ઓપરેશન સિંદૂર હેઠળ ભારતીય સેના દ્વારા કરવામાં આવેલી કાર્યવાહીથી ગભરાયેલા પાકિસ્તાનેઆ દરમિયાન, યુએસ રાષ્ટ્રપતિ ડોનાલ્ડ ટ્રમ્પે ટ્રુથ સોશિયલ પર એક પોસ્ટ દ્વારા ભારત અને પાકિસ્તાન વચ્ચે યુદ્ધવિરામનો દાવો કર્યો.
ટ્રમ્પના આ નિવેદનની ભારત સરકારના ટોચના સૂત્રો દ્વારા પુષ્ટિ કરવામાં આવી છે. જોકે, ભારત સરકારે સ્પષ્ટતા કરી હતી કે ભારત અને પાકિસ્તાન વચ્ચે ગોળીબાર અને લશ્કરી કાર્યવાહી બંધ કરવાનો નિર્ણય બંને દેશો વચ્ચે સીધો લેવામાં આવ્યો હતો.
વિદેશ મંત્રાલયે માહિતી આપી
આ અંગે માહિતી આપતાં વિદેશ મંત્રાલયના સચિવ વિક્રમ મિશ્રીએ જણાવ્યું હતું કે શનિવાર (૧૦ મે, ૨૦૨૫) બપોરે પાકિસ્તાનના ડીજીએમઓએ ફોન કરીને પહેલ કરી હતી, ત્યારબાદ ચર્ચા થઈ હતી અને સર્વસંમતિ સધાઈ હતી. તેમણે કહ્યું કે અન્ય કોઈ સ્થળે અન્ય કોઈ મુદ્દા પર વાતચીત કરવાનો કોઈ નિર્ણય લેવામાં આવ્યો નથી. તેમણે કહ્યું, "પાકિસ્તાનના ડાયરેક્ટર જનરલ ઓફ મિલિટરી ઓપરેશન્સ (DGMO) એ આજે 15:35 વાગ્યે ભારતીય DGMO ને ફોન કર્યો. તેઓ સંમત થયા કે બંને પક્ષો ભારતીય સમય મુજબ 17:00 વાગ્યાથી જમીન, હવા અને સમુદ્ર પર તમામ ગોળીબાર અને લશ્કરી કાર્યવાહી બંધ કરશે. આજે બંને પક્ષોને આ કરારનો અમલ કરવા સૂચના આપવામાં આવી છે. ડાયરેક્ટર જનરલ ઓફ મિલિટરી ઓપરેશન્સ 12 મેના રોજ 12:00 વાગ્યે ફરી વાત કરશે."
ટ્રમ્પે આ સોદામાં મધ્યસ્થી કરવાનો દાવો કર્યો હતો
આ પહેલા અમેરિકાના રાષ્ટ્રપતિ ટ્રમ્પે દાવો કર્યો હતો કે અમેરિકાની મધ્યસ્થીથી બંને દેશો વચ્ચે યુદ્ધવિરામ કરાર થયો છે. તેમણે કહ્યું, "યુનાઇટેડ સ્ટેટ્સ દ્વારા મધ્યસ્થી કરાયેલી લાંબી રાતની વાટાઘાટો પછી, મને જાહેરાત કરતા આનંદ થાય છે કે ભારત અને પાકિસ્તાન સંપૂર્ણ અને તાત્કાલિક યુદ્ધવિરામ માટે સંમત થયા છે. બંને દેશોને અભિનંદન. આ બાબત પર ધ્યાન આપવા બદલ આભાર."
આ પણ વાંચોઃ India-Pakistan War : યુદ્ધની સ્થિતિને પહોંચી વળવા અમદાવાદ રેડક્રોસ દ્વારા કરવામાં આવી વિશેષ તૈયારીઓ
પાકિસ્તાને પણ યુદ્ધવિરામની પુષ્ટિ કરી
પાકિસ્તાનના વિદેશ મંત્રી ઇશાક ડારે X પર પોસ્ટ કરી છે કે પાકિસ્તાન અને ભારત તાત્કાલિક અસરથી યુદ્ધવિરામ પર સંમત થયા છે. જોકે, તેમણે ભારત પર હુમલો કરવાના નિષ્ફળ પ્રયાસો માટે માફી માંગી ન હતી. તેમણે વધુમાં દાવો કર્યો કે પાકિસ્તાન હંમેશા તેની સાર્વભૌમત્વ અને પ્રાદેશિક અખંડિતતા સાથે સમાધાન કર્યા વિના ક્ષેત્રમાં શાંતિ અને સુરક્ષા માટે પ્રયત્નશીલ રહ્યું છે.
આ પણ વાંચોઃ Ahmedabad: કલેક્ટર કચેરી ખાતે બેઠકનો ધમધમાટ, આપાતકાલીન સમયે પહોંચી વળવા અપાશે તાલીમ
