામાનો દીકરો ઘણીવાર માનસિક રીતે બીમાર રહેતો હતો. મામા અને મામીએ તેમના બાળકને સાજા કરવા માટે ઘણા ઉપાયો કર્યા હતા, પરંતુ તે સાજો થઈ શક્યો ન હતો.

ભાણેજની બલિ ચઢાવી

ત્યારપછી આરોપી મામીના સપનામાં દેવી માતા આવી અને કહ્યું કે જો તમે સગીર બાળકીની બલી આપો તો તમારો બીમાર પુત્ર સાજો થઈ જશે. પછી શું જોઇએ...આ યુગલે પ્લાન બનાવી પોતાની જ ભાણેજને છરી વડે પાંચ જગ્યાએ કાપીને ક્રૂરતાપૂર્વક હત્યા કરી નાખી. મામા અને મામીએ તેની બલિ ચઢાવી અને છોકરીની લાશને ઝાડની નીચે છુપાવી દીધી. પોલીસે હત્યારા મામા અને મામીની ધરપકડ કરી જેલ હવાલે કર્યા છે.

હત્યા કરી લાશ છુપાવી

તમને જણાવી દઈએ કે 27 નવેમ્બરના રોજ ભટની પોલીસ સ્ટેશન વિસ્તારના બેહેરા ડાબર ગામમાં 12 વર્ષની બાળકીની અર્ધ-નગ્ન હાલતમાં લોહીથી લથપથ લાશ મળી આવી હતી. બાળકીના શરીર પર અનેક જગ્યાએ છરાના ઘા મારવામાં આવ્યા હતા. આ માસુમ બાળકી તેની દાદી સાથે તેના પિતાના મામાને ત્યાં લગ્નમાં હાજરી આપવા આવી હતી. પછી દુષ્ટ મામા અને મામીએ આ ખતરનાક પગલું ભર્યું અને માસૂમ બાળકીની હત્યા કરીને બલિ ચઢાવી હતી. આરોપીએ માસુમ બાળકની લાશને મકાઈની દાંડીમાં છુપાવી દીધી હતી. જ્યારે બાળકીની શોધખોળ શરૂ થઈ અને બાળકી ન મળી ત્યારે પરિવારે પોલીસને જાણ કરી, પોલીસ દ્વારા ઘણી શોધખોળ બાદ તેનો મૃતદેહ ગામની બહાર મકાઈના ડાળામાંથી મળી આવ્યો હતો.

આ પણ વાંચો----Black Magic: શાળાની પ્રગતિ માટે સંચાલકે વિદ્યાર્થીની બલિ ચઢાવી..

પોસ્ટ મોર્ટમ રિપોર્ટ ચોંકાવનારો

પોલીસને બાજુના ખેતરમાંથી એક શાલ અને બનિયાન પણ મળી આવ્યા હતા. આ શાલ અને બનિયાનના આધારે, પોલીસે તપાસ શરૂ કરી. પોસ્ટમોર્ટમ રિપોર્ટના આધારે પોલીસને ખબર પડી કે બાળકીના પેટ, છાતી, માથું અને હાથ સહિત પાંચ જગ્યાએ કાપીને લોહી કાઢવામાં આવ્યું હતું. જેથી પોલીસે તંત્ર-મંત્ર એંગલના આધારે તપાસ શરૂ કરી હતી અને આ એંગલથી જ તે હત્યારાઓ સુધી પહોંચી હતી.

યુટ્યુબ દ્વારા તંત્ર-મંત્રની કળા શીખ્યા

પોલીસ તપાસ દરમિયાન, પ્રાપ્ત થયેલી શાલ મૃતકની મામી સવિતાની હોવાનું અને બનિયાન તેના મામા શેષનાથની હોવાનું જાણવા મળ્યું હતું. શેષનાથ અને સવિતા ઉત્તરાખંડમાં રહે છે. જપ્ત કરાયેલા કપડાના આધારે પોલીસે જ્યારે મૃતકની મામી સવિતાની પૂછપરછ કરી તો આખી વાત બહાર આવી. આરોપી મામા અને મામીએ પોલીસને જણાવ્યું હતું કે મારો પુત્ર સંજય માનસિક રીતે બીમાર છે અને અમે યુટ્યુબ દ્વારા તંત્ર-મંત્રની કળા શીખ્યા હતા. મામીએ સવિતાએ જણાવ્યું કે એક દિવસ મારા સ્વપ્નમાં દેવી માતાએ કહ્યું કે જો તમે સગીર બાળકીની બલિ આપો તો તમારો પુત્ર સાજો થઈ જશે. ત્યારથી આરોપી મામી છોકરીની શોધ કરી રહી હતી.

કેવી રીતે હત્યા કરી?

મામીએ પોલીસને જણાવ્યું કે તેના જેઠ ગેનાલાલ યાદવના ઘરે લગ્ન હતા. સંબંધીઓ પણ હાજરી આપવા આવ્યા હતા. આ છોકરી પણ ત્યાં આવી. પછી અમે આ છોકરીને જોઈ, આ છોકરી મને સારી લાગી. જ્યારે છોકરી અમારા જૂના ઘર તરફ ગઈ ત્યારે અમે તેનું અપહરણ કરીને તેને ગામની બહાર લઈ જઈ, પહેલા બાળકીના પેટ, છાતી, હાથ અને માથા સહિત પાંચ જગ્યાએ કાપીને લોહી કાઢ્યું હતું અને પછી તેની હત્યા કરી અને અમે છોકરીની લાશને છુપાવી દીધી.

પોલીસે આરોપીઓની ધરપકડ કરીને જેલ હવાલે કર્યા

દેવરિયાના એસપી સંકલ્પ શર્માએ જણાવ્યું કે, બાળકીની હત્યા કર્યા બાદ આરોપીએ મૃતદેહને મકાઈના સાંઠામાં છુપાવી દીધો હતો. આરોપીઓએ લોહીના ડાઘાવાળા કપડા અને છરી ઘરની છતમાં છુપાવ્યા હતા.. પોલીસે આરોપીઓની ધરપકડ કરીને જેલ હવાલે કર્યા છે.

આ પણ વાંચો----Pune માં સોફા કમ બેડની અંદરથી મળી યુવતીની લાશ...!