India Pakistan Ceasefire : ટ્રમ્પને ભારતનો સીધો જવાબ, કાશ્મીર પર મધ્યસ્થી સ્વીકાર્ય નથી, પાકિસ્તાને PoK ખાલી કરે
પ્રધાનમંત્રી નરેન્દ્ર મોદી આજે સવારે પંજાબના આદમપુર એરબેઝ પહોંચ્યા. અહીં તેઓ વાયુસેનાના કર્મચારીઓને મળ્યા. પીએમ મોદી આજે સવારે 7 વાગ્યે દિલ્હીના પાલમ એરપોર્ટથી ઉડાન ભરીને પંજાબના જલંધરમાં આદમપુર એરબેઝ પહોંચ્યા. પીએમ મોદી અહીં 1 કલાક રોકાયા અને વાયુસેનાના કર્મચારીઓને મળ્યા. તસવીરોમાં પ્રધાનમંત્રી મોદી વાયુસેનાના કર્મચારીઓ સાથે જોવા મળે છે.
આદમપુર એરબેઝ પર પીએમ મોદી સૈનિકો સાથે હસતા જોવા મળે છે. તમને જણાવી દઈએ કે પાકિસ્તાને ભારત વિરુદ્ધ ખોટો પ્રચાર ફેલાવતા કહ્યું હતું કે તેમણે પોતાના હુમલામાં ભારતના આદમપુર એરબેઝને ઉડાવી દીધો હતો.
Earlier this morning, I went to AFS Adampur and met our brave air warriors and soldiers. It was a very special experience to be with those who epitomise courage, determination and fearlessness. India is eternally grateful to our armed forces for everything they do for our nation. pic.twitter.com/RYwfBfTrV2
— Narendra Modi (@narendramodi) May 13, 2025
પરંતુ વડાપ્રધાનનું વિમાન આદમપુર એરબેઝ પર ઉતર્યા પછી, તે સાબિત થયું કે પાકિસ્તાનનો આ દાવો સંપૂર્ણપણે ખોટો હતો. કારણ કે ભારતના સૌથી VVIP નું વિમાન આ એરબેઝ પર સફળતાપૂર્વક ઉતર્યું હતું. તમને જણાવી દઈએ કે આદમપુર એરબેઝ ભારતના ફાઇટર એરક્રાફ્ટ મિગ 29 નું બેઝ છે. એર ચીફ માર્શલ એપી સિંહ પણ પ્રધાનમંત્રી સાથે હતા. પાકિસ્તાન સરહદની નજીક આવેલું આદમપુર એરબેઝ દુશ્મન પર ઝડપી હુમલો કરવા માટે જાણીતું છે.